1.15 ಕೋಟಿ ಪಿಂಚಣಿದಾರರಿಗೆ ಡಿಜಿಟಲ್ ರೂಪದ ಜೀವಿತ ಪ್ರಮಾಣಪತ್ರ

              ನವದೆಹಲಿ: ದೇಶದಾದ್ಯಂತ ಈಚೆಗೆ ನಡೆದ ವಿಶೇಷ ಆಂದೋಲನದಲ್ಲಿ ಒಟ್ಟು 1.15 ಕೋಟಿ ಪಿಂಚಣಿದಾರರಿಗೆ ಡಿಜಿಟಲ್ ರೂಪದ ಜೀವಿತ ಪ್ರಮಾಣಪತ್ರಗಳನ್ನು ನೀಡಲಾಗಿದೆ ಎಂದು ಕೇಂದ್ರ ಸರ್ಕಾರ ಶುಕ್ರವಾರ ತಿಳಿಸಿದೆ.

                ಡಿಜಿಟಲ್ ರೂಪದಲ್ಲಿ ಜೀವಿತ ಪ್ರಮಾಣಪತ್ರ ನೀಡುವ ಆಂದೋಲನ-2 ಯಶಸ್ವಿಯಾಗಿರುವುದಕ್ಕೆ ಸಿಬ್ಬಂದಿ, ಸಾರ್ವಜನಿಕರ ಕುಂದುಕೊರತೆ ಹಾಗೂ ಪಿಂಚಣಿ ಸಚಿವ ಜಿತೇಂದ್ರ ಸಿಂಗ್ ಅವರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

                  ದೇಶದ 100 ನಗರಗಳ 597 ಕಡೆಗಳಲ್ಲಿ ಈ ಆಂದೋಲನವನ್ನು ಹಮ್ಮಿಕೊಳ್ಳಲಾಗಿತ್ತು. ಈ ವೇಳೆ 38.47 ಲಕ್ಷ ಕೇಂದ್ರ ಸರ್ಕಾರಿ ಮತ್ತು 16.15 ಲಕ್ಷ ರಾಜ್ಯ ಸರ್ಕಾರಿ ಪಿಂಚಣಿದಾರರು ಮತ್ತು 50.91 ಲಕ್ಷ ಮಂದಿ ಇಪಿಎಫ್‌ಒ ಪಿಂಚಣಿದಾರರು ಸೇರಿದಂತೆ ಒಟ್ಟಾರೆ 1.15 ಕೋಟಿ ಪಿಂಚಣಿದಾರರು ಪ್ರಮಾಣಪತ್ರವನ್ನು ಪಡೆದಿದ್ದಾರೆ ಎಂದರು.