ತಿರುವನಂತಪುರ: ವಿಶ್ವವಿದ್ಯಾನಿಲಯಗಳಲ್ಲಿನ ಆರ್ಥಿಕ ಬಿಕ್ಕಟ್ಟು ಪರಿಹರಿಸಲು ರಾಜ್ಯಪಾಲರು ಹಾಗೂ ಮುಖ್ಯಮಂತ್ರಿಗಳು ತುರ್ತು ಮಧ್ಯಸ್ಥಿಕೆ ವಹಿಸಬೇಕು ಎಂದು ಮನವಿ ನೀಡಲಾಗಿದೆ. ವಿಶ್ವವಿದ್ಯಾಲಯ ಉಳಿಸಿ ಅಭಿಯಾನ ಸಮಿತಿಯಿಂದ ಮನವಿ ಸಲ್ಲಿಸಲಾಯಿತು.
ಕೇರಳ, ಕ್ಯಾಲಿಕಟ್ ಮತ್ತು ಎಂಜಿ ವಿಶ್ವವಿದ್ಯಾನಿಲಯಗಳು ಪ್ರಾರಂಭವಾದಾಗಿನಿಂದ ಸರ್ಕಾರದ ಅನುಮತಿಯೊಂದಿಗೆ ಸ್ಟೇಟ್ ಬ್ಯಾಂಕ್‍ನಲ್ಲಿ ಇರಿಸಲಾಗಿದ್ದ ಸುಮಾರು ಒಂದು ಸಾವಿರ ಕೋಟಿ ರೂಪಾಯಿಗಳ ವಿಶ್ವವಿದ್ಯಾಲಯದ ಹಣವನ್ನು ಮೊದಲ ಆರ್ಥಿಕ ವರ್ಷದಲ್ಲಿ ಖಜಾನೆಗೆ ವರ್ಗಾಯಿಸಲಾಯಿತು. ಸರ್ಕಾರದ ವಿಶೇಷ ಸೂಚನೆಯಂತೆ ರಾಜ್ಯದ ವಿವಿಗಳ ವಿಶಿಷ್ಟ ನಿಧಿ, ಯೋಜನೆ, ಯೋಜನೇತರ ನಿಧಿಗಳನ್ನು ರಾಜ್ಯದ ಖಜಾನೆಗಳಿಗೆ ವರ್ಗಾಯಿಸಿ ಹೂಡಿಕೆ ಮಾಡಿರುವುದರಿಂದ ಸರ್ಕಾರದ ಖಜಾನೆ ನಿಯಂತ್ರಣ ವಿವಿಗಳ ಶೈಕ್ಷಣಿಕ ಸಂಶೋಧನಾ ಕ್ಷೇತ್ರಗಳ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಿದೆ. ಇದೇ ಯಥಾಸ್ಥಿತಿ ಮುಂದುವರಿದರೆ, ನಿಗದಿತ ಕಾಲಮಿತಿಯೊಳಗೆ ಪೂರ್ಣಗೊಳ್ಳಬೇಕಾದ ವಿವಿಧ ಸಂಶೋಧನಾ ಯೋಜನೆಗಳನ್ನು ವಿಶ್ವವಿದ್ಯಾಲಯಗಳು ಕೈಬಿಡಬೇಕಾಗುತ್ತದೆ.
ಇವುಗಳಲ್ಲಿ ಕೇಂದ್ರ ಸರ್ಕಾರ ಮತ್ತು ಯುಜಿಸಿಯಿಂದ ಆರ್ಥಿಕ ನೆರವು ಪಡೆದ ಯೋಜನೆಗಳು ಸೇರಿವೆ. ಪಿಂಚಣಿ ನಿಧಿಗಾಗಿ ವಿಶ್ವವಿದ್ಯಾಲಯಗಳು ಕಾಯ್ದಿರಿಸಿದ ಮೊತ್ತವನ್ನು ಈಗಾಗಲೇ ಖಜಾನೆಗಳಿಗೆ ವರ್ಗಾಯಿಸಲಾಗಿದೆ. ವಿವಿಧ ಶೈಕ್ಷಣಿಕ ಕಾರ್ಯಕ್ರಮಗಳಿಗೆ ಯೋಜನೆ ಹಂಚಿಕೆಯಾಗಿ ಪಡೆದ ಮೊತ್ತವನ್ನು ಬದಲಾಯಿಸಲು ಈಗ ವಿಶ್ವವಿದ್ಯಾಲಯಗಳಿಗೆ ಸೂಚನೆ ನೀಡಲಾಗಿದೆ.
ವಿಶ್ವವಿದ್ಯಾಲಯಗಳ ಆರ್ಥಿಕ ಸ್ವಾತಂತ್ರ್ಯವನ್ನು ಸರ್ಕಾರ ನಿಬರ್ಂಧಿಸಿದಾಗ ಶೈಕ್ಷಣಿಕ ಸ್ವಾತಂತ್ರ್ಯವೂ ನಷ್ಟವಾಗುತ್ತದೆ. ಅರ್ಜಿಯ ಪ್ರಕಾರ ವಿಶ್ವವಿದ್ಯಾಲಯಗಳು ಸರ್ಕಾರದ ಅಧೀನದಲ್ಲಿರುವ ಇಲಾಖೆಗಳಾಗುತ್ತವೆ.
DOCTYPE html>
