ಕಾಸರಗೋಡು: ನೀಲೇಶ್ವರ ನೆಹರು ಕಲಾ ಮತ್ತು ವಿಜ್ಞಾನ ಕಾಲೇಜಿನಲ್ಲಿ ‘ಸ್ನೇಹಿತ’ ಜೆಂಡರ್ ಹೆಲ್ಪ್ ಡೆಸ್ಕ್ ಆಶ್ರಯದಲ್ಲಿ ಸಮಾನ ನ್ಯಾಯದ ಸಮಾಜವನ್ನು ರೂಪಿಸುವ ಉದ್ದೇಶದಿಂದ ಜಂಡರ್ ಕ್ಲಬ್ ಅನ್ನು ಕುಟುಂಬಶ್ರೀ ಜಿಲ್ಲಾ ಮಿಷನ್ ಸಂಯೋಜಕ ಟಿ.ಟಿ.ಸುರೇಂದ್ರನ್ ಉದ್ಘಾಟಿಸಿದರು. ಈ ಸಂದರ್ಭ ಮಾತನಾಡಿದ ಟಿ.ಟಿ.ಸುರೇಂದ್ರನ್ ಅವರು, ವಿದ್ಯಾರ್ಥಿಗಳಲ್ಲಿ ಲಿಂಗ ಸಮಾನತೆಯ ಅರಿವು ಮೂಡಿಸಲು ಕಾಲೇಜು ಮತ್ತು ಶಾಲೆಯಲ್ಲಿ ಜೆಂಡರ್ ಕ್ಲಬ್ ಸ್ಥಾಪಿಸಲಾಗುವುದು ಎಂದು ಹೇಳಿದರು.
ನೆಹರೂ ಕಾಲೇಜು ಪ್ರಾಂಶುಪಾಲ ಡಾ.ಕೆ.ವಿ.ಮುರಳಿ ಅಧ್ಯಕ್ಷತೆ ವಹಿಸಿದ್ದರು. ಜೆಂಡರ್ ಡಿಪಿಎಂ ರೇಷ್ಮಾ ಹಾಗೂ ಕಾಲೇಜು ಒಕ್ಕೂಟದ ಕಾರ್ಯದರ್ಶಿ ಚಂದ್ರಬಾಬು ಮಾತನಾಡಿದರು. ಸ್ನೇಹಿತ ಕೌನ್ಸಿಲರ್ ಶೋಭನಾ, ಸೇವಾ ಪೂರೈಕೆದಾರರಾದ ಅಶ್ವತಿ, ಬಿನಿಮೋಲ್ ಮತ್ತು ಕಾಞಂಗಾಡ್ ಸಮುದಾಯ ಕೇಂದ್ರದ ಸದಸ್ಯೆ ಧನ್ಯ ಭಾಗವಹಿಸಿದ್ದರು. ನ್ಯಾಯವಾದಿ. ಎನ್.ಕೆ.ಮನೋಜ್ ಕುಮಾರ್ ಅವರು ‘ಲಿಂಗ ಸಮಾನತೆ’ ವಿಷಯದ ಕುರಿತು ಕಾಲೇಜಿನ ವಿದ್ಯಾರ್ಥಿಗಳೊಂದಿಗೆ ಸಂವಾದ ನಡೆಸಿದರು.
. ನೆಹರೂ ಕಾಲೇಜಿನ ಪ್ರಾಧ್ಯಾಪಕಿ ಹಾಗೂ ಜೆಂಡರ್ ಕ್ಲಬ್ ಸಂಯೋಜಕಿ ಡಾ.ಕೆ.ಮಂಗಳಾ ಸ್ವಾಗತಿಸಿ, ಸ್ನೇಹಿತ ಸೇವಾದಾರ ಜಿತಾ ಎ ನಾಯರ್ ವಂದಿಸಿದರು.
.jpeg)
DOCTYPE html>
