ಕನ್ನೆಪ್ಪಾಡಿ ಆಶ್ರಯದಲ್ಲಿ ಶ್ರೀಕೃಷ್ಣ ಜನ್ಮಾಷ್ಟಮಿ

                ಬದಿಯಡ್ಕ: ಜನಸೇವಾ ವಿಶ್ವಸ್ಥ ನಿಧಿ, ಆಶ್ರಯ ಆಶ್ರಮ ಕನ್ಯಪ್ಪಾಡಿಯಲ್ಲಿ ಶ್ರೀಕೃಷ್ಣಜನ್ಮಾಷ್ಟಮಿ ಕಾರ್ಯಕ್ರಮ ನಡೆಯಿತು. 

           ಕಾಸರಗೋಡು ಸರ್ಕಾರಿ ಕಾಲೇಜು ಎನ್.ಎಸ್.ಎಸ್. ಕಾರ್ಯಕ್ರಮಾಧಿಕಾರಿ  ಆಶಾಲತಾ ಉದ್ಘಾಟಿಸಿದರು.  ಶಿಶುಮಂದಿರದ ಪುಟಾಣಿಗಳಿಂದ ಕೃಷ್ಣ ವೇಷ ಪ್ರದರ್ಶನ ನಡೆಯಿತು. ಬಾಲಗೋಕುಲದ ಮಕ್ಕಳಿಗೆ ಮತ್ತು ಮಾತೆಯರಿಗೆ ವಿವಿಧ ಸ್ಪರ್ಧೆಗಳನ್ನು ಏರ್ಪಡಿಸಿ ಬಹುಮಾನ ವಿತರಿಸಲಾಯಿತು. ಕಾರ್ಯದರ್ಶಿ ಶಿವಶಂಕರ ಭಟ್ ಗುಣಾಜೆ ಉಪಸ್ಥಿತರಿದ್ದರು. ರಮೇಶ ಕಳೇರಿ ಸ್ವಾಗತಿಸಿ, ಭುವನೇಶ್ವರಿ ವಂದಿಸಿದರು. ಶಿಶುಮಂದಿರ ಅಧ್ಯಾಪಿಕೆ ಸವಿತ ನಿರೂಪಿಸಿದರು.