ವ್ಯಾಪಾರಿಗಳಿಗೆ ಶುಭ ಸುದ್ದಿ! ಖಾತೆಯಲ್ಲಿ ಹಣವನ್ನು ತಲುಪಲು ಇನ್ನು ಟು-ಇನ್-ಒನ್ ಸೌಂಡ್ ಬಾಕ್ಸ್; ಕಾರ್ಡ್ ಸೌಂಡ್‍ಬಾಕ್ಸ್ ಬಿಡುಗಡೆ

               ದೇಶದಲ್ಲಿ ದಾಖಲೆಯ ಡಿಜಿಟಲ್ ವಹಿವಾಟು ನಡೆಯುತ್ತಿದೆ. ಕೈಗಾರಿಕಾ ವಲಯದಲ್ಲಿರುವವರಿಗೆ ಈ ಡಿಜಿಟಲ್ ವ್ಯವಸ್ಥೆಗಳು ತುಂಬಾ ಉಪಯುಕ್ತವಾಗಿವೆ.

             ಡಿಜಿಟಲ್ ಪಾವತಿ ಅಪ್ಲಿಕೇಶನ್‍ಗಳಲ್ಲಿ, ವ್ಯಾಪಾರಿಗಳು ಪೇ ಟಿಎಂ ಗೆ ಹೆಚ್ಚು  ಆದ್ಯತೆ ನೀಡುತ್ತಾರೆ. ಕಾರಣ ಪೇಟಿಎಂನ ಸೌಂಡ್ ಬಾಕ್ಸ್. ಖಾತೆಗೆ ಹಣ ಬಂದಿದೆಯೇ ಎಂದು ಪೋನ್ ಚೆಕ್ ಮಾಡುವ ಅಗತ್ಯವಿಲ್ಲ, ಬದಲಿಗೆ ಧ್ವನಿ ಪೆಟ್ಟಿಗೆಯಿಂದ ಧ್ವನಿ ಸಂದೇಶ ಬರುತ್ತದೆ. ಸ್ಕ್ಯಾನಿಂಗ್ ಮಾಡಿ ಹಣ ಕೊಟ್ಟ ಮೇಲೆ ಸೌಂಡ್ ಬಾಕ್ಸ್ ಬಾಕ್ಸ್ ನಿಂದ ಶಬ್ದ ಹೊರಡಿಸುತ್ತಿತ್ತು. ಆದರೆ ಪೇಟಿಎಂ ಕಾರ್ಡ್ ಸೌಂಡ್ ಬಾಕ್ಸ್ ಅನ್ನು ಪರಿಚಯಿಸಿದೆ.

        ಕಾರ್ಡ್ ಸೌಂಡ್‍ಬಾಕ್ಸ್ ಅನ್ನು ಪೇಟಿಎಂ ಮಾಲೀಕತ್ವದ ಒನ್ 97 ಕಮ್ಯುನಿಕೇಷನ್ಸ್ ಲಿಮಿಟೆಡ್ ಬಿಡುಗಡೆ ಮಾಡಿದೆ. ಕಾರ್ಡ್ ಸೌಂಡ್‍ಬಾಕ್ಸ್ ವೀಸಾ, ಮಾಸ್ಟರ್‍ಕಾರ್ಡ್, ಅಮೇರಿಕನ್ ಎಕ್ಸ್‍ಪ್ರೆಸ್ ಮತ್ತು ರುಪೇ ಸೇರಿದಂತೆ ಎಲ್ಲಾ ಕಾರ್ಡ್ ಪಾವತಿಗಳನ್ನು ಸ್ವೀಕರಿಸುತ್ತದೆ. ಮೊಬೈಲ್ ಪಾವತಿಗಳು ಮತ್ತು ಕಾರ್ಡ್ ಪಾವತಿಗಳು ಈಗ ಒಂದೇ ಬಾಕ್ಸ್‍ನಲ್ಲಿ ಲಭ್ಯವಿರುತ್ತವೆ. ಬಾಕ್ಸ್Éಲ್.ಸಿ.ಡಿ. ಡಿಸ್ಪ್ಲೇ ಮತ್ತು ಧ್ವನಿ ಮೂಲಕ ಪಾವತಿ ಮಾಹಿತಿಯನ್ನು ಒದಗಿಸುತ್ತದೆ. ಕಾರ್ಡ್ ಬಾಕ್ಸ್ ನಲ್ಲೂ ‘ಟ್ಯಾಪ್ ಆ್ಯಂಡ್ ಪೇ’ ವ್ಯವಸ್ಥೆ ಅಳವಡಿಸಲಾಗಿದೆ. 5,000 ರೂಪಾಯಿಗಳ ವಹಿವಾಟನ್ನು ಟ್ಯಾಪ್ ಮತ್ತು ಪೇ ಮೂಲಕ ವರ್ಗಾಯಿಸಬಹುದು. ಬಾಕ್ಸ್‍ನಲ್ಲಿ 4 ಡಬ್ಲ್ಯು ಸ್ಪೀಕರ್ ಅನ್ನು ಸೇರಿಸಲಾಗಿದೆ. ಇದು ಐದು ದಿನಗಳವರೆಗೆ ಸಾಮಥ್ರ್ಯವಿರುವ ಬ್ಯಾಟರಿಯನ್ನು ಹೊಂದಿದೆ.

          ಪೇಟಿಎಂ ಸಹ-ಸಂಸ್ಥಾಪಕ ವಿಜಯ್ ಶೇಖರ್ ಶರ್ಮಾ ಮಾತನಾಡಿ, ಪೇಟಿಎಂ ದೇಶದಲ್ಲಿ ಸಣ್ಣ ಉದ್ಯಮಗಳನ್ನು ಆಧುನೀಕರಿಸಲು ಮತ್ತು ಹಣಕಾಸಿನ ವಹಿವಾಟುಗಳನ್ನು ಸರಳಗೊಳಿಸಲು ಬದ್ಧವಾಗಿದೆ. ಪೇಟಿಎಂ ಕಾರ್ಡ್ ಸೌಂಡ್‍ಬಾಕ್ಸ್ ಸುಲಭ ಪಾವತಿಗಳನ್ನು ಮಾಡಲು ಮುಂದಿನ ಹಂತವಾಗಿದೆ ಎಂದು ಅವರು ಹೇಳಿದರು. ವ್ಯಾಪಾರಿಗಳು ಮತ್ತು ಗ್ರಾಹಕರು ಕಾರ್ಡ್ ಪಾವತಿಗಳು ಮೊಬೈಲ್ ಪಾವತಿಗಳಂತೆ ಅಗತ್ಯವೆಂದು ಕಂಡುಕೊಂಡಿದ್ದಾರೆ. ಹೊಸ ಪೆಟ್ಟಿಗೆಯು ಈ ಎರಡು ಅಗತ್ಯಗಳನ್ನು ವಿಲೀನಗೊಳಿಸುತ್ತದೆ ಎಂದು ಅವರು ಹೇಳಿದರು.

           ಪೇಟಿಎಂ ಸೌಂಡ್‍ಬಾಕ್ಸ್ ನಗದುರಹಿತ ವಹಿವಾಟುಗಳನ್ನು ವೇಗಗೊಳಿಸುವ ಮತ್ತು ಸಂಪರ್ಕರಹಿತ ಕಾರ್ಡ್ ಪಾವತಿಗಳನ್ನು ಸಕ್ರಿಯಗೊಳಿಸುವ ವ್ಯವಸ್ಥೆಯಾಗಿದೆ. ದೇಶದಲ್ಲಿಯೇ ಪ್ರಥಮ ಬಾರಿಗೆ ಈ ವ್ಯವಸ್ಥೆಯನ್ನು ಪರಿಚಯಿಸಲಾಗುತ್ತಿದೆ ಎಂದು ರಾಷ್ಟ್ರೀಯ ಪಾವತಿ ನಿಗಮ ತಿಳಿಸಿದೆ.