ತಿರುವನಂತಪುರಂ: ಸಂಚಾರ ನಿಯಮ ಉಲ್ಲಂಘನೆಗೆ ದಂಡ ಪಾವತಿಸದಿದ್ದಲ್ಲಿ ಇನ್ನು ಮುಂದೆ ಹೊಗೆ ಪರೀಕ್ಷೆ ಪ್ರಮಾಣ ಪತ್ರ ನೀಡುವುದಿಲ್ಲ.
ದಂಡ ಪಾವತಿಸಿದ ವಾಹನಗಳಿಗೆ ಮಾತ್ರ ಡಿಸೆಂಬರ್ 1ರಿಂದ ಹೊಗೆ ಪರೀಕ್ಷೆ ಪ್ರಮಾಣ ಪತ್ರ ನೀಡಲಾಗುವುದು. ಸಾರಿಗೆ ಸಚಿವ ಆಂಟನಿ ರಾಜು ಅಧ್ಯಕ್ಷತೆಯಲ್ಲಿ ನಡೆದ ರಸ್ತೆ ಸುರಕ್ಷತಾ ಪರಿಶೀಲನಾ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ.
ಕ್ಯಾಮೆರಾಗಳು ಕಾರ್ಯನಿರ್ವಹಿಸಲು ಪ್ರಾರಂಭಿಸಿದ ಜೂನ್ 5 ರಿಂದ ಅಕ್ಟೋಬರ್ ವರೆಗೆ, 139 ಕೋಟಿ ರೂಪಾಯಿಗಳಿಗಿಂತ ಹೆಚ್ಚು ದಂಡ ವಿಧಿಸಬಹುದಾದ ಕಾನೂನು ಉಲ್ಲಂಘನೆಯಾಗಿದೆ. ಈ ಅವಧಿಯಲ್ಲಿ ಸುಮಾರು 21.5 ಕೋಟಿ ರೂ.ಗಳನ್ನು ಈಗಾಗಲೇ ದಂಡವಾಗಿ ಸ್ವೀಕರಿಸಲಾಗಿದೆ. 74,32,371 ಸಂಚಾರ ನಿಯಮ ಉಲ್ಲಂಘನೆಗಳು ಪತ್ತೆಯಾಗಿವೆ. ಈ ಪೈಕಿ 58,29,926 ಪ್ರಕರಣಗಳನ್ನು ಪರಿಶೀಲಿಸಲಾಗಿದ್ದು, 23,06,023 ಪ್ರಕರಣಗಳನ್ನು ಸಮಗ್ರ ಸಾರಿಗೆ ಮಾನಿಟರಿಂಗ್ ಸಿಸ್ಟಮ್‍ನಲ್ಲಿ ಅಪ್‍ಲೋಡ್ ಮಾಡಲಾಗಿದೆ ಮತ್ತು 2,103,801 ಚಲನ್‍ಗಳನ್ನು ಸಿದ್ಧಪಡಿಸಲಾಗಿದೆ.
ಹೆಲ್ಮೆಟ್ ಧರಿಸದೆ ದ್ವಿಚಕ್ರ ವಾಹನ ಸವಾರಿ ಮಾಡುವುದು ಅಕ್ಟೋಬರ್ ತಿಂಗಳಲ್ಲಿ ಅತಿ ಹೆಚ್ಚು ಅಂದರೆ 21,865 ಉಲ್ಲಂಘನೆಯಾಗಿದೆ. 16,581 ಪ್ರಯಾಣಿಕರು ಹೆಲ್ಮೆಟ್ ಇಲ್ಲದೆ ಪ್ರಯಾಣಿಸಿದ್ದಾರೆ. ಸಚಿವರ ಪ್ರಕಾರ, ಅಕ್ಟೋಬರ್‍ನಲ್ಲಿ ಕಂಡುಬಂದ ಉಲ್ಲಂಘನೆಗಳೆಂದರೆ ಕಾರಿನಲ್ಲಿ ಸೀಟ್ ಬೆಲ್ಟ್ ಧರಿಸದ ಮುಂಭಾಗದ ಸೀಟ್ ಪ್ರಯಾಣಿಕರು-23,296, ಸೀಟ್ ಬೆಲ್ಟ್ ಧರಿಸದ ಕಾರು ಚಾಲಕರು-25,633, ಮೊಬೈಲ್ ಫೆÇೀನ್ ಬಳಕೆ-662, ದ್ವಿಚಕ್ರ ವಾಹನಗಳಲ್ಲಿ ಟ್ರಿಪಲ್ ರೈಡ್-698. ಇತ್ಯಾದಿ.
DOCTYPE html>
