ದೀಪಾವಳಿ: ವಿಶೇಷ ರೈಲು ಸಂಚಾರಕ್ಕೆ ಟಿಕೆಟ್ ಬುಕ್ಕಿಂಗ್ ಆರಂಭ

                 ತಿರುವನಂತಪುರಂ: ದೀಪಾವಳಿ ಹಬ್ಬದ ಹಿನ್ನೆಲೆಯಲ್ಲಿ ರೈಲ್ವೇ ಬಿಡುಗಡೆ ಮಾಡಿರುವ ಎರಡು ವಿಶೇಷ ರೈಲುಗಳ ಟಿಕೆಟ್ ಬುಕ್ಕಿಂಗ್ ಆರಂಭವಾಗಿದೆ.

             ನಾಗರ ಕೋವಿನ್ ನಿಂದ ಮಂಗಳೂರಿಗೆ ಮತ್ತು ಮಂಗಳೂರಿನಿಂದ ಚೆನ್ನೈಗೆ ವಿಶೇಷ ರೈಲುಗಳು ಸಂಚರಿಸಲಿವೆ.  ಈ ರೈಲಿನ ಈ ವಿಶೇಷ ಸೇವೆಯು ನವೆಂಬರ್ 11 ರಂದು ಆರಂಭಗೊಳ್ಳಲಿದೆ.

              ನಾಗರಕೋಯಿಲ್‍ನಿಂದ ಮಂಗಳೂರು ಜಂಕ್ಷನ್‍ಗೆ ಶನಿವಾರ ವಿಶೇಷ ರೈಲು ಸೇವೆ. ರೈಲು (ಸಂಖ್ಯೆ 06062) ಶನಿವಾರ ಮಧ್ಯಾಹ್ನ 2.45 ಕ್ಕೆ ನಾಗರಕೋಯಿಲ್ ಜಂಕ್ಷನ್‍ನಿಂದ ಹೊರಟು ಭಾನುವಾರ ಬೆಳಿಗ್ಗೆ 5.15 ಕ್ಕೆ ಮಂಗಳೂರು ಜಂಕ್ಷನ್‍ಗೆ ತಲುಪಲಿದೆ. 

               ಮಂಗಳೂರಿನಿಂದ ಚೆನ್ನೈನ ತಾಂಬರಂಗೆ ಹೋಗುವ ಎರಡನೇ ರೈಲು, ಭಾನುವಾರ ಬೆಳಗ್ಗೆ 10 ಕ್ಕೆ ಮಂಗಳೂರು ಜಂಕ್ಷನ್‍ನಿಂದ ಹೊರಡುವ ರೈಲು (ಸಂಖ್ಯೆ 06063) ಸೋಮವಾರ ಬೆಳಗ್ಗೆ 5.10ಕ್ಕೆ ತಾಂಬರಂ ತಲುಪಲಿದೆ. ರೈಲು 1.37 ಕ್ಕೆ ಕೋಝಿಕ್ಕೋಡ್ ತಲುಪುತ್ತದೆ ಮತ್ತು 1.40 ಕ್ಕೆ ತನ್ನ ಪ್ರಯಾಣವನ್ನು ಮುಂದುವರಿಸುತ್ತದೆ.