ತಿರುವನಂತಪುರಂ: ಕೇರಳದಲ್ಲಿ ಕಡು ಬಡತನದಿಂದ ನರಳುತ್ತಿರುವ ಜನರೇ ಇಲ್ಲದ ನಾಡಾಗಿ ರಾಜ್ಯವನ್ನು ಪರಿವರ್ತಿಸಲು ಸರ್ಕಾರ ಯತ್ನಿಸುತ್ತಿದೆ. ಸರ್ಕಾರದ ಸಮೀಕ್ಷೆಯಲ್ಲಿ 64,000 ಕ್ಕೂ ಹೆಚ್ಚು ಕುಟುಂಬಗಳು ಅತ್ಯಂತ ಬಡತನ ರೇಖೆಗಿಂತ ಕೆಳಗಿವೆ ಎಂದು ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಹೇಳಿದ್ದಾರೆ.
ಆ ಕುಟುಂಬಗಳನ್ನು ಆರ್ಥಿಕವಾಗಿ ಮೇಲೆತ್ತಲು ಸ್ಪಷ್ಟ ಕಿರು ಯೋಜನೆ ಸಿದ್ಧಪಡಿಸಿ ಬಿಡುಗಡೆ ಮಾಡಲಾಗುವುದು. ಸ್ಥಳೀಯಾಡಳಿತ ಸಂಸ್ಥೆಗಳು ಮುಂದಾಳತ್ವ ವಹಿಸಲಿವೆ ಎಂದರು.
ತಿರುವನಂತಪುರದಲ್ಲಿ ನಿನ್ನೆ ಪತ್ರಿಕಾಗೋಷ್ಠಿಯಲ್ಲಿ ಅವರು ಸುದ್ದಿಗಾರರೊಂದಿಗೆ ಮಾತನಾಡಿದರು.
ವಲಯದ ಪರಿಶೀಲನಾ ಸಭೆಗಳು ಸಹಭಾಗಿತ್ವದ ಅಭಿವೃದ್ಧಿ ಮತ್ತು ಆಡಳಿತ ಪರಿಶೀಲನೆಗೆ ಮಾದರಿಯಾಗಿವೆ. ಇಡೀ ರಾಜ್ಯ ಸಚಿವ ಸಂಪುಟವು ಅಧಿಕಾರಿಗಳೊಂದಿಗೆ ಚರ್ಚಿಸಿ ಅಭಿವೃದ್ಧಿ ಸಮಸ್ಯೆಗಳನ್ನು ಪರಿಹರಿಸಲು ನಿರ್ಧರಿಸಿದೆ. ಪ್ರಾದೇಶಿಕ ಸಭೆಗಳು ಹೊಸ ಆಡಳಿತ ಶೈಲಿಯಾಗಿ ಮಾರ್ಪಟ್ಟಿವೆ ಎಂದರು. ಕೈಗೊಂಡ ಗುರಿಯನ್ನು ಪರಿಣಾಮಕಾರಿಯಾಗಿ ಪೂರ್ಣಗೊಳಿಸಲಾಗಿದೆ ಎಂದು ಮುಖ್ಯಮಂತ್ರಿ ಹೇಳಿದರು.
ನವೆಂಬರ್ 1 ರಿಂದ ಕೇರಳೀಯಂ ನಡೆಯಲಿದೆ. ಕೇರಳದ ಎಲ್ಲಾ ಸಾಧನೆಗಳನ್ನು ಜಗತ್ತಿಗೆ ಪ್ರಸ್ತುತಪಡಿಸುವುದು ಗುರಿಯಾಗಿದೆ. 140 ಭಾಷಣಕಾರರು ಭಾಗವಹಿಸಲಿದ್ದಾರೆ. ಈ ವಿಚಾರ ಸಂಕಿರಣದಲ್ಲಿ ಭವಿಷ್ಯದ ಕೇರಳ ಅಭಿವೃದ್ಧಿ ಮಾರ್ಗಸೂಚಿ ಬಗ್ಗೆಯೂ ಚರ್ಚಿಸಲಾಗುವುದು. ಕೇರಳವು ಕೇರಳ ಕಂಡ ಅತ್ಯಂತ ದೊಡ್ಡ ಸಾಂಸ್ಕøತಿಕ ಹಬ್ಬವಾಗಲಿದೆ ಎಂದು ಮುಖ್ಯಮಂತ್ರಿ ಹೇಳಿದರು.
DOCTYPE html>
.jpg)
