ಮೊಜಿಲ್ಲಾ ಫೈರ್‍ಫಾಕ್ಸ್‍ನಲ್ಲಿ ಗಂಭೀರ ಭದ್ರತಾ ಸಮಸ್ಯೆ: ಎಚ್ಚರಿಕೆ ನೀಡಿದ ಭಾರತೀಯ ಕಂಪ್ಯೂಟರ್ ತುರ್ತು ಪ್ರತಿಕ್ರಿಯೆ ತಂಡ

              ಮೊಜಿಲ್ಲಾ ಫೈರ್ ಫಾಕ್ಸ್ ವೆಬ್ ಬ್ರೌಸರ್‍ನಲ್ಲಿ ಗಂಭೀರವಾದ ಭದ್ರತಾ ಸಮಸ್ಯೆಯನ್ನು ಕಂಡುಹಿಡಿಯಲಾಗಿದೆ. ಭಾರತೀಯ ಕಂಪ್ಯೂಟರ್ ಎಮರ್ಜೆನ್ಸಿ ರೆಸ್ಪಾನ್ಸ್ ಟೀಮ್ ಈ ಎಚ್ಚರಿಕೆ ನೀಡಿದೆ.

             ಆದಷ್ಟು ಬೇಗ ಸಾಫ್ಟ್‍ವೇರ್ ಅನ್ನು ನವೀಕರಿಸಲು ಬಳಕೆದಾರರಿಗೆ ಸಲಹೆ ನೀಡಲಾಗಿದೆ. ಗುರುತಿಸಲಾದ ಭದ್ರತಾ ಸಮಸ್ಯೆಗಳು ಫೈರ್‍ಫಾಕ್ಸ್ ಬಳಕೆದಾರರ ಸಾಧನಗಳನ್ನು ಸುಲಭವಾಗಿ ಹ್ಯಾಕ್ ಮಾಡುವ ಮತ್ತು ನಿಯಂತ್ರಣವನ್ನು ತೆಗೆದುಕೊಳ್ಳುವ ಸಾಮಥ್ರ್ಯವನ್ನು ಒಳಗೊಂಡಿವೆ. ಈ ರೀತಿಯ ಸಮಸ್ಯೆಗಳು ವಿವಿಧ ಕೋಡಿಂಗ್ ದೋಷಗಳಿಂದ ಉಂಟಾಗುತ್ತವೆ ಎಂಬುದು ಆರಂಭಿಕ ತೀರ್ಮಾನವಾಗಿದೆ. ಏಜೆನ್ಸಿಯ ಅಧಿಕೃತ ವೆಬ್‍ಸೈಟ್ ಮೂಲಕ ಎಚ್ಚರಿಕೆ ನೀಡಲಾಗಿದೆ.

              ಸಮಸ್ಯೆಗಳು ಪ್ರಸ್ತುತ 115.50.0 ಕ್ಕಿಂತ ಮೊದಲು ಫೈರ್‍ಫಾಕ್ಸ್ ಇ.ಎಸ್.ಆರ್. ಆವೃತ್ತಿಯಲ್ಲಿ, 120 ಕ್ಕಿಂತ ಮೊದಲಿನ ಮೊಜಿಲ್ಲಾ ಫೈರ್‍ಫಾಕ್ಸ್ ಆವೃತ್ತಿಯಲ್ಲಿ, 120 ಕ್ಕಿಂತ ಮೊದಲಿನ ಐಒಎಸ್ ಆವೃತ್ತಿಗಳಲ್ಲಿ ಮತ್ತು 115.5 ಕ್ಕಿಂತ ಮೊದಲಿನ ಮೊಝಿಲಲ್ ತಂಡ್ ಬರ್ಡ್ ಆವೃತ್ತಿಯಲ್ಲಿ ಕಂಡುಬರುತ್ತವೆ. ಈ ಭದ್ರತಾ ಸಮಸ್ಯೆಗಳನ್ನು ತಪ್ಪಿಸಲು, ಫೈರ್‍ಫಾಕ್ಸ್ ಅನ್ನು ತಕ್ಷಣವೇ ನವೀಕರಿಸಿ ಮತ್ತು ಬ್ರೌಸರ್‍ನಲ್ಲಿ ಸ್ವಯಂಚಾಲಿತ ನವೀಕರಣಗಳನ್ನು ಸಕ್ರಿಯಗೊಳಿಸಲಾಗಿದೆಯೆ ಎಂದು ಖಚಿತಪಡಿಸಿಕೊಳ್ಳಿ. ಅಪರಿಚಿತ ಸಂಖ್ಯೆಗಳಿಂದ ಸಂದೇಶಗಳು ಮತ್ತು ಇಮೇಲ್‍ಗಳಲ್ಲಿ ಲಿಂಕ್‍ಗಳನ್ನು ತೆರೆಯಬೇಡಿ. ಇದು ಮುಂಜಾಗ್ರತಾ ಕ್ರಮವಾಗಿ ಸಂಸ್ಥೆ ನೀಡಿರುವ ಎಚ್ಚರಿಕೆಯಾಗಿದೆ.