ಐಎಸ್ ಭಯೋತ್ಪಾದನಾ ಚಟುವಟಿಕೆ: ಪಾಲಕ್ಕಾಡ್ ಮೂಲದ ಜಹೀರ್ ತುರ್ಕಿಯನ್ನು ವಶಕ್ಕೆ ಪಡೆದ ಎನ್‍ಐಎ

                ಎರ್ನಾಕುಳಂ: ಕೇರಳದಲ್ಲಿ ಐಎಸ್ ಭಯೋತ್ಪಾದಕ ಚಟುವಟಿಕೆಗಳಿಗೆ ಸಂಬಂಧಿಸಿದಂತೆ ಮತ್ತೊಬ್ಬನನ್ನು ಎನ್‍ಐಎ ವಶಕ್ಕೆ ಪಡೆದುಕೊಂಡಿದೆ. ಪಾಲಕ್ಕಾಡ್ ಮನ್ನಾಕ್ರ್ಕಾಡ್ ಮೂಲದ ಜಹೀರ್ ತುರ್ಕಿಯನ್ನು ಎನ್‍ಐಎ ಬಂಧಿಸಿದೆ.

               ಈತ ಈ ಹಿಂದೆ ಎನ್‍ಐಎಗೆ ಸಿಕ್ಕಿಬಿದ್ದಿದ್ದ ನಬೀಲ್ ಮುಹಮ್ಮದ್ ನ ಸಹಚರ. ನಿನ್ನೆ ಆತನ ಮನೆಯಿಂದ ಎನ್‍ಐಎ ವಶಕ್ಕೆ ಪಡೆಯಿತು. ಜಹೀರ್‍ನ ಮನೆಯಲ್ಲಿ ನಡೆಸಿದ ಶೋಧದ ವೇಳೆ ಎನ್‍ಐಎ ಭಯೋತ್ಪಾದಕ ಚಟುವಟಿಕೆಗಳಲ್ಲಿ ಭಾಗಿಯಾಗಿದ್ದನ್ನು ಸಾಬೀತುಪಡಿಸುವ ಡಿಜಿಟಲ್ ಪುರಾವೆಗಳನ್ನು ಸಹ ಪತ್ತೆ ಮಾಡಲಾಗಿದೆ. ನಬೀಲ್‍ಗೆ ಅಡಗುತಾಣ ನೀಡಿ, ಸಿಮ್ ಕಾರ್ಡ್ ನೀಡಿ ಕೇರಳದಿಂದ ತೆರಳಲು ಹಣ ನೀಡಿದ್ದನ್ನು ಎನ್‍ಐಎ ಪತ್ತೆ ಮಾಡಿದೆ.

                ಈ ಹಿಂದೆ ಕೇರಳದಲ್ಲಿ ಐಎಸ್ ಗ್ರೂಪ್ ಆರಂಭಿಸಲು ಮಲಯಾಳಿಗಳನ್ನು ಒಳಗೊಂಡ ತಂಡವೊಂದು ರಚಿಸಲು ಯತ್ನಿಸಿದ್ದನ್ನು ಎನ್ ಐಎ ಪತ್ತೆ ಹಚ್ಚಿತ್ತು. ಎನ್‍ಐಎ ಪ್ರಕಾರ, ಪೆಟ್ ಲವರ್ಸ್ ಎಂಬ ಟೆಲಿಗ್ರಾಂ ಗುಂಪು ರಚಿಸಿದ ತಂಡ ತ್ರಿಶೂರ್‍ನ ಪಾಲಕ್ಕಾಡ್ ಜಿಲ್ಲೆಗಳಲ್ಲಿ ದೇವಾಲಯಗಳನ್ನು ಲೂಟಿ ಮಾಡಲು ಯೋಜಿಸಿತ್ತು. ಈ ಹಿನ್ನೆಲೆಯಲ್ಲಿ ಎನ್‍ಐಎ ಪ್ರಕರಣ ದಾಖಲಿಸಿಕೊಂಡಿತ್ತು.

               ಇದಾದ ಬಳಿಕ ನಬೀಲ್ ಅಹ್ಮದ್ ತಲೆಮರೆಸಿಕೊಂಡಿದ್ದಾನೆ. ಇದಕ್ಕೆ ಈಗ ಬಂಧಿತನಾಗಿರುವ ಜಹೀರ್ ನೆರವು ನೀಡಿದ್ದಾನೆ. ನಬೀಲ್ ಅಹಮದ್ ಅವನೂರಿನ ಲಾಡ್ಜ್ ಒಂದರಲ್ಲಿ ತಲೆಮರೆಸಿಕೊಂಡಿದ್ದ. ಒಂದು ತಿಂಗಳ ಕಾಲ ಜಹೀರ್ ಹೆಸರಿನಲ್ಲಿ ಲಾಡ್ಜ್‍ನಲ್ಲಿ ರೂಂ ತೆಗೆದುಕೊಳ್ಳಲಾಗಿತ್ತು. ಆದರೆ ನಿನ್ನೆ ಎನ್‍ಐಎ ಇಲ್ಲಿ ವಾಸವಾಗಿದ್ದ ನಬೀಲ್ ಎಂಬುದಕ್ಕೆ ದಾಖಲೆಗಳು ಮತ್ತು ಸಿಸಿಟಿವಿ ದೃಶ್ಯಾವಳಿಗಳನ್ನು ಪತ್ತೆ ಮಾಡಿದೆ.

            ಕೊಚ್ಚಿಯಲ್ಲಿರುವ ಎನ್‍ಐಎ ಕೇಂದ್ರ ಕಚೇರಿಯಲ್ಲಿ ಜಹೀರ್ ತುರ್ಕಿಯನ್ನು ವಿವರವಾಗಿ ವಿಚಾರಣೆ ನಡೆಸಲಾಗುತ್ತಿದೆ. ಸಬೀಲ್ ಅಹಮದ್ ಎಂಬಾತನಿಗೆ ಸಿಮ್ ಕಾರ್ಡ್ ಒದಗಿಸಿದವನೂ ಇವನೇ. ತಮಿಳುನಾಡಿನಲ್ಲಿ ತಲೆಮರೆಸಿಕೊಳ್ಳಲು ಹಣ ನೀಡಿದ್ದನ್ನು ಎನ್‍ಐಎ ಪತ್ತೆ ಮಾಡಿದೆ. ಈತನಿಂದ ಕೇರಳದಲ್ಲಿ ಐಎಸ್ ಗುಂಪಿನ ಚಟುವಟಿಕೆಗಳು ಎಲ್ಲೆಲ್ಲಿ ಹರಡಿವೆ ಎಂಬುದನ್ನು ಪತ್ತೆ ಹಚ್ಚಲು ಎನ್ ಐಎ ಯತ್ನಿಸುತ್ತಿದೆ.