ಶಬರಿಮಲೆಗೆ ತರಿಸಿದ ಜೀರಿಗೆ ಪುಡಿಯಲ್ಲಿ ಕೀಟನಾಶಕ ಅಂಶ ಪತ್ತೆ

                  ಪತ್ತನಂತಿಟ್ಟ: ಪ್ರಸಾದ ತಯಾರಿಗಾಗಿ ಪಂಬಾಕ್ಕೆ ತಂದಿದ್ದ ಜೀರಿಗೆ ಪುಡಿ ಕಳಪೆ ಗುಣಮಟ್ಟದಿಂದ ಕೂಡಿದೆ ಎಂಬ ದೂರು ಕೇಳಿಬಂದಿದೆ.

                  ಆರೋಪದ ಹಿನ್ನೆಲೆಯಲ್ಲಿ ಇವುಗಳನ್ನು ಸನ್ನಿಧಾನಕ್ಕೆ ಸಾಗಿಸುವುದನ್ನು ನಿಲ್ಲಿಸಲಾಗಿದೆ. ಆಹಾರ ಸುರಕ್ಷತಾ ಇಲಾಖೆಯ ವಿಶ್ಲೇಷಣಾತ್ಮಕ ಪ್ರಯೋಗಾಲಯದಲ್ಲಿ ನಡೆಸಿದ ಪರೀಕ್ಷೆಗಳಲ್ಲಿ ಗುಣಮಟ್ಟ ಕಡಿಮೆ ಇರುವುದು ಕಂಡುಬಂದಿದೆ. ಇದರಲ್ಲಿ ಅಲ್ಪ ಪ್ರಮಾಣದ ಕೀಟನಾಶಕವೂ ಇರುವುದು ಪತ್ತೆಯಾಗಿದೆ.

                 ಸನ್ನಿಧಾನಂನಲ್ಲಿ ಇನ್ನೂ ಐದು ದಿನಗಳಿಗಾಗುವಷ್ಟು ಜೀರಿಗೆ ಪುಡಿ ದಾಸ್ತಾನು ಇದೆ. ಆಹಾರ ಸುರಕ್ಷತಾ ಇಲಾಖೆಯು ಪಂಬಾ ಮತ್ತು ಪತ್ತನಂತಿಟ್ಟದಲ್ಲಿ ಗುಣಮಟ್ಟ ನಿಯಂತ್ರಣಕ್ಕಾಗಿ ಪ್ರಯೋಗಾಲಯಗಳನ್ನು ಹೊಂದಿದೆ. ಸನ್ನಿಧಾನದಲ್ಲಿ ಅಪ್ಪಂ ಮತ್ತು ಅರವಣ ಪ್ರಸಾದ ತಯಾರಿಸಲು ಜೀರಿಗೆ ಪುಡಿಯನ್ನು ಬಳಸಲಾಗುತ್ತದೆ. ಕೀಟನಾಶಕ ಮುಕ್ತ ಗುಣಮಟ್ಟದ ಜೀರಿಗೆ ಸಿಗುವುದಿಲ್ಲ ಎಂಬುದು ಗುತ್ತಿಗೆದಾರರ ವಾದ.

            ಕಳೆದ ವರ್ಷ ಆಹಾರ ಸುರಕ್ಷತಾ ಇಲಾಖೆ ಏಲಕ್ಕಿಯಲ್ಲಿ ಕೀಟನಾಶಕ ಅಂಶ ಇರುವುದು ಪತ್ತೆಹಚ್ಚಿತ್ತು.