ಹಬ್ಬ-ಹರಿದಿನಗಳಲ್ಲಿ ಸಾಕಾನೆಗಳ ಬಳಕೆ ನಿಷೇಧಿಸಬೇಕೆಂಬ ಅರ್ಜಿಯಲ್ಲಿ ಮಧ್ಯಪ್ರವೇಶಿಸಲು ಸುಪ್ರೀಂ ಕೋರ್ಟ್ ನಕಾರ: ಹೈಕೋರ್ಟ್ ನ್ಯಾಯಮೂರ್ತಿಗಳ ಸಂಪರ್ಕಕ್ಕೆ ಸೂಚನೆ

                  ನವದೆಹಲಿ: ತ್ರಿಶೂರ್ ಪೂರಂ ಸೇರಿದಂತೆ ಕೇರಳದಲ್ಲಿ ನಡೆಯುವ ಉತ್ಸವಗಳಲ್ಲಿ ಆನೆಗಳನ್ನು ಬಳಸಿಕೊಳ್ಳುಉದನ್ನು ನಿಷೇಧಿಸಬೇಕೆಂಬ ಬೇಡಿಕೆಗೆ ಮಧ್ಯಪ್ರವೇಶಿಸಲು ಸುಪ್ರೀಂ ಕೋರ್ಟ್ ನಿರಾಕರಿಸಿದೆ.

                    ಮುಖ್ಯ ನ್ಯಾಯಮೂರ್ತಿ ಡಿವೈ ಚಂದ್ರಚೂಡ್ ಅವರು ಈ ವಿಷಯವನ್ನು ಪರಿಗಣಿಸಲು ಹೈಕೋರ್ಟ್ ನ್ಯಾಯಾಧೀಶರು ಸೂಕ್ತ ಎಂದು ಸೂಚಿಸಿದರು. ಹೈಕೋರ್ಟ್ ನ್ಯಾಯಮೂರ್ತಿಗಳಿಗೆ ಸ್ಥಳೀಯ ಸ್ಥಿತಿಗತಿಗಳು ಗೊತ್ತು. ಮುಖ್ಯ ನ್ಯಾಯಮೂರ್ತಿ ಡಿವೈ ಚಂದ್ರಚೂಡ್ ನೇತೃತ್ವದ ಪೀಠವು ಈ ಆದೇಶವನ್ನು ಜಾರಿಗೊಳಿಸಿದರೆ ಅದರ ಪರಿಣಾಮಗಳೇನು ಎಂದು ನಮಗೆ ತಿಳಿದಿಲ್ಲ ಎಂದು ಹೇಳಿದರು.

                     ತಿರುವಂಬಾಡಿ ಮೂಲದ ವಿಕೆ ವೆಂಕಟಾಚಲಂ ಅವರು ತ್ರಿಶೂರ್ ಪೂರಂಗೆ ಆನೆಗಳನ್ನು ಸಾಕಿ ಬಳಸುವುದು ಕೇರಳ ವನ್ಯಜೀವಿ ನಿರ್ವಹಣಾ ನಿಯಮ 2012ರ ಉಲ್ಲಂಘನೆಯಾಗಿದೆ ಎಂದು ಆರೋಪಿಸಿ ಸುಪ್ರೀಂ ಕೋರ್ಟ್ ಮೆಟ್ಟಿಲೇರಿದ್ದರು. 13 ಮಂದಿ ಹಾಗೂ ಮೂರು ಆನೆಗಳನ್ನು ಕೊಂದಿದ್ದ ಟೆಕ್ಕಿಕೋಟ್ ಕಾಮರಾಮಚಂದ್ರನ್ ಎಂಬ ಆನೆಯನ್ನು ಪೂರಂ ಉತ್ಸವಕ್ಕೆ ಬಳಸಲಾಗಿದೆ ಎಂದು ವೆಂಕಟಾಚಲಂ ಸುಪ್ರೀಂ ಕೋರ್ಟ್‍ಗೆ ಸಲ್ಲಿಸಿದ್ದ ಅರ್ಜಿಯಲ್ಲಿ ಗಮನಸೆಳೆದಿದ್ದರು.

                    ಆದರೆ ರಾಜ್ಯ ಸರ್ಕಾರ ವೆಂಕಟಾಚಲಂ ಅವರ ಬೇಡಿಕೆಯನ್ನು ಒಪ್ಪಿಕೊಳ್ಳುವುದಕ್ಕೆ ತೀವ್ರ ವಿರೋಧ ವ್ಯಕ್ತಪಡಿಸಿತ್ತು. ಸ್ಥಳೀಯ ಮಟ್ಟದಲ್ಲಿ ಇಂತಹ ವಿಷಯಗಳನ್ನು ಪರಿಗಣಿಸುವುದು ಹೈಕೋರ್ಟ್‍ನ ಮುಖ್ಯ ಕರ್ತವ್ಯವಾಗಿದೆ ಎಂದು ಸುಪ್ರೀಂ ಕೋರ್ಟ್ ಸ್ಪಷ್ಟಪಡಿಸಿದೆ. ಹೈಕೋರ್ಟ್ ಆದೇಶದಲ್ಲಿ ಯಾವುದೇ ದೋಷÀವಿದ್ದರೆ ಅದನ್ನು ಸರಿಪಡಿಸಲು ಸುಪ್ರೀಂಕೋರ್ಟ್ ಬೇಕಿದ್ದರೆ  ಮಧ್ಯಪ್ರವೇಶಿಸಬಹುದು. ಆದರೆ ಇಂತಹ ಬೇಡಿಕೆಗಳನ್ನು ಮುಂದಿಟ್ಟುಕೊಂಡು ನೇರವಾಗಿ ಸುಪ್ರೀಂ ಕೋರ್ಟ್ ಮೆಟ್ಟಿಲೇರುವುದನ್ನು ಒಪ್ಪಲು ಸಾಧ್ಯವಿಲ್ಲ ಎಂದು ಸುಪ್ರೀಂ ಕೋರ್ಟ್ ಸ್ಪಷ್ಟಪಡಿಸಿದೆ.

             ಇದೇ ವೇಳೆ, ಸಾಕಾನೆಗಳ ಬಳಕೆಗೆ ಎದುರಾಗಿ ರಾಷ್ಟ್ರವ್ಯಾಪಿ ಹಿಂಸಾಚಾರಕ್ಕೆ ಸಂಬಂಧಿಸಿದ ಅರ್ಜಿಯ ಬಗ್ಗೆ ಡಿಸೆಂಬರ್‍ನಲ್ಲಿ ವಿವರವಾದ ವಿಚಾರಣೆಯನ್ನು ನಡೆಸಲಾಗುತ್ತಿದೆ. ಅರ್ಜಿಯನ್ನು ಪರಿಗಣಿಸುವಾಗ ಕೇರಳ ಸೇರಿದಂತೆ ರಾಜ್ಯಗಳ ಸಮಸ್ಯೆಗಳನ್ನು ಆಲಿಸಬಹುದು ಎಂದು ಸುಪ್ರೀಂ ಕೋರ್ಟ್ ಸ್ಪಷ್ಟಪಡಿಸಿದೆ.