ಭಾರತೀಯರಿಗೆ ರಕ್ಷಣೆಗೆ ಒದಗಿಸಿ: ಕೇರಳ ಸಿ.ಎಂ

                ತಿರುವನಂತಪುರ: ಇಸ್ರೇಲ್‌ನಲ್ಲಿ ಸಿಲುಕಿರುವ ಭಾರತೀಯರಿಗೆ ಸೂಕ್ತ ರಕ್ಷಣೆ ನೀಡುವಂತೆ ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಅವರು ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್‌. ಜೈಶಂಕರ್‌ ಅವರನ್ನು ಒತ್ತಾಯಿಸಿ ಪತ್ರ ಬರೆದಿದ್ದಾರೆ.

              ಇಸ್ರೇಲ್‌ನಲ್ಲಿ ನೆಲೆಸಿರುವ ಭಾರತೀಯರಲ್ಲಿ ಸುಮಾರು 7,000 ಮಂದಿ ಕೇರಳದವರು.

ಹಮಾಸ್‌ ಬಂಡುಕೋರರು ಮತ್ತು ಇಸ್ರೇಲ್‌ ನಡುವೆ ಸಂಘರ್ಷ ತೀವ್ರವಾಗುತ್ತಿದರಿಂದ ಅವರು ಮತ್ತಷ್ಟು ಸಂಕಷ್ಟಕ್ಕೀಡಾಗಿದ್ದಾರೆ ಮತ್ತು ಅವರ ಕುಟುಂಬ ಸದಸ್ಯರು ಆತಂಕಕ್ಕೀಡಾಗಿದ್ದಾರೆ ಎಂದು ಪಿಣರಾಯಿ ಅವರು ಹೇಳಿದ್ದಾರೆ.

                 'ಸಾಧ್ಯವಾಗುವ ಎಲ್ಲಾ ಮಾರ್ಗದಲ್ಲೂ ಪ್ರಯತ್ನಿಸಿ ನಮ್ಮ ನಾಗರಿಕರಿಗೆ ರಕ್ಷಣೆ ಒದಗಿಸಿ' ಎಂದು ಮನವಿ ಮಾಡಿದ್ದಾರೆ.