ತಿರುವನಂತಪುರಂ: ಹರಿಯಾಣದ ಸ್ಥಳೀಯರನ್ನು ಒಳಗೊಂಡ ವಿ.ಎಸ್.ಎಸ್.ಸಿ. ಪರೀಕ್ಷೆ ವಂಚನೆ ಪ್ರಕರಣದ ತನಿಖೆ ನಡೆಸುತ್ತಿರುವ ಪೋಲೀಸ್ ತಂಡವು ಆರೋಪಿಗಳೆಲ್ಲರೂ ಹರಿಯಾಣದ ಜಿಂದ್ ಜಿಲ್ಲೆಯಲ್ಲಿ ಕಾರ್ಯನಿರ್ವಹಿಸುತ್ತಿರುವ "ಪೇಪರ್ ಸಾಲ್ವರ್ ಗ್ಯಾಂಗ್" ನ ಸದಸ್ಯರು ಎಂದು ಪತ್ತೆಹಚ್ಚಿದೆ. ಪೇಪರ್ ಸಾಲ್ವರ್ ಗ್ಯಾಂಗ್ ಎನ್ನುವುದು ಕೇಂದ್ರೀಕೃತ ಮತ್ತು ಸಂಘಟಿತ ರೀತಿಯಲ್ಲಿ ಪರೀಕ್ಷಾ ವಂಚನೆಯಲ್ಲಿ ತೊಡಗಿರುವ ರಾಕೆಟ್‍ಗಳನ್ನು ಸೂಚಿಸಲು ಬಳಸುವ ಪದವಾಗಿದೆ. ಬಂಧಿತರಲ್ಲಿ ಒಬ್ಬನಾದ ದೀಪಕ್ ಶಿಯೋಕಂದ್ ಗ್ಯಾಂಗ್‍ನ ಪ್ರಮುಖ ಸದಸ್ಯ ಎಂದು ಹೇಳಲಾಗಿದೆ.
ಜಿಂದ್ ಜಿಲ್ಲೆಯ ಉಚ್ಚಾನಾ ತೆಹಸಿಲ್‍ನ ಕಾಕ್ರೋಡ್ ಗ್ರಾಮದವರಾದ ದೀಪಕ್ ಕೆಲವು ವರ್ಷಗಳ ಹಿಂದೆ ದೆಹಲಿಯಲ್ಲಿ ಇದೇ ರೀತಿಯ ಪರೀಕ್ಷಾ ವಂಚನೆಗಾಗಿ ಬಂಧಿಸಲ್ಪಟ್ಟಿದ್ದ. ಈ ಪ್ರಕರಣದಲ್ಲಿ ಇದುವರೆಗೆ 10 ಜನರನ್ನು ಬಂಧಿಸಲಾಗಿದ್ದು, ಈ ವಾರದ ಆರಂಭದಲ್ಲಿ ನಾಲ್ವರನ್ನು ಹರಿಯಾಣದಿಂದ ಬಂಧಿಸಲಾಗಿದೆ. ಹರ್ಯಾಣದ ಮೂಲಗಳು ಈ ರಾಕೆಟ್‍ನ ಸದಸ್ಯರು ಅನ್ಯಾಯದ ಮಾರ್ಗಗಳ ಮೂಲಕ ಸರ್ಕಾರಿ ಉದ್ಯೋಗಗಳನ್ನು ಗಳಿಸಲು ಸಿದ್ಧರಿರುವ ಜನರನ್ನು ಹುಡುಕುತ್ತಿದ್ದರು ಎಂದು ಹೇಳಿದರು.
ಹರ್ಯಾಣದಿಂದ ಬಂಧಿತರಾದ ರಿಷಿಪಾಲ್ ಎಂಬಾತ 8 ಲಕ್ಷ ರೂ.ವಂಚಿಸಿದ ಆರೋಪಿ. ಎಷಿಪಾಲ್ ಅನ್ಯಾಯದ ಮಾರ್ಗಗಳ ಮೂಲಕ ಪರೀಕ್ಷೆಯನ್ನು ಭೇದಿಸಲು ಸಿದ್ದಹಸ್ತ ಮತ್ತು ಕೈತಾಲ್ ಜಿಲ್ಲೆಯ ಕಲಾಯತ್ ತೆಹಸಿಲ್‍ನ ಚೌಸಾಲಾ ಎಂಬ ವ್ಯಕ್ತಿಯಿಂದ ಗ್ಯಾಂಗ್‍ಗೆ ಪರಿಚಯವಾಯಿತು. ತಿರುವನಂತಪುರಂನಿಂದ ಪೋಲೀಸರು ಬಂಧಿಸಿದ ಅಮಿತ್ ಗೆ ರಿಷಿಪಾಲ್ ನಗದನ್ನು ನೀಡಿದ್ದಾನೆ ಎಂದು ತಿಳಿದುಬಂದಿದೆ.
DOCTYPE html>
.jpg)
