ತಿರುವನಂತಪುರಂ: ಅತ್ಯಂತ ಕಡಿಮೆ ವೆಚ್ಚದಲ್ಲಿ ರೋಗನಿರ್ಣಯ ಮಾಡಬಹುದು.. ಅದೂ ಒಂದು ನಿಮಿಷದಲ್ಲಿ.. ವರ್ಸಿಕಲ್ ಟೆಕ್ನಾಲಜೀಸ್ ಎಂಬ ಕೇರಳೀಯ ಸ್ಟಾರ್ಟ್‍ಅಪ್ ಕಂಪನಿಯು ಈ ವಿಭಿನ್ನ ಡಿಜಿಟಲ್ ಹೆಲ್ತ್ ಕಿಯೋಸ್ಕ್ ನಿರ್ಮಿಸಿದೆ.
ಪ್ರೊಗ್ನೊಸಿಸ್ ಹೆಸರಿನ ಉಪಕರಣವು ಬಹು ಭಾಷೆಗಳಲ್ಲಿ ಕಾರ್ಯನಿರ್ವಹಿಸುತ್ತದೆ. ಟಚ್ ಸ್ಕ್ರೀನ್ ಮೂಲಕ ರೋಗಿಗಳು ಸೂಚನೆಗಳನ್ನು ಸ್ವೀಕರಿಸುತ್ತಾರೆ. ಮುನ್ಸೂಚನೆ ನೀಡುವ ಎ.ಐ. ತಂತ್ರಜ್ಞಾನದಿಂದ ಇದು ಚಾಲಿತವಾಗಿದೆ.
ಇದು ರಕ್ತದೊತ್ತಡ, ಹೃದಯದ ಆರೋಗ್ಯ, ಇಸಿಜಿ,ದೇಹದ ತೂಕವನ್ನು ಮೇಲ್ವಿಚಾರಣೆ ಮಾಡಬಹುದು. ಎಐ ತಂತ್ರಜ್ಞಾನ ಆಧಾರಿತ ಚಾಟ್‍ಬಾಟ್‍ನ ಸೂಚನೆಗಳ ಪ್ರಕಾರ ರೋಗಿಯು ಮಾಹಿತಿಯನ್ನು ನಮೂದಿಸಬೇಕಾಗುತ್ತದೆ. ಇದು ರೋಗಿಗೆ ಆಸನ ವ್ಯವಸ್ಥೆಯನ್ನು ಸಹ ಒದಗಿಸುತ್ತದೆ. ಒಂದು ನಿಮಿಷದಲ್ಲಿ ರೋಗನಿರ್ಣಯವನ್ನು ಪಡೆಯುವುದಲ್ಲದೆ, ಪ್ರಾಥಮಿಕ ಪರೀಕ್ಷೆಯ ಸಮಯದಲ್ಲಿ ಯಾವುದೇ ರೀತಿಯ ಸಮಸ್ಯೆ ಕಂಡುಬಂದರೆ ರೋಗಿಯನ್ನು ತಕ್ಷಣವೇ ಎಚ್ಚರಿಸಲಾಗುತ್ತದೆ. ಟೆಲಿ-ಹೆಲ್ತ್ ಸಿಸ್ಟಮ್‍ಗೆ ಸಂಪರ್ಕ ಹೊಂದಿರುವುದರಿಂದ, ವೈದ್ಯರನ್ನು ಖುದ್ದಾಗಿ ಭೇಟಿ ಮಾಡದೆಯೇ ಔಷಧಿ ಮತ್ತು ವೈದ್ಯಕೀಯ ಸಲಹೆಯನ್ನು ಪಡೆಯಬಹುದು.
DOCTYPE html>
