ರಾಜ್ಯದಲ್ಲಿ ಮತ್ತೊಂದು ಸಾಲದ ಆ್ಯಪ್ ಬೆದರಿಕೆ; ಆತ್ಮಹತ್ಯೆಗೆ ಯತ್ನಿಸಿದ 25 ವರ್ಷದ ಗೃಹಿಣಿ

               ಕೋಝಿಕ್ಕೋಡ್: ರಾಜ್ಯದಲ್ಲಿ ಮತ್ತೊಂದು ಸಾಲದ ಆ್ಯಪ್ ಬೆದರಿಕೆ ವರದಿಯಾಗಿದೆ. ಕೋಯಿಕ್ಕೋಡ್‍ನ ಕುಟ್ಟಿಯಾಡಿಯಲ್ಲಿ ಸಾಲದ ಆ್ಯಪ್‍ನ ಬೆದರಿಕೆಯಿಂದ ಗೃಹಿಣಿಯೊಬ್ಬರು ಆತ್ಮಹತ್ಯೆಗೆ ಯತ್ನಿಸಿದ್ದಾರೆ.

              25 ವರ್ಷದ ಯುವತಿ ಆತ್ಮಹತ್ಯೆಗೆ ಯತ್ನಿಸಿದ್ದಾಳೆ. ಅವರನ್ನು ಕೋಝಿಕ್ಕೋಡ್ ವೈದ್ಯಕೀಯ ಕಾಲೇಜು ಆಸ್ಪತ್ರೆಗೆ ದಾಖಲಿಸಲಾಗಿದೆ.

            ಯುವತಿ  20,000 ರೂ.ಸಾಲ ಪಡೆದಿದ್ದಳು. ಚಿನ್ನ ಇತ್ಯಾದಿಗಳನ್ನು ಒತ್ತೆ ಇಟ್ಟು 1 ಲಕ್ಷ ರೂಪಾಯಿ ಮರುಪಾವತಿ ಮಾಡಿದರೂ ಬೆದರಿಕೆ ಮುಂದುವರಿಸಿದ್ದಾರೆ. ಬಳಿಕ ಮಹಿಳೆಯ ಚಿತ್ರಗಳನ್ನು ಮಾರ್ಫ್ ಮಾಡಿ ಆಕೆಯ ಪೋನ್ ಗೆ ಕಳುಹಿಸಲಾಗಿತ್ತು. ಇವುಗಳನ್ನು ಸಾಮಾಜಿಕ ಜಾಲತಾಣಗಳ ಮೂಲಕ ಪ್ರಸಾರ ಮಾಡುವುದಾಗಿ ಬೆದರಿಕೆ ಹಾಕಿದ್ದರು ಎಂದು ಯುವತಿ ಹೇಳುತ್ತಾರೆ.

             ಹಣವಿಲ್ಲ ಎಂದು ತಿಳಿಸಿದಾಗ ಸಾಲದ ಆ್ಯಪ್‍ನ ಬೆದರಿಕೆ ಸಂದೇಶ ಬಂದಿದೆ. ನಂತರ ಮಹಿಳೆಯ ವಾಟ್ಸಾಪ್ ಪ್ರೊಫೈಲ್ ಚಿತ್ರವನ್ನು ನಗ್ನ ಚಿತ್ರಗಳಾಗಿ ಮಾರ್ಫ್ ಮಾಡಿ ಆಕೆಯ ಪೋನ್ ಗೆ ಕಳುಹಿಸಲಾಗಿದೆ. ಮಹಿಳೆ ಆತ್ಮಹತ್ಯೆಗೆ ಯತ್ನಿಸಿದ್ದು, ಯುವತಿ ಇಬ್ಬರು ಮಕ್ಕಳ ತಾಯಿ.