ವಿಮಾನದ ಸಮಸ್ಯೆಯಿಂದ ಭಾರತದಲ್ಲೇ ಉಳಿದಿದ್ದ ಪ್ರಧಾನಿ ಜಸ್ಟಿನ್‌ ಕೆನಡಾಕ್ಕೆ ವಾಪಸ್‌

                   ನವದೆಹಲಿ: ಜಿ20 ಶೃಂಗಸಭೆಗೆ ಆಗಮಿಸಿದ್ದ ಕೆನಡಾ ಪ್ರಧಾನಿ ಜಸ್ಟಿನ್ ಟ್ರುಡೋ ಅವರು ನಿನ್ನೆ ದೇಶಕ್ಕೆ ವಾಪಸ್‌ ತೆರಳಿದ್ದಾರೆ.

                     ಕಳೆದ ಶುಕ್ರವಾರ (ಸೆ.8) ಟ್ರುಡೋ ಭಾರತಕ್ಕೆ ಬಂದಿದ್ದರು. ಶೃಂಗಸಭೆ ಮುಗಿಸಿ ಭಾನುವಾರ (ಸೆ.10)ಕೆನಡಾಕ್ಕೆ ತೆರಳಬೇಕಿತ್ತು. ಆದರೆ ವಿಮಾನದಲ್ಲಿ ತಾಂತ್ರಿಕ ದೋಷ ಕಂಡು ಬಂದ ಹಿನ್ನೆಲೆಯಲ್ಲಿ ದೆಹಲಿಯಲ್ಲೇ ಉಳಿದುಕೊಂಡಿದ್ದರು.

                  36 ಗಂಟೆಗಳ ಬಳಿಕ ಇಂದು ಮಧ್ಯಾಹ್ನ ಇಂದಿರಾಗಾಂಧಿ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಕೆನಡಾಕ್ಕೆ ತೆರಳಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

                    ವಿಮಾನದ ತಾಂತ್ರಿಕ ದೋಷವನ್ನು ಸರಿಪಡಿಸಲಾಗಿದೆ, ವಿಮಾನ ಹಾರಾಟಕ್ಕೆ ಆಕಾಶವೂ ಸಂಚಾರಮುಕ್ತವಾಗಿದೆ. ಇಂದು ಮಧ್ಯಾಹ್ನ ಕೆನಡಾ ನಿಯೋಗ ದೆಹಲಿಯಿಂದ ಹೊರಟಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.