'ನಮೋ' ಆಯಪ್‌ ಮೂಲಕ ಸಂಸದರನ್ನು ಸಂಪರ್ಕಿಸಬಹುದು: ಪ್ರಧಾನಿ ಮೋದಿ

            ನವದೆಹಲಿ: ಜನರು ತಮ್ಮ ಕ್ಷೇತ್ರದ ಸಂಸದರನ್ನು ಸಂಪರ್ಕಿಸಲು ಮತ್ತು ಮಾತುಕತೆ ನಡೆಸಲು ಅವಕಾಶ ನೀಡುವ 'ನಮೋ' ಆಯಪ್‌ನ ವೈಶಿಷ್ಟ್ಯದ ಕುರಿತು ಪ್ರಧಾನಿ ನರೇಂದ್ರ ಮೋದಿ ಸೋಮವಾರ ಒತ್ತಿ ಹೇಳಿದರು.

               'ನಮೋ' ಆಯಪ್‌ನಲ್ಲಿ ಪ್ರಜಾಸತ್ತಾತ್ಮಕ ವ್ಯವಸ್ಥೆಯನ್ನು ಉತ್ತೇಜಿಸುವ ಕುತೂಹಲಕಾರಿ ವಿಭಾಗವಿದೆ.

ಅಲ್ಲಿ ನೀವು ನಿಮ್ಮ ಸಂಸದರೊಂದಿಗೆ ಸಂಪರ್ಕ ಸಾಧಿಸಬಹುದು' ಎಂದು ಅವರು 'ಎಕ್ಸ್‌'ನಲ್ಲಿ ತಿಳಿಸಿದ್ದಾರೆ.

                ಬಿಜೆಪಿ ಸಂಸದರು ತಮ್ಮ ಕ್ಷೇತ್ರಗಳಲ್ಲಿ ಕೈಗೊಳ್ಳುವ ವಿವಿಧ ಚಟುವಟಿಕೆಗಳ ಕುರಿತೂ ಆಯಪ್‌ನಲ್ಲಿ ಮಾಹಿತಿ ಇರುತ್ತದೆ. ಆ ಕಾರ್ಯಕ್ರಮಗಳಲ್ಲಿ ಜನರೂ ಭಾಗವಹಿಸಬಹುದಾಗಿದೆ ಎಂದೂ ಹೇಳಿದ್ದಾರೆ.