ಮಾಧ್ಯಮದಲ್ಲಿ ಮಹಿಳೆಯರ ಸಮಸ್ಯೆಗಳು: ಮಹಿಳಾ ಆಯೋಗದ ಸಾರ್ವಜನಿಕ ವಿಚಾರಣೆ 31 ರಂದು

                   ತಿರುವನಂತಪುರಂ: ಕೇರಳದ ಮಾಧ್ಯಮ ಉದ್ಯಮದಲ್ಲಿ ಮಹಿಳೆಯರು ಎದುರಿಸುತ್ತಿರುವ ಸಮಸ್ಯೆಗಳನ್ನು ಅರ್ಥಮಾಡಿಕೊಳ್ಳಲು ಕೇರಳ ಮಹಿಳಾ ಆಯೋಗವು ಅಕ್ಟೋಬರ್ 31 ರಂದು ಬೆಳಿಗ್ಗೆ 10 ರಿಂದ ಕೊಟ್ಟಾಯಂ ಜಿಲ್ಲಾ ಪಂಚಾಯತ್ ಸಭಾಂಗಣದಲ್ಲಿ ಸಾರ್ವಜನಿಕ ವಿಚಾರಣೆಯನ್ನು ಆಯೋಜಿಸುತ್ತದೆ. ಸಾರ್ವಜನಿಕ ವಿಚಾರಣೆಯನ್ನು ಸಹಕಾರ ಸಚಿವ ವಿ.ಎನ್.ವಾಸವನ್ ಉದ್ಘಾಟಿಸುವರು. ಕೇರಳ ಮಹಿಳಾ ಆಯೋಗದ ಅಧ್ಯಕ್ಷೆ ಅಡ್ವ. ಪಿ ಸತಿದೇವಿ ಅಧ್ಯಕ್ಷತೆ ವಹಿಸುವರು.

                   ಕೇರಳ ಮಹಿಳಾ ಆಯೋಗವು ರಾಜ್ಯದಲ್ಲಿ ಮಹಿಳೆಯರ ಸ್ಥಾನಮಾನವನ್ನು ಉನ್ನತೀಕರಿಸಲು ಮತ್ತು ಲಿಂಗ ಸಮಾನತೆಗಾಗಿ ಅನೇಕ ವಿನೂತನ ಯೋಜನೆಗಳನ್ನು ರೂಪಿಸಿದೆ ಮತ್ತು ಜಾರಿಗೊಳಿಸಿದೆ. ಹಿಂದೆಂದಿಗಿಂತಲೂ ಹೆಚ್ಚಿನ ಮಹಿಳೆಯರು ಹೊಸ ವೃತ್ತಿ ಕ್ಷೇತ್ರಗಳನ್ನು ಪ್ರವೇಶಿಸುತ್ತಿದ್ದಾರೆ. ಅವರು ತಮ್ಮ ಕೆಲಸದ ಸ್ಥಳದಲ್ಲಿ ವಿವಿಧ ರೀತಿಯ ಸಂಕೀರ್ಣ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ ಎಂದು ಅಡ್ವ. ಪಿ.ಸತೀದೇವಿ ಹೇಳಿದರು

                    ಮಹಿಳಾ ಆಯೋಗದ ಅಧ್ಯಕ್ಷರು ಮಾತನಾಡಿ, ವಿವಿಧ ಕ್ಷೇತ್ರಗಳಲ್ಲಿ ಮಹಿಳೆಯರು ಎದುರಿಸುತ್ತಿರುವ ಸಮಸ್ಯೆಗಳನ್ನು ಅರಿತು ಸಮಸ್ಯೆ ಪರಿಹಾರಕ್ಕೆ ಕಾನೂನು ಅರಿವು ಮೂಡಿಸುವುದು ಮತ್ತು ಉದ್ಭವಿಸುವ ಸಲಹೆಗಳನ್ನು ಆಧರಿಸಿ ಸರ್ಕಾರದ ಮಟ್ಟದಲ್ಲಿ ಕೈಗೊಳ್ಳಬೇಕಾದ ಕ್ರಮಗಳ ಕುರಿತು ಶಿಫಾರಸುಗಳನ್ನು ಮಾಡುವುದು ವಿಚಾರಣೆಯಿಂದ ಸಾರ್ಧಯವಾಗಲಿದೆ ಎಂದರು.

               ಔಟ್‍ಲುಕ್ ಮ್ಯಾಗಜೀನ್‍ನ ಹಿರಿಯ ಸಂಪಾದಕಿ ಕೆ.ಕೆ.ಶಾಹಿನಾ ಅವರು ಮಾಧ್ಯಮಗಳಲ್ಲಿ ಮಹಿಳೆಯರು ಎದುರಿಸುತ್ತಿರುವ ಸಮಸ್ಯೆಗಳ ಕುರಿತು ಚರ್ಚೆಯನ್ನು ನಡೆಸಲಿದ್ದಾರೆ. ಮಹಿಳಾ ಆಯೋಗದ ಸದಸ್ಯರಾದ ಅಡ್ವ.. ಇಂದಿರಾ ರವೀಂದ್ರನ್, ಅಡ್ವ. ಪಿ ಕುಂಞÂ ಆಯಿಷಾ, ವಿ.ಆರ್.ಮಹಿಳಾಮಣಿ, ಅಡ್ವ. ಎಲಿಜಬೆತ್ ಮಮ್ಮನ್ ಮಥಾಯಿ, ಸದಸ್ಯ ಕಾರ್ಯದರ್ಶಿ ಸೋನಿಯಾ ವಾಷಿಂಗ್ಟನ್, ನಿರ್ದೇಶಕ ಶಾಜಿ ಸುಗುಣನ್, ಯೋಜನಾಧಿಕಾರಿ ಎನ್. ದಿವ್ಯಾ, ಸಂಶೋಧನಾ ಅಧಿಕಾರಿ ಎ.ಆರ್. ಅರ್ಚನಾ ಮಾತನಾಡಲಿದ್ದಾರೆ. ರಾಜ್ಯದ ವಿವಿಧ ಜಿಲ್ಲೆಗಳ ಮಹಿಳಾ ಮಾಧ್ಯಮ ಪ್ರತಿನಿಧಿಗಳು ಭಾಗವಹಿಸಲಿದ್ದಾರೆ.