ಮುಂಬೈ: ಐದು ಗಂಟೆ ತಡವಾಗಿ ಹೊರಟ ಆಕಾಸಾ ವಿಮಾನ

                ಮುಂಬೈ: ಉತ್ತರ ಪ್ರದೇಶದ ವಾರಾಣಸಿಯಿಂದ ಮುಂಬೈಗೆ ತೆರಳಬೇಕಿದ್ದ ಆಕಾಸಾ ವಿಮಾನವು ಭಾನುವಾರ ಐದು ಗಂಟೆ ತಡವಾಗಿ ಸಂಚರಿಸಿದೆ. ಮಧ್ಯಾಹ್ನ 2.50ಕ್ಕೆ ವಾರಾಣಸಿಯಿಂದ ತೆರಳಬೇಕಿದ್ದ ವಿಮಾನವು ರಾತ್ರಿ ಎಂಟು ಗಂಟೆಗೆ ಅಲ್ಲಿಂದ ಹೊರಟಿತು ಎಂದು ವಿಮಾನ ಸಂಸ್ಥೆ ತಿಳಿಸಿದೆ.

                 ಪ್ರಯಾಣಿಕರು ವಿಮಾನ ಹತ್ತುವ ವೇಳೆ ಭದ್ರತೆಗೆ ಸಂಬಂಧಿಸಿದಂತೆ ಎಚ್ಚರಿಕೆಯ ಸಂದೇಶ ಬಂದಿತ್ತು. ಈ ಕಾರಣದಿಂದಾಗಿ ವಿಮಾನದಲ್ಲಿದ್ದ ಪ್ರಯಾಣಿಕರನ್ನು ಇಳಿಸಿ, ಸ್ಥಳೀಯ ಅಧಿಕಾರಿಗಳು ಅಗತ್ಯವಿರುವ ಸುರಕ್ಷತಾ ಕ್ರಮಗಳ ಬಗ್ಗೆ ಪರಿಶೀಲನೆ ನಡೆಸಿದರು ಎಂದು ಆಕಾಸಾ ವಿಮಾನ ಸಂಸ್ಥೆ ಭಾನುವಾರ ರಾತ್ರಿ ಎಕ್ಸ್(ಟ್ವೀಟರ್) ವೇದಿಕೆಯಲ್ಲಿ ತಿಳಿಸಿದೆ.