ದೂರವಾದ ನಿಪಾ ಭೀತಿ: ಮತ್ತೆ ಗರಿಗೆದರಿದ ಪ್ರವಾಸೋದ್ಯಮ

                  ಕೋಝಿಕ್ಕೋಡ್: ನಿಪಾ ಭೀತಿಯಿಂದ ಬಿಕ್ಕಟ್ಟಿನಲ್ಲಿರುವ ರಾಜ್ಯದ ಪ್ರವಾಸೋದ್ಯಮ ಕ್ಷೇತ್ರಕ್ಕೆ ಪರಿಹಾರ ಲಭಿಸಿದೆ. ಯಾವುದೇ ಹೊಸ ನಿಪಾ ಪ್ರಕರಣಗಳು ವರದಿಯಾಗದ ಕಾರಣ ರೆಸಾರ್ಟ್‍ಗಳು, ಹೋಂಸ್ಟೇಗಳು, ವಿಲ್ಲಾಗಳು ಮತ್ತು ಹೋಟೆಲ್‍ಗಳಲ್ಲಿ ಬುಕ್ಕಿಂಗ್ ರದ್ದತಿ ಹಿಂಪಡೆಯಲ್ಪಡುತ್ತಿದೆ. 

                        ಮುಂಬರುವ ಪ್ರವಾಸೋದ್ಯಮ ಋತುವಿನಲ್ಲಿ ವಿದೇಶಿಗರು ಸೇರಿದಂತೆ ಹೆಚ್ಚಿನ ಪ್ರವಾಸಿಗರನ್ನು ಆಕರ್ಷಿಸಲು ಪ್ರವಾಸೋದ್ಯಮ ಇಲಾಖೆಯು ಆನ್‍ಲೈನ್ ಅಭಿಯಾನವನ್ನು ತೀವ್ರಗೊಳಿಸಿದೆ.

                     ಕೇರಳದಲ್ಲಿ ನಿಪಾ ಪ್ರಕರಣಗಳ ಮರು ವರದಿಯೊಂದಿಗೆ, ನವೆಂಬರ್, ಡಿಸೆಂಬರ್ ಮತ್ತು ಜನವರಿ ತಿಂಗಳಲ್ಲಿ ಕೇರಳ ತಲುಪಲು ಬುಕ್ ಮಾಡಿದ ಪ್ರವಾಸಿಗರು ರೆಸಾರ್ಟ್‍ಗಳು, ಹೋಂಸ್ಟೇಗಳು, ವಿಲ್ಲಾಗಳು ಮತ್ತು ಹೋಟೆಲ್‍ಗಳಲ್ಲಿ ತಮ್ಮ ಬುಕಿಂಗ್ ಅನ್ನು ರದ್ದುಗೊಳಿಸಿದರು, ಇದು ಪ್ರವಾಸೋದ್ಯಮ ವಲಯದಲ್ಲಿ ಬಿಕ್ಕಟ್ಟನ್ನು ಸೃಷ್ಟಿಸಿತು. ಆದರೆ ಕಳೆದ ನಾಲ್ಕು ದಿನಗಳಲ್ಲಿ ಯಾವುದೇ ಹೊಸ ನಿಪಾ ಪ್ರಕರಣಗಳು ವರದಿಯಾಗದ ಕಾರಣ, ಪ್ರವಾಸೋದ್ಯಮ ಕೇಂದ್ರಗಳಿಗೆ ಬುಕ್ಕಿಂಗ್‍ಗೆ ಸಂಬಂಧಿಸಿದ ವಿಚಾರಣೆಗಳು ಹೆಚ್ಚಾಗುತ್ತಿವೆ ಮತ್ತು ಹೊಸ ರದ್ದತಿ ಕಡಿಮೆಯಾಗಿದೆ ಎಂದು ಪ್ರವಾಸೋದ್ಯಮ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

                   ನಿಪ್ಪಾ ಕಾರಣ ವಯನಾಡ್ ಸೇರಿದಂತೆ ರಾಜ್ಯದ ಎಲ್ಲೆಡೆ ಪ್ರವಾಸೋದ್ಯಮ ಕ್ಷೇತ್ರಕ್ಕೆ ಕಳವಳಕ್ಕೆ ಕಾರಣವಾಗಿತ್ತು.  ಇದೇ ವೇಳೆ ಮಲಬಾರ್ ಪ್ರವಾಸೋದ್ಯಮ ಸಭೆಯನ್ನೂ ಮುಂದೂಡಲಾಗಿದೆ. ನವರಾತ್ರಿ ಮತ್ತು ದೀಪಾವಳಿ ರಜೆಯಲ್ಲಿ ಹೆಚ್ಚಿನ ದೇಶೀಯ ಪ್ರವಾಸಿಗರು ಆಗಮಿಸುವ ನಿರೀಕ್ಷೆಯಿದೆ.