ಗಣಿತಮೇಳದಲ್ಲಿ ಧರ್ಮತ್ತಡ್ಕ ಶಾಲೆಗೆ ಚಾಂಪಿಯನ್‍ಶಿಪ್

               ಮಂಜೇಶ್ವರ: ಕುಂಜತ್ತೂರು ಶಾಲೆಯಲ್ಲಿ ನಡೆದ ಮಂಜೇಶ್ವರ ಉಪಜಿಲ್ಲಾ ಮಟ್ಟದ ವಿಜ್ಞಾನೋತ್ಸವದ ಪ್ರೌಢಶಾಲಾ ವಿಭಾಗದ ಗಣಿತ ಮೇಳದಲ್ಲಿ ಧರ್ಮತ್ತಡ್ಕ ಶ್ರೀ ದುರ್ಗಾಪರಮೇಶ್ವರಿ ಹೈಯರ್ ಸೆಕೆಂಡರಿ ಶಾಲೆಯು ಚಾಂಪಿಯನ್‍ಶಿಪ್ ಪಡೆದುಕೊಂಡಿದೆ. ಒಟ್ಟು 9 ಸ್ಪರ್ಧೆಗಳಲ್ಲಿ ಪ್ರಥಮ ಸ್ಥಾನ, 1 ರಲ್ಲಿ ದ್ವಿತೀಯ ಹಾಗೂ 2 ಸ್ಪರ್ಧೆಗಳಲ್ಲಿ ತೃತೀಯ ಸ್ಥಾನವನ್ನು  ಪಡೆದು ಸ್ಪರ್ಧಾಳುಗಳು ಜಿಲ್ಲಾಮಟ್ಟದ ಭಾಗವಹಿಸುವಿಕೆಗೆ ಅರ್ಹತೆಯನ್ನು ಪಡೆದುಕೊಂಡರು. 

             ನಂಬರ್ ಚಾರ್ಟ್ ವಿಭಾಗದಲ್ಲಿ ಮನೋಜ್ಞ ಸಿ. ಎಚ್. ಪ್ರಥಮ, ಜಿಯೋಮೆಟ್ರಿಕಲ್ ಚಾರ್ಟ್ ವಿಭಾಗದಲ್ಲಿ ಡಾನಿಕಾ ಪಹಲ್ ಆರ್. ಪ್ರಥಮ, ಅದರ್ ಚಾರ್ಟ್ ವಿಭಾಗದಲ್ಲಿ ಸಾನ್ವಿ ಎಸ್. ವಿ. ಪ್ರಥಮ, ಅಪ್ಲೈಡ್ ಕನ್ಸ್ಟ್ರಕ್ಷನ್ ವಿಭಾಗದಲ್ಲಿ ಕೀರ್ತನಾ ಪ್ರಥಮ, ಗಣಿತ ಪಜಲ್ ನಲ್ಲಿ ತನುಷ್ ಬಿ. ಶೆಟ್ಟಿ ಪ್ರಥಮ, ಸಿಂಗಲ್ ಪ್ರಾಜೆಕ್ಟ್ ನಲ್ಲಿ ಅಕ್ಷಿತ್ ರಾಮ್ ಕೆ. ಪ್ರಥಮ, ಗ್ರೂಪ್ ಪ್ರಾಜೆಕ್ಟ್ ನಲ್ಲಿ ನವ್ಯಶ್ರೀ ಕೆ. ಹಾಗೂ ಶವ್ಯಶ್ರೀ ಕೆ. ಪ್ರಥಮ , ಸ್ಟಿಲ್ ಮಾಡೆಲ್ ನಲ್ಲಿ ಆತ್ಮಿಕಾ ಪ್ರಥಮ, ವಕಿರ್ಂಗ್ ಮಾಡೆಲ್ ನಲ್ಲಿ ಅನ್ವಿತಾ ಪಿ. ದ್ವಿತೀಯ, ಪ್ಯೂರ್ ಕನ್ಸ್ಟ್ರಕ್ಷನ್‍ನಲ್ಲಿ ದೀಕ್ಷಾ ತೃತೀಯ , ಗೇಮ್ಸ್ ನಲ್ಲಿ ಅಮೃತಾ ಕೆ. ತೃತೀಯ ಸ್ಥಾನವನ್ನು ಪಡೆದುಕೊಂಡಿದ್ದಾರೆ. ಅದರೊಂದಿಗೆ ಟೀಚಿಂಗ್ ಎಯ್ಡ್ ನಲ್ಲಿ ಅಧ್ಯಾಪಕ ರಕ್ಷಿತ್ ಕುಮಾರ್ ಎಂ. ಪ್ರಥಮ ಸ್ಥಾನವನ್ನು ಪಡೆದು ಜಿಲ್ಲಾ ಮಟ್ಟಕ್ಕೆ ಅರ್ಹತೆಯನ್ನು ಪಡೆದುಕೊಂಡರು. ಸ್ಪರ್ಧಾಳುಗಳ ಸಾಧನೆಗೆ ಹಾಗೂ ಸಹಕರಿಸಿದ ಗಣಿತ ಅಧ್ಯಾಪಕ ವೃಂದಕ್ಕೆ ವ್ಯವಸ್ಥಾಪಕರು, ರಕ್ಷಕ-ಶಿಕ್ಷಕ ಸಂಘ ಹಾಗೂ ಮುಖ್ಯೋಪಾಧ್ಯಾಯರು ಅಭಿನಂದನೆಯನ್ನು ಸಲ್ಲಿಸಿದ್ದಾರೆ.