ಕಾಂಗ್ರೆಸ್ ಪೇಜ್‍ನಿಂದ ಸೈಬರ್ ದಾಳಿ; ಜೇಕ್ ಪಿ ಥಾಮಸ್ ಅವರ ಪತ್ನಿ ಪೋಲೀಸರಿಗೆ ದೂರು

                  ಕೊಟ್ಟಾಯಂ: ಸೈಬರ್ ದಾಳಿಯ ನಂತರ ಪುದುಪಲ್ಲಿ ಎಡ ಅಭ್ಯರ್ಥಿ ಜೇಕ್ ಪಿ ಥಾಮಸ್ ಅವರ ಪತ್ನಿ ಗೀತು ಪೋಲೀಸರಿಗೆ ದೂರು ನೀಡಿದ್ದಾರೆ.

                   ನಿಂದನೆಯಿಂದ ಮಾನಸಿಕವಾಗಿ ಘಾಸಿಗೊಂಡಿದ್ದು, ಪೋಲೀಸರು ಸೂಕ್ತ ಕ್ರಮ ಕೈಗೊಳ್ಳಬೇಕು ಎಂದು ಗೀತು ಕೊಟ್ಟಾಯಂ ಎಸ್ಪಿಗೆ ದೂರು ನೀಡಿದ್ದಾರೆ.

            ನಿಂದನೀಯ ವಿಡಿಯೋವನ್ನು ಕಾಂಗ್ರೆಸ್ ಪರ ಪೇಜ್‍ನಿಂದ ಪ್ರಸಾರ ಮಾಡಲಾಗಿದೆ ಎಂದು ಗೀತು ಹೇಳಿದ್ದಾರೆ. ಒಂಬತ್ತು ತಿಂಗಳ ಗರ್ಭಿಣಿಯಾಗಿರುವ ತನ್ನನ್ನು ಅವಮಾನಿಸಲಾಗಿದೆ. ತೀವ್ರ ಖಿನ್ನತೆಯಿಂದ ದೂರು ದಾಖಲಿಸಿದ್ದೇನೆ ಎಂದು ಗೀತು ಮಾಧ್ಯಮಗಳಿಗೆ ತಿಳಿಸಿದ್ದಾರೆ.

            ಜೇಕ್ ಸಿ.ಥಾಮಸ್ ಮಾತನಾಡಿ, ಪತ್ನಿ ಗೀತು ಅವರ ವಿರುದ್ಧದ ಸೈಬರ್ ದಾಳಿಯು ಗುಂಪು ದಾಳಿಯಂತಿದೆ. ಅಭ್ಯರ್ಥಿ ಎಂದು ಘೋಷಿಸಿದಾಗಿನಿಂದಲೂ ಸೈಬರ್ ನಿಂದನೆಗೆ ಒಳಗಾಗಿದ್ದೇನೆ ಎಂದು ಜೇಕ್ ಹೇಳಿದ್ದಾರೆ.

             ಮಾಜಿ ಮುಖ್ಯಮಂತ್ರಿ ಮತ್ತು ಕಾಂಗ್ರೆಸ್ ನಾಯಕ ದಿ. ಉಮ್ಮನ್ ಚಾಂಡಿ ಅವರ ಕಿರಿಯ ಪುತ್ರಿ ಮತ್ತು ಯುಡಿಎಫ್ ಅಭ್ಯರ್ಥಿ ಚಾಂಡಿ ಉಮ್ಮನ್ ಅವರ ಸಹೋದರಿ ಅಚ್ಚು ಉಮ್ಮನ್ ಅವರ ಮೇಲೂ ಸೈಬರ್ ದಾಳಿ ನಡೆದಿದೆ. ಬಳಿಕ ಸೆಕ್ರೆಟರಿಯೇಟ್ ನ ಮಾಜಿ ಹೆಚ್ಚುವರಿ ಕಾರ್ಯದರ್ಶಿ ಹಾಗೂ ಎಡ ಸಂಘಟನೆಯ ಮುಖಂಡ ನಂದಕುಮಾರ್ ವಿರುದ್ಧ ಪೋಲೀಸರು ಪ್ರಕರಣ ದಾಖಲಿಸಿದ್ದರು.