ಸಕ್ಕರೆ ಆರೋಗ್ಯಕ್ಕೆ ಹಾನಿಕಾರಕ ಎಂದು ತಿಳಿದಿದ್ದರೂ, ಅನೇಕರು ಸಿಹಿ ಸೇವನೆಯಿಂದ ಗಾವುದ ದೂರವೇನೂ ಅಲ್ಲ. ಹೆಚ್ಚಿನ ಜನರು ಚಹಾ ಸಹಿತ ಇತರ ಆಹಾರ-ಪಾನೀಯಗಳನ್ನು ಸಿಹಿಗೊಳಿಸಿತಯೇ ಸೇವಿಸಲು ಇಷ್ಟಪಡುತ್ತಾರೆ.
ನಗುತ್ತಾ ಕತ್ತು ಕೊಯ್ದುಕೊಳ್ಳುವ ಖಳನಾಯಕನೆಂದು ಹಲವರು ಬಣ್ಣಿಸುವ ಸಕ್ಕರೆಯ ಕೆಲವು ಕಥೆಗಳನ್ನು ತಿಳಿದುಕೊಳ್ಳೋಣ.
'ಸಕ್ಕರೆ' ಎಂಬ ಪದವು 'ಶರ್ಕರ' ಎಂಬ ಸಂಸ್ಕøತ ಪದದಿಂದ ಬಂದಿದೆ. ಶರ್ಕರ ಎಂಬ ಪದವು ಪರ್ಷಿಯನ್ ಭಾಷೆಗೆ ಬಂದಾಗ, ಅದು 'ಸಾಕರ್' ಆಯಿತು ಮತ್ತು ಅರೇಬಿಕ್ ಭಾಷೆಗಳು ಈ ಪದವನ್ನು 'ಸುಕರ್' ಎಂದು ಬದಲಾಯಿಸಿದವು. ಹಾಗಾಗಿಯೇ ‘ಸಕ್ಕರೆ’ ಎಂಬ ಪದ ಹುಟ್ಟಿಕೊಂಡಿತು.
ಸಕ್ಕರೆಯು ಕಾರ್ಬನ್, ಹೈಡ್ರೋಜನ್ ಮತ್ತು ಆಮ್ಲಜನಕದ ಅಣುಗಳಿಂದ ಮಾಡಲ್ಪಟ್ಟಿದೆ. ಇದು ಗ್ಲೂಕೋಸ್, ಫ್ರಕ್ಟೋಸ್ ಮತ್ತು ಗ್ಯಾಲಕ್ಟೋಸ್‍ನಿಂದ ಕೂಡಿದೆ. ಮೂರು ವಿಧದ ಸಕ್ಕರೆಗಳಿವೆ: ಮೊನೊಸ್ಯಾಕರೈಡ್ಗಳು, ಡೈಸ್ಯಾಕರೈಡ್ಗಳು ಮತ್ತು ಪಾಲಿಯೋಲ್ಗಳು. ಮೊನೊಸ್ಯಾಕರೈಡ್ಗಳು ಏಕ ಅಣುವಿನ ಸಕ್ಕರೆಗಳಾಗಿವೆ. ಆದರೆ ಎರಡು ಮೊನೊಸ್ಯಾಕರೈಡ್ಗಳು ಒಟ್ಟಿಗೆ ಸೇರಿದಾಗ ಅವು ಡೈಸ್ಯಾಕರೈಡ್‍ಗಳಾಗುತ್ತವೆ. ಇವು ಹಣ್ಣುಗಳು ಮತ್ತು ಹಾಲಿನಲ್ಲಿ ಕಂಡುಬರುತ್ತವೆ. ಪಾಲಿಯೋಲ್ಗಳು ನಿಜವಾದ ಸಕ್ಕರೆಗಳಾಗಿವೆ. ಅವು ಅನೇಕ ಸಕ್ಕರೆ ಮುಕ್ತ ಸಿಹಿಕಾರಕಗಳಲ್ಲಿ ಕಂಡುಬರುತ್ತವೆ.
ಕಬ್ಬು ಬೆಳೆದ ಮೊದಲ ದೇಶ ನ್ಯೂ ಗಿನಿಯಾ. ಇದು ಸುಮಾರು 8000 ಬಿಸಿಇ ಯಲ್ಲಿರಬಹುದು. ನಂತರ ಅದು ಫಿಲಿಪೈನ್ಸ್ ಮತ್ತು ಭಾರತವನ್ನು ತಲುಪಿತು. ಕಬ್ಬಿನಿಂದ ಪಡೆದ ಸಕ್ಕರೆಯನ್ನು ಭಾರತದಲ್ಲಿ ಸ್ಫಟಿಕೀಕರಣಗೊಳಿಸಲಾಗುತ್ತದೆ. ಇದು ಸುಮಾರು 2000 ವರ್ಷಗಳ ಹಿಂದೆ ಸಂಭವಿಸಿತು ಎಂದು ಅಂದಾಜು.
9 ನೇ ಶತಮಾನದಲ್ಲಿ ಇರಾಕ್‍ನಲ್ಲಿ ಸಕ್ಕರೆಯನ್ನು ಔಷಧವಾಗಿ ಬಳಸಲಾಗುತ್ತಿತ್ತು. ಹಣ್ಣುಗಳು ಮತ್ತು ಮಸಾಲೆಗಳೊಂದಿಗೆ ತಯಾರಿಸಿದ ಔಷಧದಲ್ಲಿ ಸಕ್ಕರೆಯನ್ನು ಸೇರಿಸಲಾಯಿತು. 12 ನೇ ಶತಮಾನದಲ್ಲಿ ಸಕ್ಕರೆಯನ್ನು ಇಂಗ್ಲೆಂಡ್‍ಗೆ ಪರಿಚಯಿಸಲಾಯಿತು. ಶುಂಠಿ ಮತ್ತು ಏಲಕ್ಕಿಯ ಮಸಾಲೆ ಪಟ್ಟಿಯಲ್ಲಿ ಸಕ್ಕರೆಯನ್ನು ಪರಿಗಣಿಸÀಲಾಗಿದೆ. ಆರಂಭಿಕ ದಿನಗಳಲ್ಲಿ, ಸಕ್ಕರೆ ಶ್ರೀಮಂತರು ಮಾತ್ರ ಖರೀದಿಸಬಹುದಾದ ವಸ್ತುವಾಗಿತ್ತು. ಹಾಗಾಗಿ ಮನೆಗಳಲ್ಲಿ ಸಕ್ಕರೆ ಪ್ರಮಾಣ ಕಡಿಮೆ ಇತ್ತು.
ಬ್ರೆಜಿಲ್ ಸಕ್ಕರೆಗಾಗಿ ಕಬ್ಬನ್ನು ಉತ್ಪಾದಿಸುವ ಅತಿದೊಡ್ಡ ದೇಶವಾಗಿದೆ. ಸುಮಾರು 124 ದೇಶಗಳು ಸಕ್ಕರೆಯನ್ನು ವಾಣಿಜ್ಯಿಕವಾಗಿ ಉತ್ಪಾದಿಸುತ್ತವೆ. ಸಕ್ಕರೆ ಕೊಕೇನ್ ಅನ್ನು ಹೋಲುತ್ತದೆ ಎಂದು ಹೇಳಲಾಗುತ್ತದೆ. ಮಾನವರು ಸಕ್ಕರೆಗೆ ಬೇಗನೆ ವ್ಯಸನಿಯಾಗುತ್ತಾರೆ ಎಂದು ಅಧ್ಯಯನಗಳು ತೋರಿಸಿವೆ ಮತ್ತು ಅದರಿಂದ ಹಿಂಬರುವುದು ಸಾಮಾನ್ಯವಾಗಿ ನೋವು, ವಾಕರಿಕೆ ಮತ್ತು ಜ್ವರದಂತಹ ರೋಗಲಕ್ಷಣಗಳೊಂದಿಗೆ ಇರುತ್ತದೆ.
ಸಕ್ಕರೆಯ ವ್ಯಸನವು ಆನುವಂಶಿಕವಾಗಿರಬಹುದು. ದೇಹದಲ್ಲಿ ಗ್ರೆಲಿನ್ ಎಂಬ ಹಾರ್ಮೋನ್ ಮಟ್ಟ ಹೆಚ್ಚಿದ್ದರೆ, ಜನರು ಇತರರಿಗಿಂತ ಹೆಚ್ಚು ಸಿಹಿ ತಿನ್ನುತ್ತಾರೆ ಎಂದು ಹೇಳಲಾಗುತ್ತದೆ. ಆನುವಂಶಿಕ ಕಾರಣಗಳಿಂದ ಹಾರ್ಮೋನ್ ಗ್ರೆಲಿನ್ ಪ್ರಮಾಣವು ಬದಲಾಗುತ್ತದೆ.
ಹೆಚ್ಚು ಸಕ್ಕರೆ ಸೇವನೆಯಿಂದ ತೂಕ ಹೆಚ್ಚಾಗುವುದಲ್ಲದೆ ತ್ವಚೆಯ ಮೇಲೆ ಸುಕ್ಕುಗಳು ಉಂಟಾಗುತ್ತವೆ. ಹೆಚ್ಚು ಸಕ್ಕರೆಯನ್ನು ಸೇವಿಸಿದ ನಂತರ ದೇಹವು ಗ್ಲೈಕೇಶನ್ ಎಂಬ ಸ್ಥಿತಿಗೆ ಪ್ರವೇಶಿಸಿದಾಗ ಸುಕ್ಕುಗಳು ಕಾಣಿಸಿಕೊಳ್ಳುತ್ತವೆ. ಇದಲ್ಲದೆ, ಹೆಚ್ಚು ಸಕ್ಕರೆ ಬಳಕೆ ಕಡಿಮೆ ಬುದ್ಧಿಮತ್ತೆಗೆ ಕಾರಣವಾಗಬಹುದು ಮತ್ತು ಹೃದ್ರೋಗದ ಅಪಾಯವನ್ನು ಹೆಚ್ಚಿಸುತ್ತದೆ ಎಂದು ಸಂಶೋಧಕರು ಕಂಡುಕೊಂಡಿದ್ದಾರೆ.
ಹಣ್ಣುಗಳು ಸಕ್ಕರೆ ಅಂಶ ಹೊಂದಿರುತ್ತವೆ. ಕುತೂಹಲಕಾರಿ ಸಂಗತಿಯೆಂದರೆ ನಿಂಬೆಹಣ್ಣುಗಳು ಸ್ಟ್ರಾಬೆರಿಗಳಿಗಿಂತ ಹೆಚ್ಚು ಸಕ್ಕರೆಯನ್ನು ಹೊಂದಿರುತ್ತವೆ (70%-40%). ನಿಂಬೆಯ ಕಹಿ ರುಚಿಯಿಂದಾಗಿ ಸಿಹಿಯನ್ನು ಗುರುತಿಸಲಾಗುವುದಿಲ್ಲ.
DOCTYPE html>
