ಶರೋನ್ ಹತ್ಯೆ ಪ್ರಕರಣ: ಆರೋಪಿ ಗ್ರೀಷ್ಮಾ ಜೈಲಿನಿಂದ ಬಿಡುಗಡೆ: ಹೈಕೋರ್ಟ್ ಷರತ್ತುಗಳೊಂದಿಗೆ ಜಾಮೀನು

             ಮಾವೇಲಿಕ್ಕರ: ಪಾರಶಾಲ ಶರೋನ್ ಹತ್ಯೆ ಪ್ರಕರಣದಲ್ಲಿ ಹೈಕೋರ್ಟ್‍ನಿಂದ ಜಾಮೀನು ಪಡೆದಿರುವ ಪ್ರಮುಖ ಆರೋಪಿ ಗ್ರೀಷ್ಮಾ ಜೈಲಿನಿಂದ ಬಿಡುಗಡೆಯಾಗಿದ್ದಾಳೆ.

        ಮೊನ್ನೆ ತಡರಾತ್ರಿ ಮಾವೇಲಿಕ್ಕರ ಸಬ್ ಜೈಲಿಗೆ ವಕೀಲರು ಆಗಮಿಸಿದ ಬಳಿಕ ಗ್ರೀಷ್ಮಾಳÀನ್ನು ಬಿಡುಗಡೆ ಮಾಡಲಾಯಿತು. ಗ್ರೀಷ್ಮಾಳನ್ನು ಕರೆದುಕೊಂಡು ಹೋಗಲು ವಕೀಲರಾದ ಸುನೀಶ್ ಚಂದ್ರಲೇಖಾ, ಕೋರ್ಟ್ ಉದ್ಯೋಗಿ ಮತ್ತು ಆಕೆಯ ಚಿಕ್ಕಪ್ಪ ಬಂದಿದ್ದರು. ನೆಯ್ಯಟಿಂಕರದಿಂದ ತಡವಾಗಿ ಬಂದರು. ಓಚಿರಾದಲ್ಲಿ ಹಬ್ಬದ ನೂಕು ನುಗ್ಗಲು ಇದ್ದ ಕಾರಣ ಹೆದ್ದಾರಿ ಮೂಲಕ ಬಂದು ಜೈಲು ಸೇರಿದ್ದರು. 7:30ಕ್ಕೆ ಜೈಲು ತಲುಪಿದ 10 ನಿಮಿಷದಲ್ಲಿ ಗ್ರೀಷ್ಮಾ ಪ್ರಕ್ರಿಯೆ ಮುಗಿಸಿ ಜೈಲಿನಿಂದ ನಿರ್ಗಮಿಸಿದರು. ಪತ್ರಕರ್ತರ ಪ್ರಶ್ನೆಗೆ ಮೌನವೇ ಉತ್ತರವಾಗಿತ್ತು. ಗ್ರೀಷ್ಮಾ ಕೋರ್ಟ್ ತೀರ್ಮಾನ ಮಾಡಲಿ, ತನಗೆ ಏನೂ ಹೇಳಲಿಲ್ಲ ಎಂದು ಹೇಳಿ ಕಾರು ಹತ್ತಿದಳು. ಮೊನ್ನೆ ಈ ಪ್ರಕರಣದಲ್ಲಿ ಗ್ರೀಷ್ಮಾಗೆ ಹೈಕೋರ್ಟ್ ಜಾಮೀನು ಮಂಜೂರು ಮಾಡಿತ್ತು. ತಿರುವನಂತಪುರಂನ ಜೈಲಿನಲ್ಲಿದ್ದ ಗ್ರೀಷ್ಮಾಳÀನ್ನು ಸಹ ಕೈದಿಗಳ ದೂರಿನ ಮೇರೆಗೆ ಮಾವೇಲಿಕ್ಕರ ಜೈಲಿಗೆ ಸ್ಥಳಾಂತರಿಸಲಾಗಿತ್ತು.

          ಜಾಮೀನು ನೀಡುವ ಮೂಲಕ, ಸಮಾಜದ ಭಾವನೆಯು ವಿರುದ್ಧವಾಗಿದ್ದು À ಕಾರಣ ಜಾಮೀನು ನಿರಾಕರಿಸಲಾಗುವುದಿಲ್ಲ ಎಂದು ನ್ಯಾಯಾಲಯ ಸ್ಪಷ್ಟಪಡಿಸಿದೆ. ಆರೋಪಿ ಗ್ರೀಷ್ಮಾ ಪ್ರಕರಣದ ತನಿಖೆಗೆ ಸಹಕರಿಸಿದ್ದಾಳೆ. ಆರೋಪಿಗೆ ಯಾವುದೇ ಅಪರಾಧ ಹಿನ್ನೆಲೆ ಇಲ್ಲ. ಚಾರ್ಜ್ ಶೀಟ್ ನೀಡಿದ ನಂತರವೂ ಜಾಮೀನು ನಿರಾಕರಿಸಲು ಸಾಕಷ್ಟು ಕಾರಣವಿರಬೇಕು ಎಂದು ನ್ಯಾಯಾಲಯ ಹೇಳಿದೆ. ಸಾಕ್ಷಿಗಳ ಮೇಲೆ ಪ್ರಭಾವ ಬೀರಬಾರದು ಮತ್ತು ಪ್ರಕರಣದಲ್ಲಿ ಹಸ್ತಕ್ಷೇಪ ಮಾಡಬಾರದು ಎಂಬ ಷರತ್ತುಗಳೊಂದಿಗೆ ಜಾಮೀನು ಬರುತ್ತದೆ. ಗ್ರೀಷ್ಮಾ ತಲೆಮರೆಸಿಕೊಳ್ಳುತ್ತಾರೆ ಎಂಬ ವಾದವೂ ಪ್ರಾಸಿಕ್ಯೂಷನ್‍ಗೆ ಇಲ್ಲ ಎಂದು ನ್ಯಾಯಾಲಯ ಸೂಚಿಸಿದೆ.

      ಕಳೆದ ವರ್ಷ ಅಕ್ಟೋಬರ್ 31 ರಂದು ಪಾರಶಾಲ ಮೂಲದ ಶರೋನ್ ನನ್ನು ಕೊಂದ ಪ್ರಕರಣದಲ್ಲಿ ಗ್ರೀಷ್ಮಾಳÀನ್ನು ಪೋಲೀಸರು ಬಂಧಿಸಿದ್ದರು. ಯೋಧನ ಜೊತೆ ಮದುವೆ ನಿಶ್ಚಯಿಸಿದ ಕಾರಣ ಆಕೆಯ ಮಾಜಿ ಪ್ರಿಯಕರ ಸಂಬಂಧದಿಂದ ಹಿಂದೆ ಸರಿಯದಿದ್ದಾಗ ಮನೆಗೆ ಕರೆಸಿಕೊಂಡು ಮದ್ಯ ಹಾಗೂ ಜ್ಯೂಸ್ ಗೆ ವಿಷ ಬೆರೆಸಿ ಹತ್ಯೆಗೈದಿದ್ದ|ಳು. ಗ್ರೀಷ್ಮಾಳ  ತಾಯಿ ಸಿಂಧು ಮತ್ತು ಚಿಕ್ಕಪ್ಪ ನಿರ್ಮಲ್ ಕುಮಾರ್ ಅವರನ್ನು ಅಪರಾಧದಲ್ಲಿ ಸಹಾಯಕರು ಮತ್ತು ಸಾಕ್ಷ್ಯ ನಾಶಪಡಿಸಿದ ಆರೋಪದ ಮೇಲೆ ಪೋಲೀಸರು ಬಂಧಿಸಿದ್ದಾರೆ. ಇಬ್ಬರೂ ಆರೋಪಿಗಳಿಗೆ ಈ ಹಿಂದೆ ಜಾಮೀನು ನೀಡಲಾಗಿತ್ತು.

             ತಮಿಳುನಾಡಿನಲ್ಲಿ ಅಪರಾಧ ನಡೆದಿದ್ದು, ತಮಿಳುನಾಡಿನಲ್ಲೇ ವಿಚಾರಣೆ ನಡೆಸಬೇಕು ಎಂದು ಆರೋಪಿಸಿ ಗ್ರೀಷ್ಮಾ ಸಲ್ಲಿಸಿರುವ ಮತ್ತೊಂದು ಅರ್ಜಿ ಹೈಕೋರ್ಟ್‍ನ ಪರಿಗಣನೆಯಲ್ಲಿದೆ. ಹೈಕೋರ್ಟ್ ನಂತರ ಅರ್ಜಿಯ ವಿಚಾರಣೆ ನಡೆಸಲಿದೆ.