ಪಾಪ್ಯುಲರ್ ಫ್ರಂಟ್ ಭಯೋತ್ಪಾದನೆ ಪ್ರಕರಣ: ಆರ್‍ಎಸ್‍ಎಸ್ ಮುಖಂಡ ಶ್ರೀನಿವಾಸನ್ ಹತ್ಯೆ ಪ್ರಕರಣದ ಆರೋಪಿ ವಿರುದ್ಧ ಎನ್‍ಐಎ ಚಾರ್ಜ್‍ಶೀಟ್ ಸಲ್ಲಿಕೆ

                   ಕೊಚ್ಚಿ: ಪಾಪ್ಯುಲರ್ ಫ್ರಂಟ್ ಭಯೋತ್ಪಾದನೆ ಪ್ರಕರಣದ ಮತ್ತೊಬ್ಬ ಆರೋಪಿ ವಿರುದ್ಧ ಎನ್‍ಐಎ ಕೊಚ್ಚಿಯ ವಿಶೇಷ ನ್ಯಾಯಾಲಯಕ್ಕೆ ಚಾರ್ಜ್ ಶೀಟ್ ಸಲ್ಲಿಸಿದೆ.

                   ಪಟ್ಟಾಂಬಿ ನಿವಾಸಿ ಕೆವಿ ಜಹೀರ್ ವಿರುದ್ಧ ಕೊಚ್ಚಿ ಎನ್ಐಎ ಚಾರ್ಜ್ ಶೀಟ್ ಸಲ್ಲಿಸಿದೆ. ಈ ಹಿಂದೆ 59 ಆರೋಪಿಗಳ ವಿರುದ್ಧ ದೋಷಾರೋಪ ಪಟ್ಟಿ ಸಲ್ಲಿಸಲಾಗಿತ್ತು.

                  ಪಾಲಕ್ಕಾಡ್‍ನ ಆರ್‍ಎಸ್‍ಎಸ್‍ನ ಮಾಜಿ ಜಿಲ್ಲಾ ಶಾರೀರಿಕ್ ಪ್ರಮುಖ್ ಶ್ರೀನಿವಾಸನ್ ಅವರನ್ನು ಹತ್ಯೆ ಮಾಡಿ ತಲೆಮರೆಸಿಕೊಂಡಿದ್ದ ಆರೋಪಿಯನ್ನು ಎನ್‍ಐಎ ಬಂಧಿಸಿದೆ. ಕೇರಳ ಕೇಂದ್ರಿತ ಭಯೋತ್ಪಾದನಾ ಚಟುವಟಿಕೆಗಳಲ್ಲಿ ಜಹೀರ್ ಪ್ರಮುಖ ಭಾಗಿ ಎಂದು ಎನ್ ಐಎ ಹೇಳಿದೆ. ಕಳೆದ ವರ್ಷ ಸೆಪ್ಟೆಂಬರ್‍ನಲ್ಲಿ ಎನ್‍ಐಎ ಜಹೀರ್ ವಿರುದ್ಧ ದೇಶ ವಿರೋಧಿ ಚಟುವಟಿಕೆಗಳಿಗಾಗಿ ಪ್ರಕರಣ ದಾಖಲಿಸಿತ್ತು. ನಿಷೇಧದ ಭಾಗವಾಗಿ, ಪಾಲಕ್ಕಾಡ್ ಪಾಪ್ಯುಲರ್ ಫ್ರಂಟ್ ಕೇಂದ್ರಗಳಲ್ಲಿ ನಡೆಸಿದ ತಪಾಸಣೆಯ ನಂತರ ಪ್ರಕರಣವನ್ನು ತೆಗೆದುಕೊಳ್ಳಲಾಗಿದೆ.

            ಆದರೆ ಶ್ರೀನಿವಾಸ್ ನನ್ನು ಕೊಂದು ಪರಾರಿಯಾಗಿದ್ದ ಆತನನ್ನು ಎನ್‍ಐಎ ಪತ್ತೆ ಹಚ್ಚಲು ಸಾಧ್ಯವಾಗಿರಲಿಲ್ಲ. ಆದರೆ ಈ ವರ್ಷ ಮಾರ್ಚ್‍ನಲ್ಲಿ  ಎನ್‍ಐಎ ವಿಶೇಷ ತಂಡ ಬಂಧಿಸಿತ್ತು. ಪಾಪ್ಯುಲರ್ ಫ್ರಂಟ್ ನ ಸಕ್ರಿಯ ಸದಸ್ಯನಾಗಿದ್ದ ಜಹೀರ್ , ಶಸ್ತ್ರಾಸ್ತ್ರಗಳ ತರಬೇತಿಯನ್ನೂ ಪಡೆದಿದ್ದ. ಆತನ ವಿರುದ್ಧ ಭಾರತೀಯ ದಂಡ ಸಂಹಿತೆ ಮತ್ತು ಯುಎಪಿಎಯ ವಿವಿಧ ಸೆಕ್ಷನ್‍ಗಳ ಅಡಿಯಲ್ಲಿ ಆರೋಪ ಹೊರಿಸಲಾಗಿತ್ತು. ಏಪ್ರಿಲ್ 16, 2022 ರಂದು ಶ್ರೀನಿವಾಸ್ ಕೃಷ್ಣ ಅವರನ್ನು ಜಹೀರ್ ಸೇರಿದಂತೆ ಭಯೋತ್ಪಾದಕ ಗುಂಪು  ಹತ್ಯೆಗೈದಿತ್ತು.