ಸರ್ಕಾರದ ನಿರಾಸಕ್ತಿ ಮತ್ತು ದುರಾಡಳಿತ: ಸಾವಿನ ಅಂಚಿನಲ್ಲಿ ಲೈಫ್ ಮಿಷನ್ ಯೋಜನೆ: ಬಹಿರಂಗಪಡಿಸಿದ ಮಾಜಿ ಸಂಯೋಜಕ ಚೆರಿಯನ್ ಫಿಲಿಪ್

                       ತಿರುವನಂತಪುರಂ: ಕೇರಳ ಸರ್ಕಾರದ ನಿರ್ಲಕ್ಷ್ಯ ಮತ್ತು ದುರಾಡಳಿತದಿಂದ ಲೈಫ್ ಮಿಷನ್ ವಸತಿ ಯೋಜನೆ ಅವಸಾನದ ಅಂಚಿನಲ್ಲಿದೆ ಎಂದು ಮಿಷನ್‍ನ ಮಾಜಿ ಸಂಯೋಜಕ ಚೆರಿಯನ್ ಫಿಲಿಪ್ ಹೇಳಿದ್ದಾರೆ.

                          ಚೆರಿಯನ್ ಫಿಲಿಪ್ ಅವರು ಫೇಸ್‍ಬುಕ್ ಪೋಸ್ಟ್ ಮೂಲಕ ಲೈಫ್ ಯೋಜನೆಯ ಸ್ಥಿತಿಯ ಬಗ್ಗೆ ಬಹಿರಂಗಪಡಿಸಿದ್ದಾರೆ. ಕೇರಳದಲ್ಲಿ 7 ಲಕ್ಷ ಕುಟುಂಬಗಳು ವಸತಿ ರಹಿತರಿದ್ದರೂ ಹೊಸ ಫಲಾನುಭವಿ ಪಟ್ಟಿಯಲ್ಲಿ 4.6 ಲಕ್ಷ ಮಂದಿ ಮಾತ್ರ ಇದ್ದಾರೆ ಎಂದು ಸ್ಪಷ್ಟಪಡಿಸಿದರು.

ಫೇಸ್ ಬುಕ್ ಪೋಸ್ಟ್ ಹೀಗಿದೆ..;

'ಲೈಫ್ ಮಿಷನ್

ಸಾವಿನ ಅಂಚಿನಲ್ಲಿ:

ಚೆರಿಯನ್ ಫಿಲಿಪ್

                   ಕೇರಳ ಸರ್ಕಾರದ ಕನಸಿನ ಯೋಜನೆಯಾದ ಲೈಫ್ ಮಿಷನ್ ಭವನ ಯೋಜನೆ ಸರ್ಕಾರದ ನಿರಾಸಕ್ತಿ ಮತ್ತು ದುರಾಡಳಿತದಿಂದ ಅವಸಾನದ ಅಂಚಿನಲ್ಲಿದೆ.

                     ಕೇರಳದಲ್ಲಿ ಏಳು ಲಕ್ಷ ಕುಟುಂಬಗಳು ನಿರಾಶ್ರಿತರಾಗಿದ್ದರೂ, ಹೊಸ ಫಲಾನುಭವಿಗಳ ಪಟ್ಟಿಯಲ್ಲಿ ಕೇವಲ 4.6 ಲಕ್ಷ ಮಂದಿ ಇದ್ದಾರೆ. ಸುಮಾರು ಒಂದೂವರೆ ಲಕ್ಷ ಮಂದಿ ಮೊದಲ ಕಂತಿನ 40 ಸಾವಿರ ರೂ.ಲಭಿಸಿರುವುದು. ಅಡಿಪಾಯ ಕಟ್ಟಿದ ಕೆಲವರಿಗೆ ಮಾತ್ರ ಎರಡನೇ ಕಂತು ಒಂದು ಲಕ್ಷ ಲಭಿಸಿದೆ.

                          ಲೈಫ್ ಹೋಮ್ಸ್ ಗೆ ನೀಡುವ 4 ಲಕ್ಷ ರೂ.ಗಳಲ್ಲಿ ಅರ್ಧದಷ್ಟು ಹಣವನ್ನು ಸ್ಥಳೀಯ ಸಂಸ್ಥೆಗಳು ಭರಿಸಬೇಕಿದೆ.

                    ಬಹುತೇಕ ಕಡೆಗಳಲ್ಲಿ ಆದಾಯ ಕುಸಿದಿರುವುದರಿಂದ ನಗರಸಭೆ, ಪಂಚಾಯಿತಿಗಳಿಗೆ ಹಣ ಪಾವತಿಸಲು ಸಾಧ್ಯವಾಗುತ್ತಿಲ್ಲ. ಹುಡ್ಕೊದಿಂದ ಸಾಲ ಪಡೆದು ಸರ್ಕಾರದ ಪಾಲನ್ನು ಪಾವತಿಸಲಾಗುತ್ತದೆ. ಹಿಂದಿನ ಸರ್ಕಾರದ ಯಾವುದೇ ಸಾಲವನ್ನು ಮರುಪಾವತಿ ಮಾಡದ ಹುಡ್ಕೋ ಹೊಸ ಸಾಲ ನೀಡಲು ಹಿಂದೇಟು ಹಾಕುತ್ತಿದೆ. ನಿರ್ಮಾಣ ವೆಚ್ಚದಲ್ಲಿ ಭಾರಿ ಏರಿಕೆಯಾಗಿರುವುದರಿಂದ ಈ ಹಿಂದೆ 4 ಲಕ್ಷ ರೂ.ಗೆ ಅಂದಾಜಿಸಲಾಗಿದ್ದ ಮನೆಗಳನ್ನು ಪೂರ್ಣಗೊಳಿಸಲು ಈಗ 6 ಲಕ್ಷ ರೂ.ಗೂ ಹೆಚ್ಚು ಹಣ ಬೇಕಾಗುತ್ತದೆ.

                ಹಿಂದಿನ ಸರ್ಕಾರದ ಅವಧಿಯಲ್ಲಿ ಪೂರ್ಣಗೊಂಡ ಮೂರು ಲಕ್ಷ ಮನೆಗಳ ಪೈಕಿ ಸುಮಾರು ಒಂದೂವರೆ ಲಕ್ಷ ಮನೆಗಳಿಗೆ ಕೇಂದ್ರ ಸರ್ಕಾರದಿಂದ ನೆರವು ಸಿಕ್ಕಿದೆ. ಯುಡಿಎಫ್ ಸರ್ಕಾರದ ಅವಧಿಯಲ್ಲಿ ಸುಮಾರು 50,000 ಮನೆಗಳನ್ನು ಪ್ರಾರಂಭಿಸಲಾಯಿತು ಮತ್ತು ಭಾಗಶಃ ಪೂರ್ಣಗೊಳಿಸಲಾಯಿತು. ಮೀನು ಕಾರ್ಮಿಕರು, ಪರಿಶಿಷ್ಟ ಜಾತಿ ಮತ್ತು ಪರಿಶಿಷ್ಟ ಪಂಗಡಗಳ ವಸತಿ ಯೋಜನೆಗಳನ್ನು ಸಹ ಲೈಫ್ ಯೋಜನೆಯ ಬ್ಯಾನರ್ ಅಡಿಯಲ್ಲಿ ಸೇರಿಸಲಾಗಿದೆ.' ಎಂದು ಚೆರಿಯನ್ ಫಿಲಿಪ್ ಬಯಲುಗೊಳಿಸಿದ್ದಾರೆ.