ನೇಪಾಳದಲ್ಲಿ ಮತ್ತೊಂದು ಭೂಕಂಪ

              ಕಠ್ಮಂಡು: ಹಿಮಾಲಯದಲ್ಲಿ ತಪ್ಪಲಿನಲ್ಲಿ ಕೆಲ ದಿನಗಳ ಹಿಂದೆ ಭೂಮಿ ಕಂಪಿಸಿ ಹಲವರ ಬಲಿ ಪಡೆದಿದ್ದು ಇನ್ನೂ ನೆನಪಿರುವಾಗಲೇ,  ಸೋಮವಾರ ಸಂಜೆ ನೇಪಾಳದಲ್ಲಿ ಮತ್ತೊಂದು ಭೂಕಂಪ ಸಂಭವಿಸಿದೆ.

              ಕಳೆದ 3 ದಿನಗಳಲ್ಲಿ ನೇಪಾಳದಲ್ಲಿ ಸಂಭವಿಸಿದ 2ನೇ ಭೂಕಂಪ ಇದಾಗಿದೆ.

              ಇದೇ ವೇಳೆ ದೆಹಲಿ-ಎನ್‌ಸಿಆರ್ ಪ್ರದೇಶ ಸೇರಿದಂತೆ ಉತ್ತರ ಭಾರತದ ಕೆಲ ಭಾಗಗಳಲ್ಲಿಯೂ ಕಂಪನದ ಅನುಭವವಾಗಿದೆ. ಭೂಕಂಪದ ತೀವ್ರತೆಯ ರಿಕ್ಟರ್ ಮಾಪಕದಲ್ಲಿ 5.6 ರಷ್ಟಿದೆ. ಕೇಂದ್ರ ಬಿಂದು ನೇಪಾಳ ಎಂದು ವರದಿಯಾಗಿದೆ.

                ನ.3ರಂದು ಸಂಭವಿಸಿದ ಭೂಕಂಪದ ಕೇಂದ್ರ ಬಿಂದು ಕಠ್ಮಂಡುವಿನಿಂದ ಸುಮಾರು 550 ಕಿ.ಮೀ ದೂರದಲ್ಲಿರುವ ಜಜರ್‌ಕೋಟ್ ಜಿಲ್ಲೆಯ ರಾಮಿಡಾಂಡಾದಲ್ಲಿತ್ತು. ‌ ಜಾಜರ್‌ಕೋಟ್ ಮತ್ತು ರುಕುಮ್ ಜಿಲ್ಲೆಗಳಲ್ಲಿ ಹೆಚ್ಚು ಹಾನಿ ಸಂಭವಿಸಿದ್ದು, 157 ಜನರು ಸಾವಿಗೀಡಾಗಿದ್ದರು.