ಗುರುವಾಯೂರು ದೇವಸ್ವಂನಿಂದ ಸಹಕಾರಿ ಬ್ಯಾಂಕ್‍ನಲ್ಲಿ ಹಣ ಠೇವಣಿ ಇರಿಸಿರುವುದು ಅಕ್ರಮ; ಹೈಕೋರ್ಟ್‍ನಲ್ಲಿ ಆಡಿಟ್ ವರದಿ

           ತ್ರಿಶೂರ್: ಗುರುವಾಯೂರು ದೇವಸ್ವಂ ಸಹಕಾರಿ ಬ್ಯಾಂಕ್‍ಗಳಲ್ಲಿ ನಿಯಮಗಳಿಗೆ ವಿರುದ್ಧವಾಗಿ ಹಣ ಠೇವಣಿ ಇಟ್ಟಿದೆ ಎಂದು ಆಡಿಟ್ ವರದಿ ಹೇಳಿದೆ.

           ಗುರುವಾಯೂರು ದೇವಸ್ವಂ ಪೆರಕಂ ಮತ್ತು ಎರಿಮಯೂರ್ ಪ್ರಾಥಮಿಕ ಸಹಕಾರಿ ಬ್ಯಾಂಕ್‍ಗಳಲ್ಲಿ ಸುಮಾರು 17 ಲಕ್ಷ ರೂ.ಠೇವಣಿ ಇರಿಸಿದೆ.  ಸಿಂಗಾಪುರದಲ್ಲಿ ಪ್ರಧಾನ ಕಚೇರಿ ಹೊಂದಿರುವ ವಿದೇಶಿ ಬ್ಯಾಂಕ್‍ನಲ್ಲಿ ದೇವಸ್ವಂ 117 ಕೋಟಿ ರೂ.ಠೇವಣಿ ಇರಿಸಿದೆ.

           ಗುರುವಾಯೂರ್ ದೇವಸ್ವಂ ಕಾಯ್ದೆ ತಿದ್ದುಪಡಿ ಪ್ರಕಾರ ಅರ್ಬನ್ ಕೋ-ಆಪರೇಟಿವ್ ಬ್ಯಾಂಕ್ ಮತ್ತು ಜಿಲ್ಲಾ ಸಹಕಾರ ಬ್ಯಾಂಕ್‍ಗಳಲ್ಲಿ  ಠೇವಣಿ ಇಡಲು ಅವಕಾಶವಿದೆ. ಪ್ರಾಥಮಿಕ ಸಹಕಾರಿ ಬ್ಯಾಂಕ್‍ಗಳಲ್ಲಿ ಠೇವಣಿ ಇಡುವುದು ಕಾನೂನು ಬಾಹಿರ. ಆದರೆ ಗುರುವಾಯೂರು ದೇವಸ್ವಂ ಮಂಡಳಿ ಜಿಲ್ಲಾ ಸಹಕಾರಿ ಬ್ಯಾಂಕ್ ಮತ್ತು ಅರ್ಬನ್ ಕೋಆಪರೇಟಿವ್ ಬ್ಯಾಂಕ್‍ಗಳಲ್ಲಿ ಕೋಟ್ಯಂತರ ರೂಪಾಯಿ ಹೂಡಿಕೆ ಮಾಡಿದೆ.

        ಗುರುವಾಯೂರು ದೇವಸ್ವಂ ಐಎಸ್.ಎ.ಎಫ್ ಮೈಕ್ರೋ ಫೈನಾನ್ಸ್ ಬ್ಯಾಂಕ್‍ನಲ್ಲಿ ಸುಮಾರು 63 ಕೋಟಿ ರೂಪಾಯಿ ಹೂಡಿಕೆ ಮಾಡಿದೆ. ಗುರುವಾಯೂರು ದೇವಸ್ವಂ ಎಲ್ಲಾ ಏಳು ಖಾಸಗಿ ಬ್ಯಾಂಕ್‍ಗಳಲ್ಲಿ ಠೇವಣಿ ಇರಿಸಿದೆ.  ವಿದೇಶಿ ಬ್ಯಾಂಕ್ ನಲ್ಲಿ ಹೂಡಿಕೆ ಮಾಡಿರುವ ಕುರಿತು ಮರು ಪರಿಶೀಲನೆ ನಡೆಸುವಂತೆ ಆಡಿಟ್ ಇಲಾಖೆ ದೇವಸ್ವಂ ಆಯುಕ್ತರನ್ನು ಕೋರಿತ್ತು. ದೇವಸ್ವಂ ಮಂಡಳಿಯು 2020-21ರ ಆಡಿಟ್ ವರದಿಯಲ್ಲಿನ ಮಾಹಿತಿಯನ್ನು ಹೈಕೋರ್ಟ್‍ಗೆ ಸಲ್ಲಿಸಿದೆ.