ಮುಷ್ಕರ ಹಿಂಪಡೆದ ಪಡಿತರ ವರ್ತಕರು

                    ತಿರುವನಂತಪುರಂ: ಅಕ್ಟೋಬರ್ 16ರಂದು ನಡೆಯಬೇಕಿದ್ದ ಪಡಿತರ ಅಂಗಡಿ  ಮುಷ್ಕರವನ್ನು ಪಡಿತರ ವರ್ತಕರು ಹಿಂಪಡೆದಿದ್ದಾರೆ. ಪಡಿತರ ಸಮನ್ವಯ ಸಮಿತಿ ಪಡಿತರ ವರ್ತಕರ ಸಂಘಟನೆಗಳ ಜತೆ ಸಚಿವರ ಚೇಂಬರ್‍ನಲ್ಲಿ ನಡೆದ ಚರ್ಚೆಯಲ್ಲಿ ಅಂಗಡಿ ಮುಷ್ಕರ ಹಿಂಪಡೆಯುವ ಇಚ್ಛೆ ವ್ಯಕ್ತಪಡಿಸಿತು.

              ಆಹಾರ ಮತ್ತು ಸಾರ್ವಜನಿಕ ವಿತರಣಾ ಸಚಿವ ಜಿ.ಆರ್. ಅನಿಲ್ ಅವರೊಂದಿಗೆ ನಡೆದ ಚರ್ಚೆಯಲ್ಲಿ ಪಡಿತರ ಕ್ಷೇತ್ರಕ್ಕೆ ಸಂಬಂಧಿಸಿದ ವಿವಿಧ ಸಮಸ್ಯೆಗಳ ಕುರಿತು ಚರ್ಚಿಸಲಾಗಿದ್ದು, ಜೂನ್‍ನಲ್ಲಿ ಪಡಿತರ ವ್ಯಾಪಾರದ ಮೇಗಳ ವಿವಿಧ ಸಂಘಟನೆಗಳ ಪ್ರತಿನಿಧಿಗಳೊಂದಿಗೆ ನಡೆದ ಚರ್ಚೆಯಲ್ಲಿ ಉಂಟಾದ ನಿರ್ಣಯಗಳನ್ನು ಜಾರಿಗೊಳಿಸಲು ಕ್ರಮಕೈಗೊಳ್ಳುವಂತೆ ಸಚಿವರು ಅಧಿಕಾರಿಗಳಿಗೆ ಸೂಚಿಸಿದರು.

             ನಾಗರಿಕ ಸರಬರಾಜು ಆಯುಕ್ತ ಡಿ. ಸಜಿತ್ ಬಾಬು, ಸಮರ ಸಮಿತಿ ವತಿಯಿಂದ ಮುಖಂಡರಾದ ಜಾನಿ ನೆಲ್ಲೂರು, ಕೃಷ್ಣಪ್ರಸಾದ್, ಮೊಹಮ್ಮದಾಲಿ, ಕರಾಟೆ ಸುರೇಶ್ ಭಾಗವಹಿಸಿದ್ದರು.