ವ್ಯಂಗ್ಯಚಿತ್ರಕಾರ ಸುಕುಮಾರ್ ನಿಧನ

                ಕೊಚ್ಚಿ: ಖ್ಯಾತ ವ್ಯಂಗ್ಯಚಿತ್ರಕಾರ ಮತ್ತು ಲೇಖಕ ಎಸ್‌.ಸುಕುಮಾರನ್‌ ಪೊಟ್ಟಿ (91) ಅವರು ವಯೋಸಹಜ ಕಾಯಿಲೆಗಳಿಂದ ಶನಿವಾರ ಮೃತಪಟ್ಟರು ಎಂದು ಕುಟುಂಬದ ಮೂಲಗಳು ತಿಳಿಸಿವೆ.

                 ಸುಕುಮಾರ್‌ ಎಂದೇ ಜನಜನಿತರಾಗಿದ್ದ ಅವರು ದೀರ್ಘಕಾಲದವರೆಗೆ ನರ್ಮಾ ಕೈರಾಲಿ (ರಾಜ್ಯದ ಹಾಸ್ಯ ಕಲಾವಿದರ ಸಂಘ)ಯ ಅಧ್ಯಕ್ಷರಾಗಿದ್ದರು.

                'ಮಾತೃಭೂಮಿ', 'ಮಲಯಾಳ ಮನೋರಮ', 'ಜನಯುಗಂ' ಸೇರಿದಂತೆ ಮಲಯಾಳಂ ಭಾಷೆಯ ಪ್ರಮುಖ ದಿನಪತ್ರಿಕೆಗಳಲ್ಲಿ ಸೇವೆ ಸಲ್ಲಿಸಿದ್ದರು. ಕೇರಳ ವ್ಯಂಗ್ಯಚಿತ್ರ ಅಕಾಡೆಮಿಯ ಅಧ್ಯಕ್ಷರಾಗಿಯೂ ಕಾರ್ಯನಿರ್ವಹಿಸಿದ್ದರು.

                     ಇವರಿಗೆ 1996ರಲ್ಲಿ ಕೇರಳ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಲಭಿಸಿತ್ತು.