ಮುಗುಳ್ನಗೆ ಹರಡೋಣ..! ನಾವು ತೆರೆದುಕೊಳ್ಳೋಣ…ಮುಗುಳ್ನಕ್ಕು..; ವಿಶ್ವ ಸ್ಮೈಲ್ ದಿನದ ಮಹತ್ವವನ್ನು ತಿಳಿಯಿರಿ

                   

                  ಇಂದು ವಿಶ್ವ ನಗುವಿನ ದಿನ. ಸ್ಮೈಲ್ ಡೇ ಅನ್ನು ಪ್ರತಿ ವರ್ಷ ಅಕ್ಟೋಬರ್ ಮೊದಲ ಶುಕ್ರವಾರದಂದು ಆಚರಿಸಲಾಗುತ್ತದೆ.

                ಈ ವರ್ಷದ ವಿಶ್ವ ಸ್ಮೈಲ್ ಡೇ ಸಂದೇಶವು 'ಲೆಟ್ಸ್ ಸ್ಪ್ರೆಡ್ ಸ್ಮೈಲ್ಸ್' ಎಂದಾಗಿದೆ. ಮಾನಸಿಕ ಮತ್ತು ದೈಹಿಕ ಒತ್ತಡ ಮತ್ತು ಕ್ಷೋಭೆತುಂಬಿದ ಈ ಜಗತ್ತಿನಲ್ಲಿ ನಗು ಒಂದು ಉತ್ತಮ ಔಷಧವಾಗಿದೆ. ನೀವು ಕೇಳಿದ್ದೀರಲ್ಲವೇ.. ಯಾವುದೇ ದೊಡ್ಡ ಸಮಸ್ಯೆಯಾದರೂ ನಗುನಗುತ್ತಲೇ ಪರಿಹರಿಸಿಕೊಳ್ಳಬಹುದು ಎಂದು..!

               ಮ್ಯಾಸಚೂಸೆಟ್ಸ್‍ನ ಪೋರ್ಸೆಸ್ಟರ್ ನ ಪ್ರಸಿದ್ಧ ಕಲಾವಿದ ಹಾರ್ವೆ ಬಾಲ್ ನಗು ಮುಖವನ್ನು(ಇಮೋಜಿ) ರಚಿಸಿದ ನಂತರ ಸ್ಮೈಲಿ ಡೇ ಆಚರಣೆಯು ಪ್ರಾರಂಭವಾಯಿತು. ಅವರು 1963 ರಲ್ಲಿ ಮೊದಲ ನಗು ಮುಖವನ್ನು ತಯಾರಿಸಿದರು. ಪ್ರಪಂಚದಾದ್ಯಂತ ಜನರು ದಯೆ ಮತ್ತು ನಗುವಿನ ಕಾರ್ಯಗಳಿಗಾಗಿ ಪ್ರತಿ ವರ್ಷ ಒಂದು ದಿನವನ್ನು ಮೀಸಲಿಡಬೇಕೆಂದು ಹಾರ್ವೆ ಬಯಸಿದ್ದರು.

            ವಿಶ್ವ ಸ್ಮೈಲ್ ಡೇ ಅನ್ನು ಮೊದಲ ಬಾರಿಗೆ 1999 ರಲ್ಲಿ ಆಚರಿಸಲಾಯಿತು. 2001 ರಲ್ಲಿ ಹಾರ್ವೆ ಅವರ ಮರಣದ ನಂತರ, 'ಹಾರ್ವೆ ಬಾಲ್ ವಲ್ರ್ಡ್ ಸ್ಮೈಲ್ ಫೌಂಡೇಶನ್' ಅನ್ನು ರಚಿಸಲಾಯಿತು. ಅವರ ನೆನಪಿಗಾಗಿ ಹಾರ್ವೆ ಬಾಲ್ ವಲ್ರ್ಡ್ ಸ್ಮೈಲ್ ಫೌಂಡೇಶನ್ ಈ ದಿನವನ್ನು ಪ್ರತಿ ವರ್ಷ ಸ್ಮೈಲ್ ಡೇ ಎಂದು ಆಚರಿಸಲು ಪ್ರಾರಂಭಿಸಿತು.

       ಇದೇ ವೇಳೆ, ನಗುವುದು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಎಂದು ಅಧ್ಯಯನಗಳು ತೋರಿಸುತ್ತವೆ. ಹೃತ್ಪೂರ್ವಕ ನಗು ಅರ್ಧ ಕಿಲೋಮೀಟರ್ ನಡೆಯುವುದಕ್ಕೆ ಸಮ. ಅμÉ್ಟೀ ಅಲ್ಲ, ನಗುವು ದೇಹದಲ್ಲಿ ವಿಶೇಷ ಶಕ್ತಿಯಾಗಿ ಕಾರ್ಯನಿರ್ವಹಿಸುತ್ತದೆ, ಆರೋಗ್ಯಕ್ಕೆ ಒಳ್ಳೆಯದು, ರೋಗನಿರೋಧಕ ಶಕ್ತಿ ಮತ್ತು ಮಾನಸಿಕ ಆರೋಗ್ಯವನ್ನು ಬಲಪಡಿಸುತ್ತದೆ, ಸೋಂಕುಗಳಿಂದ ರಕ್ಷಿಸುತ್ತದೆ ಮತ್ತು ಸೌಂದರ್ಯವನ್ನು ಹೆಚ್ಚಿಸುತ್ತದೆ ಎಂದು ವೈದ್ಯಕೀಯ ಅಧ್ಯಯನದಲಲಿ ಸೂಚಿಸಲಾಗಿದೆ.

          ಇದು ಹೃದ್ರೋಗದ ಅಪಾಯವನ್ನು ಕಡಿಮೆ ಮಾಡಲು, ಹೊಟ್ಟೆಯ ಕೊಬ್ಬನ್ನು ಕಡಿಮೆ ಮಾಡಲು, ನೋವನ್ನು ಕಡಿಮೆ ಮಾಡಲು ಮತ್ತು ದೇಹದ ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ನಗುವು ಆಯುಷ್ಯವನ್ನು ಹೆಚ್ಚಿಸುತ್ತದೆ ಎಂದು ಹೇಳಲಾಗುತ್ತದೆ. ಹೆಚ್ಚು ನಗುವ ಜನರು ಹೆಚ್ಚು ಕಾಲ ಬದುಕುತ್ತಾರೆ ಎಂದು ಮನಶ್ಶಾಸ್ತ್ರಜ್ಞರ ಅಧ್ಯಯನಗಳು ತೋರಿಸುತ್ತವೆ. ಸ್ಮೈಲ್‍ನಲ್ಲಿ ಹಲ್ಲಿನ ಆರೈಕೆ ಪ್ರಮುಖ ಅಂಶವಾಗಿದೆ ಎಂದು ದಂತವೈದ್ಯರು ಹೇಳುತ್ತಾರೆ. ಏಕೆಂದರೆ ನೇರವಾದ, ಸ್ವಚ್ಛವಾದ ಹಲ್ಲುಗಳು ಆತ್ಮವಿಶ್ವಾಸದ ನಗುವಿಗೆ ಅತ್ಯಗತ್ಯ. ಆದರೆ ತಪ್ಪಾಗಿ ಜೋಡಿಸಲಾದ ಹಲ್ಲುಗಳು, ಹಳದಿ/  ಹಲ್ಲುಗಳ ಮೇಲಿನ ಕಲೆಗಳು ನಗುವಿಗೆ ಅಡ್ಡಿಯಾಗಬಹುದು. ಆದ್ದರಿಂದ ಹಲ್ಲಿನ ಆರೈಕೆ ಬಹಳ ಮುಖ್ಯ.