ತಿರುವನಂತಪುರಂ: ಪೋಲೀಸ್ ಬ್ಯಾಂಡ್ ತಂಡಕ್ಕೆ ನೇಮಕಾತಿ ಮಾಡಿಕೊಳ್ಳಲು ಪಿಎಸ್‍ಸಿ ನಡೆಸುವ ಪರೀಕ್ಷೆಯ ನೆಪದಲ್ಲಿ ಭಾರೀ ಅವ್ಯವಹಾರ ನಡೆದಿರುವುದು ಪತ್ತೆಯಾಗಿದೆ. ಸಂಗೀತ ವಾದ್ಯಗಳನ್ನು ಅಧ್ಯಯನ ಮಾಡದವರೂ ಸಹ, ಸಂಸ್ಥೆಗಳ ಕೆಲಸದ ಅನುಭವ ಪ್ರಮಾಣಪತ್ರಗಳನ್ನು ಸಲ್ಲಿಸಿ ಪರೀಕ್ಷೆ ಬರೆಯುತ್ತಿರುವುದು ಕಂಡುಬಂದಿದೆ.
ಅಭ್ಯರ್ಥಿಗಳಿಂದ 3000 ರಿಂದ 5000 ರೂಪಾಯಿಗಳನ್ನು ಪಡೆದು ನೆಯ್ಯಾಟಿಂಕರ ‘ಪಗಲ್’ ಸಂಗೀತ ಅಕಾಡೆಮಿ ಎಂಬ ಸಂಸ್ಥೆ ನೀಡುವ ಪ್ರಮಾಣಪತ್ರವನ್ನು ಬೇರೆ ಯಾವುದೇ ಪರಿಶೀಲನೆಯಿಲ್ಲದೆ ಜಿಲ್ಲಾ ನೋಂದಣಾಧಿಕಾರಿಗಳ ಕಚೇರಿಯಲ್ಲಿ ದೃಢೀಕರಿಸಲಾಗುತ್ತದೆ. ಪೋಲೀಸ್ ಪಡೆಯ ಭಾಗವಾಗಿರುವ ಬ್ಯಾಂಡ್ ಸಂಘಕ್ಕೆ ಸೇರಲು ಅಭ್ಯರ್ಥಿಗಳಿಂದ ಪಿಎಸ್‍ಸಿ ಅರ್ಜಿ ಆಹ್ವಾನಿಸಿದೆ. ಅರ್ಹತೆ ಜೊತೆಗೆ ಶೈಕ್ಷಣಿಕ ಅರ್ಹತೆ ಮತ್ತು ಸಂಗೀತ ವಾದ್ಯಗಳನ್ನು ನುಡಿಸುವ ಅನುಭವ ಬೇಕಾಗುತ್ತದೆ. ಲಿಖಿತ ಪರೀಕ್ಷೆಯ ನಂತರ ಸೈಟ್‍ನಲ್ಲಿ ಒಂದು ವರ್ಷದ ಅನುಭವ ಪ್ರಮಾಣಪತ್ರವನ್ನು ಅಪ್‍ಲೋಡ್ ಮಾಡಲು ಪಿಎಸ್‍ಸಿ ಅಭ್ಯರ್ಥಿಗಳನ್ನು ಕೇಳಿದೆ. ಪಿಎಸ್‍ಸಿ ಸಂಗೀತ ಸಂಸ್ಥೆಯಲ್ಲಿ ಅಧ್ಯಯನ ಪೂರ್ಣಗೊಳಿಸಿದ ಪ್ರಮಾಣಪತ್ರ ಅಥವಾ ಮಾರ್ಕ್ ಪಟ್ಟಿಯನ್ನು ಕೇಳಲಿಲ್ಲ. ನೆಯ್ಯಾಟಿಂಗರದಲ್ಲಿ ಕಾರ್ಯನಿರ್ವಹಿಸುತ್ತಿರುವ ಸಂಗೀತ ಸಂಸ್ಥೆಯು ಪೋಲೀಸ್ ಬ್ಯಾಂಡ್‍ನಲ್ಲಿ ಕೆಲಸ ಮಾಡಿದ ಪೆÇಲೀಸ್ ಅಧಿಕಾರಿಯ ಒಡೆತನದಲ್ಲಿದೆ.
ಪ್ರಮಾಣಪತ್ರಗಳ ಬೇಡಿಕೆಯೊಂದಿಗೆ ಪ್ರಾಂಶುಪಾಲರನ್ನು ಸಂಪರ್ಕಿಸಿದರೆ, ಅವರು ಕೊಟ್ಟಾಯಂನಲ್ಲಿರುವ ಜಿಲ್ಲಾ ನೋಂದಣಾಧಿಕಾರಿಗಳ ಕಚೇರಿಗೆ ತೆರಳಲು ಸೂಚಿಸುತ್ತಾರೆ. ತಲಾ ರೂ.3000 ಪಡೆದು ಸೀಲ್ ಲಗತ್ತಿಸಿದ ಪ್ರಮಾಣಪತ್ರವನ್ನು ನೀಡಲಾಗುತ್ತದೆ. ಸಂಗೀತ ವಾದ್ಯಗಳನ್ನು ನುಡಿಸಬೇಕಾದ ಪರೀಕ್ಷೆಯನ್ನು ಪಿಎಸ್.ಸಿ ನಡೆಸುತ್ತದೆ. ಸಂದರ್ಶನ ಮಂಡಳಿಯಲ್ಲೂ ಜನರಿದ್ದು, ಪಿಎಸ್‍ಸಿ ಸಂದರ್ಶನ ಬೋರ್ಡ್‍ನಲ್ಲಿರುವವರೇ ಈ ಸಂಸ್ಥೆಯ ಮುಖ್ಯಸ್ಥರಾಗಿದ್ದು, ಗೆಲ್ಲಲು ತಂತ್ರಗಳನ್ನು ಹೇಳಬಹುದು ಎಂದು ಮಾಲೀಕರು ಭರವಸೆ ನೀಡುತ್ತಾರೆ. ಘಟನೆಯಲ್ಲಿ ನೆಯ್ಯಟಿಂಕರ ಸಿಐ ನೇತೃತ್ವದಲ್ಲಿ ವೆಂಪಾಕಲ್‍ನಲ್ಲಿರುವ ಮ್ಯೂಸಿಕ್ ಅಕಾಡೆಮಿಯಲ್ಲಿ ಒಂದು ಗಂಟೆ ಕಾಲ ತಪಾಸಣೆ ನಡೆಸಲಾಯಿತು. ದಾಖಲೆಗಳನ್ನು ಪರಿಶೀಲಿಸಲಾಗುತ್ತಿದೆ ಎಂದು ಪೋಲೀಸರು ತಿಳಿಸಿದ್ದಾರೆ.
DOCTYPE html>
.jpg)
