ಮಂಜೇಶ್ವರ: 2012-13ರ ಅವಧಿಯಲ್ಲಿ, ಮಂಜೇಶ್ವರದ ಗೋವಿಂದ ಪೈ ಸ್ಮಾರಕ ಕಾಲೇಜಿನ ಬಳಿ ಕಣ್ಣೂರು ವಿಶ್ವವಿದ್ಯಾನಿಲಯದ ಅಡಿಯಲ್ಲಿ ಹೊಸ ಕಟ್ಟಡವನ್ನು ನಿರ್ಮಿಸುವ ಕೆಲಸಗಳು ಪ್ರಾರಂಭವಾಗಿ ಕಟ್ಟಡ ಪೂರ್ಣಗೊಂಡಿದ್ದರೂ ಯಾವುದೇ ಕೋರ್ಸ್‍ಗಳು ಪ್ರಾರಂಭವಾಗದೆ ಕಟ್ಟಡ ನಿರುಪಯುಕ್ತವಾಗಿರುವ ಬಗ್ಗೆ ಹಲವು ಕಡೆಯಿಂದ ಟೀಕೆಗಳೂ ಹುಟ್ಟಿಕೊಂಡಿದ್ದವು. ಆದರೆ ಇಂದೀಗ ಆ ಕನಸು ನನಸಾಗಿದೆ.
ಹತ್ತು ವರ್ಷಗಳ ನಂತರ, 2021 ರಲ್ಲಿ, ಕಣ್ಣೂರು ವಿಶ್ವವಿದ್ಯಾಲಯದ ಅಡಿಯಲ್ಲಿ ಕಾನೂನು ಕಾಲೇಜು ಆ ಕಟ್ಟಡದಲ್ಲಿ ಪ್ರಾರಂಭವಾಯಿತು. ಕೋವಿಡ್ ಅವಧಿಯಲ್ಲಿ ಆನ್‍ಲೈನ್‍ನಲ್ಲಿ ಪ್ರಾರಂಭವಾದ ಕಾಲೇಜಿನ ಕಾರ್ಯಾಚರಣೆಯು ಯಶಸ್ವಿಯಾಗಿ ಮೂರನೇ ವರ್ಷಕ್ಕೆ ಕಾಲಿಟ್ಟಿದೆ. ಎಲ್.ಎಲ್.ಎಂ ಕೋರ್ಸ್ ಅನ್ನು ಮೊದಲು ಪ್ರಾರಂಭಿಸಲಾಯಿತು. ಕಾಲೇಜು ಆರಂಭವಾದ ಒಂದು ವರ್ಷದೊಳಗೆ ಮೂರು ವರ್ಷಗಳ ಎಲ್ ಎಲ್ ಬಿ ಕೋರ್ಸ್ ಆರಂಭಿಸಲಾಯಿತು. ಕಣ್ಣೂರು, ವಯನಾಡು ಮತ್ತು ಕಾಸರಗೋಡು ಜಿಲ್ಲೆಗಳ ವಿದ್ಯಾರ್ಥಿಗಳಿಗಾಗಿ ಮಂಜೇಶ್ವರ ಕಾನೂನು ಕಾಲೇಜು ಸಾಕಾರಗೊಂಡಿರುವುದು ಹೀಗೆ.
ಮಲಬಾರ್ ಜಿಲ್ಲೆಗಳಲ್ಲಿ, ಕಣ್ಣೂರು, ವಯನಾಡು ಮತ್ತು ಕಾಸರಗೋಡು ಜಿಲ್ಲೆಗಳ ವಿದ್ಯಾರ್ಥಿಗಳು ತಮ್ಮ ಮೂರು ವರ್ಷಗಳ ನಂತರದ ಕಾನೂನು ಪದವಿಗಾಗಿ ಬೇರೆ ಜಿಲ್ಲೆಗಳನ್ನು ಅವಲಂಬಿಸಬೇಕಾಗುತ್ತಿತ್ತು. ಕಾಸರಗೋಡಿನ ವಿದ್ಯಾರ್ಥಿಗಳು ತಮ್ಮ ಕಾನೂನು ಅಧ್ಯಯನಕ್ಕಾಗಿ ಕರ್ನಾಟಕ ಕಾನೂನು ಕಾಲೇಜುಗಳನ್ನು ಅವಲಂಬಿಸುತ್ತಾರೆ. ಮಂಜೇಶ್ವರ ಕಾನೂನು ಕಾಲೇಜಿನ ಆಗಮನದಿಂದ ಮಹತ್ತರ ಬದಲಾವಣೆಯಾಗಿದೆ. ಈ ಮೂರು ಜಿಲ್ಲೆಗಳು ಮತ್ತು ಕೇರಳದ ಇತರ ಜಿಲ್ಲೆಗಳಿಂದ ವಿದ್ಯಾರ್ಥಿಗಳು ಮಂಜೇಶ್ವರ ಕಾನೂನು ಕಾಲೇಜಿಗೆ ಕಾನೂನು ಕಲಿಯಲು ಬರುತ್ತಾರೆ. ್ಲ ಅತ್ಯಾಧುನಿಕ ಸೌಲಭ್ಯಗಳಿರುವ ಸುಂದರ ಕ್ಯಾಂಪಸ್ ಅಧ್ಯಯನಕ್ಕೆ ಬೆಂಬಲ ನೀಡುತ್ತಿದೆ.
ಮಂಜೇಶ್ವರ ಕಾನೂನು ಕಾಲೇಜಿನಲ್ಲಿ ಸೌಲಭ್ಯಗಳು ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವುದು ರಾಜ್ಯ ಸರ್ಕಾರದ ನಿರಂತರ ಹಸ್ತಕ್ಷೇಪದ ಪ್ರತಿಬಿಂಬವಾಗಿದೆ. ಬೋರ್‍ವೆಲ್, ಇಂಟರ್‍ಲಾಕ್ ಇರುವ ಆವರಣ ಇತ್ಯಾದಿಗಳನ್ನು ಅಗತ್ಯಕ್ಕೆ ತಕ್ಕಂತೆ ಅಭಿವೃದ್ಧಿಪಡಿಸಲಾಗುತ್ತಿದೆ. 130 ಬಾಲಕಿಯರಿಗೆ ಹಾಸ್ಟೆಲ್ ಸೌಲಭ್ಯಕ್ಕಾಗಿ ಕೆಐಎಫ್‍ಬಿಯಿಂದ 14.5 ಕೋಟಿ ಮಂಜೂರಾಗಿದೆ. ಶೀಘ್ರದಲ್ಲೇ ಇದರ ನಿರ್ಮಾಣ ಕಾರ್ಯ ಆರಂಭವಾಗಲಿದೆ. ನೂತನ ತರಗತಿ ಕೊಠಡಿ ಹಾಗೂ ಗ್ರಂಥಾಲಯಕ್ಕೆ ಶಾಸಕರ ನಿಧಿಯಿಂದ 4 ಕೋಟಿ 90 ಲಕ್ಷ ಕೋಟಿ ರೂ.ಮೀಸಲಿಡಲಾಗಿದೆ. ಮಂಜೇಶ್ವರ ಕಾನೂನು ಕಾಲೇಜು ಸರ್ಕಾರದ ವಿಶೇಷ ಪರಿಗಣನೆಯಿಂದ ಎತ್ತರಕ್ಕೆ ಸಾಗುತ್ತಿದೆ.
ಮಂಜೇಶ್ವರಂ ಗೋವಿಂದ ಪೈ ಸ್ಮಾರಕ ಕಾಲೇಜು ಬಳಿಯ ಕಣ್ಣೂರು ವಿಶ್ವವಿದ್ಯಾಲಯದ ಒಡೆತನದ ಕಟ್ಟಡದಲ್ಲಿ ಕಾಲೇಜು ಕಾರ್ಯನಿರ್ವಹಿಸುತ್ತಿದೆ. ಕಾಸರಗೋಡು ಜಿಲ್ಲೆಯ ಮಟ್ಟಿಗೆ ಹೇಳುವುದಾದರೆ, ಜಿಲ್ಲೆಯ ಶಿಕ್ಷಣ ಕ್ಷೇತ್ರದಲ್ಲಿ ರಾಜ್ಯ ಸರ್ಕಾರ ಮಾಡುತ್ತಿರುವ ಮಹತ್ತರವಾದ ಬೆಳವಣಿಗೆಗೆ ಮಂಜೇಶ್ವರ ಕಾನೂನು ಕಾಲೇಜು ನಿದರ್ಶನವಾಗಿದೆ. ಮಂಜೇಶ್ವರ ಕಾನೂನು ಕಾಲೇಜಿನೊಂದಿಗೆ ಸಂಪೂರ್ಣ ಕಾನೂನು ಶಿಕ್ಷಣ ಕೇಂದ್ರವಾಗಿ ಜಿಲ್ಲೆಯ ಬಹುಕಾಲದ ಅಗತ್ಯವನ್ನು ರಾಜ್ಯ ಸರ್ಕಾರ ಅರಿತುಕೊಂಡಿದೆ. ಎಲ್‍ಎಲ್‍ಎಂ ಕೋರ್ಸ್‍ನೊಂದಿಗೆ ಪ್ರಾರಂಭವಾದ ಕಾಲೇಜು ಈಗ ಮೂರು ವರ್ಷಗಳ ಕಾನೂನು ಪದವಿ ಕೋರ್ಸ್‍ನೊಂದಿಗೆ ಪೂರ್ಣ ಪ್ರಮಾಣದ ಕಾನೂನು ಶಿಕ್ಷಣ ಕೇಂದ್ರವಾಗಿದೆ. ಎಲ್ ಎಲ್ ಎಂ ಕೋರ್ಸ್ 20 ಸೀಟುಗಳೊಂದಿಗೆ ಪ್ರಾರಂಭವಾಯಿತು. ಮಂಜೇಶ್ವರ ಕಾನೂನು ಕಾಲೇಜಿನಲ್ಲಿ ಪ್ರಸ್ತುತ ಎಲ್‍ಎಲ್‍ಎಂ ಎರಡು ಬ್ಯಾಚ್‍ಗಳು ಮತ್ತು ಮೂರು ವರ್ಷದ ಎಲ್‍ಎಲ್‍ಬಿ ಪದವಿಯ ಎರಡು ಬ್ಯಾಚ್‍ಗಳು ನಡೆಯುತ್ತಿವೆ. ಈ ಕಾಲೇಜು ಜಿಲ್ಲೆಯ ಶಿಕ್ಷಣ ಕ್ಷೇತ್ರದ ಹೊಸ ಆಶಾಕಿರಣವಾಗಿದೆ.
.jpeg)
ಅಭಿಮತ:
ಆಕಾಂಕ್ಷಿಗಳು ಎಲ್.ಎಲ್.ಬಿ ಮತ್ತು ಎಲ್.ಎಲ್.ಎಂ. ಎರಡರಲ್ಲೂ ಸೀಟುಗಳಿಗಾಗಿ ಸರತಿ ಸಾಲಿನಲ್ಲಿ ನಿಂತಿದ್ದಾರೆ. ಪ್ರಸ್ತುತ ಎಲ್ಲಾ ಜಿಲ್ಲೆಗಳ ವಿದ್ಯಾರ್ಥಿಗಳು ಮಂಜೇಶ್ವರ ಕಾನೂನು ಕಾಲೇಜಿನಲ್ಲಿ ಕಲಿಯುತ್ತಿದ್ದಾರೆ. ಕಾಲೇಜಿನ ಆರಂಭಿಕ ಹಂತದಲ್ಲಿ ಉತ್ತರ ಮಲಬಾರ್‍ನ ವಿದ್ಯಾರ್ಥಿಗಳು ಹೆಚ್ಚಾಗಿ ಬರುತ್ತಾರೆ ಎಂದು ಅಧಿಕಾರಿಗಳು ನಿರೀಕ್ಷಿಸಿದ್ದರು. ಆದರೆ ಆ ಬಳಿಕ ಮಂಜೇಶ್ವರ ಕಾಲೇಜು ಕೇರಳದ ಎಲ್ಲಾ ಜಿಲ್ಲೆಗಳ ವಿದ್ಯಾರ್ಥಿಗಳು ಅಧ್ಯಯನಗೈಯ್ಯಲು ಆಗಮಿಸುತ್ತಿರುವುದು ಹೆಮ್ಮೆ ಎನಿಸಿದೆ.
- ಡಾ. ಶೀನಾ ಶುಕೂರ್
ಕಣ್ಣೂರು ವಿಶ್ವವಿದ್ಯಾನಿಲಯ ಮಂಜೇಶ್ವರ ಕ್ಯಾಂಪಸ್ ನಿರ್ದೇಶಕ ಮತ್ತು ವಿಭಾಗದ ಮುಖ್ಯಸ್ಥ.
DOCTYPE html>
.jpg)
