ಕೇರಳ ಎಸ್.ಎಸ್.ಎಲ್.ಸಿ ಮತ್ತು ಹೈಯರ್ ಸೆಕೆಂಡರಿ ಪರೀಕ್ಷೆ ದಿನಾಂಕ ಪ್ರಕಟ: ಮಾಹಿತಿ ತಿಳಿಯಿರಿ

          

               ತಿರುವನಂತಪುರಂ: ರಾಜ್ಯದಲ್ಲಿ ಈ ವರ್ಷದ ಎಸ್‍ಎಸ್‍ಎಲ್‍ಸಿ, ಹೈಯರ್ ಸೆಕೆಂಡರಿ ಪರೀಕ್ಷಾ ದಿನಾಂಕ ಪ್ರಕಟವಾಗಿದೆ. 2024 ರ ಮಾರ್ಚ್ 4 ರಿಂದ 25 ರವರೆಗೆ ಎಸ್‍ಎಸ್‍ಎಲ್‍ಸಿ ಪರೀಕ್ಷೆಯನ್ನು ನಡೆಸಲಾಗುವುದು ಎಂದು ಸಚಿವ ವಿ ಶಿವನ್‍ಕುಟ್ಟಿ ಮಾಹಿತಿ ನೀಡಿದರು. ಏಪ್ರಿಲ್ 3 ರಿಂದ ಏಪ್ರಿಲ್ 17 ರವರೆಗೆ ಮೌಲ್ಯಮಾಪನ ಶಿಬಿರ ನಡೆಯಲಿದೆ.  ಮಾದರಿ ಪರೀಕ್ಷೆ ಫೆಬ್ರವರಿ 19 ರಿಂದ 23 ರವರೆಗೆ ನಡೆಯಲಿದೆ.

              ಹೈಯರ್ ಸೆಕೆಂಡರಿ ಪ್ಲಸ್ ಒನ್ ಮತ್ತು ಪ್ಲಸ್ ಟು ಪರೀಕ್ಷೆಗಳನ್ನು ಮಾರ್ಚ್ 1 ರಿಂದ 26, 2024 ರವರೆಗೆ ನಡೆಸಲಾಗುವುದು. ಪರೀಕ್ಷೆಯ ಅಧಿಸೂಚನೆಯನ್ನು ಅಕ್ಟೋಬರ್‍ನಲ್ಲಿ ಬಿಡುಗಡೆ ಮಾಡಲಾಗುವುದು. ಕೋಝಿಕ್ಕೋಡ್ ಜಿಲ್ಲೆಯಲ್ಲಿ ನಿಪಾ ವೈರಸ್ ದೃಢಪಟ್ಟಿರುವ ಕಾರಣ, ಈ ತಿಂಗಳ 25 ರಂದು ಪ್ರಾರಂಭವಾಗಬೇಕಿದ್ದ ಪ್ಲಸ್ ಒನ್ ಸುಧಾರಣಾ ಪರೀಕ್ಷೆಗಳನ್ನು ಮುಂದೂಡಲಾಗಿದೆ. ಪರೀಕ್ಷೆಯು ಅಕ್ಟೋಬರ್ 9, 10, 11, 12 ಮತ್ತು 13 ರಂದು ನಡೆಯಲಿದೆ.

            ಎಸ್ಸೆಲ್ಸಿ ಪರೀಕ್ಷೆಯ ಟೈಮ್ ಟೇಬಲ್:

ಸೋಮವಾರ 4 ಮಾರ್ಚ್ 2024 9.30 ರಿಂದ 11.15 ರವರೆಗೆ ಪ್ರಥಮ ಭಾಷೆ ಭಾಗ 1

ಬುಧವಾರ 6 ಮಾರ್ಚ್ 9.30 ರಿಂದ 12.15 ರವರೆಗೆ ಇಂಗ್ಲೀಷ್

ಮಾರ್ಚ್ 11 ಸೋಮವಾರ ಗಣಿತ ಬೆಳಿಗ್ಗೆ 9.30 ರಿಂದ ಮಧ್ಯಾಹ್ನ 12.15 ರವರೆಗೆ

ಮಾರ್ಚ್ 13 ಬುಧವಾರ 9.30 ರಿಂದ 11.15 ರವರೆಗೆ ಪ್ರಥಮ ಭಾಷೆ ಭಾಗ 2

ಮಾರ್ಚ್ 15 ರಂದು ಶುಕ್ರವಾರ 9.30 ರಿಂದ 11.15 ರವರೆಗೆ ಭೌತಶಾಸ್ತ್ರ

ಸೋಮವಾರ 18 ಮಾರ್ಚ್ 9.30 ರಿಂದ 11.15 ರವರೆಗೆ ಹಿಂದಿ/ಸಾಮಾನ್ಯ ಜ್ಞಾನ

ಬುಧವಾರ 20 ಮಾರ್ಚ್ 9.30 ರಿಂದ 11.15 ರವರೆಗೆ ರಸಾಯನಶಾಸ್ತ್ರ

ಶುಕ್ರವಾರ 22 ಮಾರ್ಚ್ 9.30 ರಿಂದ 11.15 ರವರೆಗೆ ಜೀವಶಾಸ್ತ್ರ

ಸೋಮವಾರ 25 ಮಾರ್ಚ್ 9.30 ರಿಂದ 12.15 ರವರೆಗೆ ಸಮಾಜ ವಿಜ್ಞಾನ

ಐ.ಟಿ. ಪರೀಕ್ಷೆ - 1 ರಿಂದ 14 ಫೆಬ್ರವರಿ 2024 (10 ದಿನಗಳು)

     ನಿಪಾ ಸಂಬಂಧಿತ ಕೋಝಿಕ್ಕೋಡ್ ಜಿಲ್ಲೆಯಲ್ಲಿ ತುರ್ತು ಪರಿಸ್ಥಿತಿ ಎದುರಿಸಲು ಸಾರ್ವಜನಿಕ ಶಿಕ್ಷಣ ಇಲಾಖೆ ಸಂಪೂರ್ಣ ಸನ್ನದ್ಧವಾಗಿದೆ. ಪರಿಸ್ಥಿತಿಗೆ ಅನುಗುಣವಾಗಿ ತುರ್ತು ಸಭೆಗಳಲ್ಲಿ ನಿರ್ಧಾರಗಳನ್ನು ತೆಗೆದುಕೊಳ್ಳಲಾಗುತ್ತದೆ ಮತ್ತು ಕಾರ್ಯಗತಗೊಳಿಸಲಾಗುತ್ತದೆ. ಶೇ 100ರಷ್ಟು ಶಾಲೆಗಳಲ್ಲಿ ಆನ್‍ಲೈನ್ ವ್ಯವಸ್ಥೆ ಕಲ್ಪಿಸಲಾಗಿದೆ ಎಂದು ಸಚಿವರು ಮಾಹಿತಿ ನೀಡಿದರು.