ಆರಾಧನಾಲಯಗಳಲ್ಲಿ ಸಿಡಿಮದ್ದು ನಿಷೇಧ: ರಾಜ್ಯ ಸರ್ಕಾರದಿಂದ ಮೇಲ್ಮನವಿ

                  ಕೊಚ್ಚಿ: ಆರಾಧನಾಲಯಗಳ ಉತ್ಸವಗಳ ವೇಳೆ ಸಿಡಿಮದ್ದು ಬಳಸುವುದನ್ನು  ನಿಷೇಧಿಸಿದ ಹೈಕೋರ್ಟ್ ಏಕ ಪೀಠದ ತೀರ್ಪಿನ ವಿರುದ್ಧ ರಾಜ್ಯ ಸರ್ಕಾರ ಮೇಲ್ಮನವಿ ಸಲ್ಲಿಸಿದೆ.

              ಈ ಮಧ್ಯಂತರ ಆದೇಶವನ್ನು ರದ್ದುಗೊಳಿಸುವಂತೆ ಕೋರಿ ಸರ್ಕಾರ ಹೈಕೋರ್ಟ್ ಮೆಟ್ಟಿಲೇರಿದೆ.

              ಏಕ ಪೀಠವು ಪರಿಗಣನೆಯ ವ್ಯಾಪ್ತಿಯನ್ನು ಮೀರಿದ ವಿಷಯಗಳನ್ನು ಪರಿಶೀಲಿಸಿದೆ ಎಂದು ಅರ್ಜಿಯಲ್ಲಿ ಸರ್ಕಾರ ಹೇಳುತ್ತದೆ.

             ನ್ಯಾಯಾಲಯದ ಆದೇಶದಲ್ಲಿ ಯಾವುದು ಅಕಾಲಿಕವಾಗಿದೆ ಎಂಬುದು ಸ್ಪಷ್ಟವಾಗಿಲ್ಲ. ವ್ಯಕ್ತಿಗಳು ಅವರು ಬಯಸಿದಂತೆ ಆದೇಶವನ್ನು ಅರ್ಥೈಸುತ್ತಾರೆ. 2005ರಲ್ಲಿ ಸುಪ್ರಿಂ ಕೋರ್ಟ್ ದೇವಾಲಯದ ಉತ್ಸವಕ್ಕೆ ಸಿಡಿಮದ್ದು ಬಳಸುವುದಕ್ಕೆ ಇದ್ದ ನಿಯಂತ್ರಣಕ್ಕೆ ವಿನಾಯಿತಿ ನೀಡಿತ್ತು ಎಂದು ಸರ್ಕಾರ ಅರ್ಜಿಯಲ್ಲಿ ಉಲ್ಲೇಖಿಸಿದೆ. ತ್ರಿಶೂರ್ ಪೂರಂ ಮತ್ತು ಆರಾಟ್ ಪೂರಂ ಗಳಿಗೆ ಸಿಡಿಮದ್ದು ಬಳಸಲು ಸುಪ್ರೀಂ ಕೋರ್ಟ್ ಅನುಮತಿ ನೀಡಿದೆ.

            ಅರ್ಜಿಯ ಅವಶ್ಯಕತೆಗಳನ್ನು ಮೀರಿ ರಾಜ್ಯಾದ್ಯಂತ ಅನ್ವಯವಾಗುವ ಆದೇಶವನ್ನು ನ್ಯಾಯಾಲಯ ಮಾಡಲು ಸಾಧ್ಯವಿಲ್ಲ. ಹೈಕೋರ್ಟ್‍ಗೆ ಸಲ್ಲಿಸಿರುವ ಅರ್ಜಿಯಲ್ಲಿ ಸರ್ಕಾರ ಆದೇಶವನ್ನು ರದ್ದುಗೊಳಿಸುವಂತೆ ಕೋರಿದೆ. ಇಂದು(ಮಂಗಳವಾರ) ಮೇಲ್ಮನವಿ ವಿಚಾರಣೆ ನಡೆಯಲಿದೆ.

             ಮರಾಡ್ ಕೊಟ್ಟಾರಂ ಭಗವತಿ ದೇವಸ್ಥಾನದಲ್ಲಿ ಸಿಡಿಮದ್ದು ಬಳಸುವುದನ್ನು ನಿಷೇಧಿಸುವಂತೆ ಸಲ್ಲಿಸಿದ್ದ ಅರ್ಜಿಯ ವಿಚಾರಣೆ ನಡೆಸಿದ ನ್ಯಾಯಮೂರ್ತಿ ಅಮಿತ್ ರಾವಲ್ ನಿಷೇಧದ ಆದೇಶ ಹೊರಡಿಸಿದ್ದರು.