ವಯನಾಡಿನಲ್ಲಿ ಮತ್ತೆ ಪ್ರತ್ಯಕ್ಷಗೊಂಡ ನಕ್ಸಲ್ ತಂಡ: ಐದು ಸದಸ್ಯರ ಶಸ್ತ್ರಸಜ್ಜಿತ ಗುಂಪು ಮನೆಗೆ ಭೇಟಿ

                 ವಯನಾಡ್: ತಲಪುಳದಲ್ಲಿ ಮತ್ತೆ ನಕ್ಸಲ್ ಭಯೋತ್ಪಾದಕರು ಕಂಡುಬಂದಿದ್ದಾರೆ. ಐದು ಸದಸ್ಯರ ಶಸ್ತ್ರಸಜ್ಜಿತ ಮಾವೋವಾದಿ ಗುಂಪು ತಲಪುಳ ಕಸ್ಟಮ್ಸ್ ಪೋಸ್ಟ್‍ಗೆ ಆಗಮಿಸಿತು.

                       ಈ ತಂಡ ಭಾನುವಾರ ತಲಪುಳ ಮೂಲದ ಜಾನಿ ಅವರ ಮನೆಗೆ ತಲುಪಿದೆ. ಬೆಳಗ್ಗೆ 7.15ರ ಸುಮಾರಿಗೆ ಆಗಮಿಸಿದ ತಂಡ 10.15ರವರೆಗೂ ಅವರ ಮನೆಯಲ್ಲಿ ಕಾಲ ಕಳೆದಿದೆ. 

                         ಮೊಬೈಲ್ ಚಾರ್ಜ್ ಮಾಡಿ ದಿನಪತ್ರಿಕೆ ಪರಿಶೀಲಿಸಿದರು. ಮನೆಯಲ್ಲಿದ್ದ ದಿನಪತ್ರಿಕೆಗಳನ್ನು ತೆಗೆದುಕೊಂಡು ಗುಂಪು ಅಲ್ಲಿಂದ ತೆರಳಿದೆ. ಸೆಪ್ಟೆಂಬರ್ 28 ರಂದು, ವಯನಾಡಿನ ಕಂಬಮಾಲಾ ಎಸ್ಟೇಟ್‍ನಲ್ಲಿರುವ ಕೇರಳ ಅರಣ್ಯ ಇಲಾಖೆಯ ಕಚೇರಿಯ ಮೇಲೆ ಐವರು ಸದಸ್ಯರ ಶಸ್ತ್ರಸಜ್ಜಿತ ಗ್ಯಾಂಗ್ ದಾಳಿ ನಡೆಸಿತ್ತು. ಅದೇ ತಂಡ ಜಾನಿ ಮನೆಗೆ ಬಂದಿತ್ತು ಎಂದು ಪೋಲೀಸರು ತೀರ್ಮಾನಿಸಿದ್ದಾರೆ.

                     ಕಂಬಮಾಳ ತಲುಪಿದ ಬಳಿಕ ಆರು ಮಂದಿಯ ತಂಡ ಕಚೇರಿಗೆ ನುಗ್ಗಿ ಪೋಸ್ಟರ್ ಅಂಟಿಸಿ ಪರಾರಿಯಾಗಿತ್ತು. ಘಟನೆ ವೇಳೆ ಅಧಿಕಾರಿ ಮಾತ್ರ ಕಚೇರಿಯಲ್ಲಿದ್ದರು. ಕೆಲಹೊತ್ತು ಮಾತನಾಡಿದ ಬಳಿಕ ದಾಳಿಕೋರರು ಅಧಿಕಾರಿ ಮೇಲೆ ಹಲ್ಲೆ ನಡೆಸಿದ್ದಾರೆ. ತಮಿಳು ಮತ್ತು ಮಲಯಾಳಂನಲ್ಲಿ ಸಂದೇಶಗಳ ಭಿತ್ತಿಪತ್ರ ಅಚಿಟಿಸಲಾಗಿದೆ.