ನೌಕರರ ಕೊರತೆ: ಪಂಚಾಯತಿ ಸಹ ಉಪನಿರ್ದೇಶಕರನ್ನು ದಿಗ್ಬಂಧನಕ್ಕೊಳಪಡಿಸಿ ಪ್ರತಿಭಟಿಸಿದ ಮಂಗಲ್ಪಾಡಿ ಪಂ.ಸದಸ್ಯರು

                     ಉಪ್ಪಳ: ಸಾಕಷ್ಟು ಸಿಬ್ಬಂದಿ ಕೊರತೆ ಖಂಡಿಸಿ ಮಂಗಲ್ಪಾಡಿ ಪಂಚಾಯತ್ ಸದಸ್ಯರು ಅಧಿಕಾರಿಗಳನ್ನು ದಿಗ್ಬಂಧನಗೊಳಿಸಿ ಪ್ರತಿಭಟನೆ ನಡೆಸಿದ ಘಟನೆ ನಿನ್ನೆ ಹಾಗೂ ಮೊನ್ನೆ ನಡೆದಿದೆ. ಮಂಗಲ್ಪಾಡಿ ಪಂಚಾಯತ್ ಕಚೇರಿಗೆ ಪಂಚಾಯತ್ ಅಧ್ಯಕ್ಷರು ಹಾಗೂ ಸದಸ್ಯರು ಬೀಗ ಜಡಿದಿದ್ದಾರೆ.

              ಚರ್ಚೆಗೆ ಬಂದ ಪಂಚಾಯಿತಿ ಸಹಾಯಕ ಉಪನಿರ್ದೇಶಕರನ್ನು ಸುಮಾರು ಐದು ಗಂಟೆಗಳ ಕಾಲ ಬೀಗ ಜಡಿದು ದಿಗ್ಬಂಧನದಲ್ಲಿರಿಸಲಾಯಿತು. 

             ಮಂಗಲ್ಪಾಡಿ ಪಂಚಾಯತ್ ಕಚೇರಿಯಲ್ಲಿ ಪ್ರಸ್ತುತ 13 ನೌಕರರು ಅಗತ್ಯವಿದೆ. ಆದರೆ, ನಾಲ್ಕು ಜನ ಮಾತ್ರ ಇದ್ದಾರೆ. ಸಾಕಷ್ಟು ಸಿಬ್ಬಂದಿ ಇಲ್ಲ ಎಂಬ ಪ್ರತಿಭಟನೆ ಪ್ರಬಲವಾದಾಗ ಸಹಾಯಕ ಉಪನಿರ್ದೇಶಕ ಸುರೇಶ್ ಚರ್ಚೆಗೆ ನಿನ್ನೆ ಆಗಮಿಸಿದ್ದರು. ಆದರೆ, ಸಿಬ್ಬಂದಿ ನೇಮಕಕ್ಕೆ ಸಂಬಂಧಿಸಿದಂತೆ ಸೂಕ್ತ ಸ್ಪಂದನೆ ಸಿಕ್ಕಿಲ್ಲ. ಇದರಿಂದ ನೌಕರರು ಕಚೇರಿ ಬಂದ್ ಮಾಡಿದರು. ಸಹಾಯಕ ಉಪನಿರ್ದೇಶಕ ಸುರೇಶ್ ಅವರನ್ನೂ ದಿಗ್ಬಂಧನದಲ್ಲಿರಿಸಲಾಯಿತು. 

            ಮಂಗಲ್ಪಾಡಿ ಪಂಚಾಯತ್ ಕಛೇರಿಯ ಜನರು ಕೆಲ ದಿನಗಳಿಂದ ತೊಂದರೆ ಅನುಭವಿಸುತ್ತಿದ್ದಾರೆ. ಅಧಿಕಾರಿಗಳನ್ನು ನೇಮಿಸಬಹುದು ಎಂಬ ಮಾಮೂಲಿ ಮಾತು ಮೀರಿ ಈವರೆಗೆ ಯಾವುದೇ ಕ್ರಮ ಕೈಗೊಂಡಿಲ್ಲ. ಹೀಗಾಗಿ ಧರಣಿಯನ್ನು ತೀವ್ರಗೊಳಿಸುವುದಾಗಿ ಪಂಚಾಯಿತಿ ಸದಸ್ಯರು ತಿಳಿಸಿದ್ದಾರೆ.