ಭಾರತದ ಮೊಟ್ಟ ಮೊದಲ ಯುಪಿಐ ಆಧಾರಿತ ಎಟಿಎಂ ಆರಂಭ; ಕಾರ್ಡ್ಲೆಸ್ ಕ್ಯಾಶ್ ವಿತ್ಡ್ರಾ ಮಾಡುವುದು ಹೀಗೆ

0 samarasasudhi ಸೆಪ್ಟೆಂಬರ್ 08, 2023

ಮುಂಬೈ: ಇತ್ತೀಚಿನ ವರ್ಷಗಳಲ್ಲಿ ಯೂನಿಫೈಡ್ ಪೇಮೆಂಟ್ಸ್ ಇಂಟರ್ಫೇಸ್ (UPI) ಮೂಲಕ ಸ್ಮಾರ್ಟ್ಫೋನ್ಗಳಲ್ಲಿ ಹಣ ವರ್ಗಾವಣೆ ಮಾಡುವುದು ಗೊತ್ತೇ ಇದೆ. ಆದರೆ, ಎಟಿಎಂ ಕಾರ್ಡ್ ಇಲ್ಲದೇ ಯುಪಿಐ ಮೂಲಕ ಹಣ ಪಡೆಯುವ ಹೊಸ ತಂತ್ರಜ್ಞಾನವೊಂದು ಯಶಸ್ವಿಯಾಗಿ ಪ್ರದರ್ಶನಗೊಂಡಿದೆ.

ಮುಂಬೈನಲ್ಲಿ ನಡೆಯುತ್ತಿರುವ ಗ್ಲೋಬಲ್ ಫಿನ್ಟೆಕ್ ಫೆಸ್ಟ್ನಲ್ಲಿ ಯುಪಿಐ ಬಳಸಿ ಹಣ ಪಡೆಯುವ ಪ್ರಯತ್ನ ಎಲ್ಲರ ಗಮನ ಸೆಳೆದಿದ್ದು, ಈ ವಿಡಿಯೋವನ್ನು ಕೇಂದ್ರ ಸಚಿವ ಪ್ರಿಯೂಷ್ ಗೋಯೆಲ್ ಸಾಮಾಜಿಕ ಜಾಲತಾಣ ಎಕ್ಸ್ನಲ್ಲಿ ಹಂಚಿಕೊಂಡಿದ್ದಾರೆ.

ಇದು ದೇಶದ ಮೊದಲ ಯುಪಿಐ ಎಟಿಎಂ ಎಂದು ಕರೆಯಲಾಗಿದೆ. ಈ ಹೊಸ ತಂತ್ರಜ್ಞಾನದಿಂದ ನಾವು ಎಟಿಎಂ ಕಾರ್ಡ್ಗಳನ್ನು ತೆಗೆದುಕೊಂಡು ಹೋಗುವ ಅವಶ್ಯಕತೆ ಇರುವುದಿಲ್ಲ. ಇದೊಂದು ಕ್ರಾಂತಿಕಾರಕ ಆವಿಷ್ಕಾರವಾಗಿದೆ ಎಂದು ಸಚಿವ ಪಿಯೂಷ್ ಗೋಯೆಲ್ ಬಣ್ಣಿಸಿದ್ದಾರೆ.

ಬಳಕೆ ಹೇಗೆ

ಜನ್ಮದಿನ ಆಚರಿಸಿಕೊಳ್ಳುವವರಿಗೆ ವಂಡರ್ಲಾದಲ್ಲಿ ಉಚಿತ ಟಿಕೆಟ್; ಇಲ್ಲಿದೆ ವಿವರ..

ವೈರಲ್ ಆಗಿರುವ ವಿಡಿಯೊದಲ್ಲಿ ವ್ಯಕ್ತಿಯೊಬ್ಬರು ಯುಪಿಐ ಎಟಿಎಂಅನ್ನು ಹೇಗೆ ಬಳಕೆ ಮಾಡಬೇಕು ಎಂದು ಹೇಳಿಕೊಡುತ್ತಾರೆ. ಮೊದಲಿಗೆ ಕಾರ್ಡ್ಲೆಸ್ ಕ್ಯಾಶ್ ಎಂದು ಆಯ್ಕೆ ಮಾಡಬೇಕು. ಆ ನಂತರ ನಾವು ಬಯಸಿದ ಮೊತ್ತವನ್ನು ಅಲ್ಲಿ ನಮೂದಿಸಬೇಕು. ಬಳಿಕ ಯುಪಿಐ ಆಯಪ್ ಬಳಸಿ ಸ್ಕ್ರೀನ್ ಮೇಲೆ ತೋರಿಸಲಾಗುವ ಕ್ಯೂಆರ್ ಕೋಡ್ಅನ್ನು ಸ್ಕ್ಯಾನ್ ಮಾಡಿ ಪಾಸ್ವರ್ಡ್ ನಮೂದಿಸಿ ಆ ನಂತರ ಹಣ ಪಡೆಯಬಹುದು ಎಂದು ಹೇಳುತ್ತಿರುವ ವಿಡಿಯೋ ವೈರಲ್ ಆಗಿದೆ.

ಸಾಮಾನ್ಯ ಎಟಿಎಂನಂತೆಯೇ ಯುಪಿಐ ಎಟಿಎಂಅನ್ನು ಬಳಸಬಹುದು. ನಗದು ಪಡೆಯಲು ಇರುವ ಉಚಿತ ಬಳಕೆಯ ಮಿತಿ ನಂತರ ವಿಧಿಸಲಾಗುವ ಶುಲ್ಕಗಳು ಸಹ ಇದಕ್ಕೆ ಅನ್ವಯವಾಗುತ್ತದೆ. ಈ ಯುಪಿಐ ಎಟಿಎಂ ಅನ್ನು ಆಯಪ್ಗಳಾದ ಗೂಗಲ್ ಪೇ, ಪೇಟಿಎಂ, ಪೋನ್ ಪೇ ಬಳಸಿ ಹಣ ಪಡೆಯಬಹುದು. ಆದರೆ, ಈ ಹೊಸ ತಂತ್ರಜ್ಞಾನವನ್ನು ಸಾರ್ವಜನಿಕರ ಬಳಕೆಗೆ ಇನ್ನೂ ಮುಕ್ತವಾಗಿಸಿಲ್ಲ.