ಪಾಕ್ ಜೊತೆ ಸಮರಾಭ್ಯಾಸ: ಚೀನಾ ನೌಕೆಗಳ ಚಲನವಲನದ ಮೇಲೆ ಭಾರತದ ನಿಗಾ

Top Post Ad

Click to join Samarasasudhi Official Whatsapp Group

            ನವದೆಹಲಿ: ಪಾಕಿಸ್ತಾನದೊಂದಿಗೆ ನೌಕಾ ಸಮರಾಭ್ಯಾಸದಲ್ಲಿ ಪಾಲ್ಗೊಳ್ಳುತ್ತಿರುವ ಚೀನಾದ ಜಲಾಂತರ್ಗಾಮಿ ಮತ್ತು ಯುದ್ಧನೌಕೆಗಳ ಚಲನವಲನದ ಮೇಲೆ ಭಾರತೀಯ ನೌಕಾಪಡೆ ತೀವ್ರ ನಿಗಾ ಇರಿಸಿದೆ ಎಂದು ಕೇಂದ್ರ ಸರ್ಕಾರದ ಮೂಲಗಳು ಬುಧವಾರ ತಿಳಿಸಿವೆ.

             ಚೀನಾ ನೌಕೆಗಳು ಮಲಕ್ಕಾ ಜಲಸಂಧಿಯ ಮೂಲಕ ಹಿಂದೂ ಮಹಾಸಾಗರ ಪ್ರದೇಶವನ್ನು ಪ್ರವೇಶಿಸಿದ ಕ್ಷಣದಿಂದ ನೌಕಾಪಡೆಯು ಚೀನಾದ ಚಲನವಲನದ ಮೇಲೆ ನಿಗಾ ಇಟ್ಟಿದೆ ಎಂದು ಅವರು ಹೇಳಿದ್ದಾರೆ.

              ಚೀನಾದ ಪಿಎಲ್‌ಎ ನೌಕಾಪಡೆಯು ಪಾಕಿಸ್ತಾನದೊಂದಿಗೆ ಸೀ ಗಾರ್ಡಿಯನ್ ತಾಲೀಮಿಗಾಗಿ ಅತ್ಯಾಧುನಿಕ ಯುದ್ಧನೌಕೆಗಳು ಮತ್ತು ಜಲಾಂತರ್ಗಾಮಿ ಸೇರಿದಂತೆ ಹಲವು ನೌಕೆಗಳನ್ನು ನಿಯೋಜಿಸಿದೆ.

                  ಭಾರತದ ಸಮಗ್ರ ಕಡಲ ಪ್ರದೇಶದ ಜಾಗೃತಿಯ ಭಾಗವಾಗಿ ಮತ್ತು ರಾಷ್ಟ್ರೀಯ ಭದ್ರತಾ ಹಿತಾಸಕ್ತಿಗಳಿಗೆ ಅನುಗುಣವಾಗಿ ಹಿಂದೂ ಮಹಾಸಾಗರ ಪ್ರದೇಶದಲ್ಲಿನ ಎಲ್ಲಾ ಚಲನವಲನಗಳ ಮೇಲೆ ನೌಕಾಪಡೆಯು ನಿಕಟ ನಿಗಾ ವಹಿಸುತ್ತದೆ ಎಂದು ಮೂಲಗಳು ತಿಳಿಸಿವೆ.