200 ರೂ. ನೀಡಿದರೆ ದೃಷ್ಟಿದೋಷವಿಲ್ಲ ಎಂಬ ಪ್ರಮಾಣಪತ್ರ: ಸರಿಯಾದ ವ್ಯವಸ್ಥೆಗಳ ಕೊರತೆಯಿಂದ ಪರವಾನಿಗೆಯಲ್ಲಿ ಗಂಭೀರ ಸಮಸ್ಯೆ

                 ಕಣ್ಣೂರು: ಚಾಲನಾ ಪರವಾನಗಿ ಪರೀಕ್ಷೆಗಳು ಹೆಚ್ಚು ಕಠಿಣಗೊಳ್ಳುತ್ತಿರುವ ಮಧ್ಯೆ ದೃಷ್ಟಿ ಪರೀಕ್ಷೆಗೆ ಸಂಬಂಧಿಸಿದಂತೆ ಎಂವಿಡಿ ಸಾಕಷ್ಟು ಕ್ರಮಗಳನ್ನು ತೆಗೆದುಕೊಳ್ಳುತ್ತಿಲ್ಲ.

                 ಇದರಿಂದ ಉಂಟಾಗುವ ಸಮಸ್ಯೆಗಳೂ ದೊಡ್ಡದಾಗಿದೆ. ದೃಷ್ಟಿ ಪರೀಕ್ಷೆಗೆ ಸಂಬಂಧಿಸಿದಂತೆ ಸರ್ಕಾರದ ಮಟ್ಟದಲ್ಲಿ ಏಜೆನ್ಸಿ ವ್ಯವಸ್ಥೆ ರೂಪಿಸಬೇಕೆಂಬ ಆಗ್ರಹ ಬಲವಾಗಿದೆ.

                      ದೃಷ್ಟಿ ವಿಕಲಚೇತನರು ಸೇರಿದಂತೆ 200 ರೂಪಾಯಿ ಶುಲ್ಕ ಪಾವತಿಸಿ ಸಂಬಂಧಿಸಿದ ಪ್ರಮಾಣ ಪತ್ರ ಪಡೆಯುವ ಪರಿಸ್ಥಿತಿ ಇದೆ. ಸರಿಯಾದ ಪರೀಕ್ಷಾ ವಿಧಾನವನ್ನು ಅನುಸರಿಸಲು ವಿಫಲವಾದ ವೈದ್ಯರ ವರದಿಯ ಕಾರಣ ಅನೇಕ ರಸ್ತೆ ಅಪಘಾತಗಳಿಗೆ ಕಾರಣವಾಗುತ್ತದೆ. ಸದ್ಯ ದೃಷ್ಟಿ ತಪಾಸಣೆಗೆ ವೈದ್ಯರ ಬಳಿ ಹೋದರೆ ಪರದೆಯ ಮೇಲಿರುವ ಅಕ್ಷರಗಳನ್ನು ಓದಿ ಪ್ರಮಾಣ ಪತ್ರ ಪಡೆಯಬಹುದಾಗಿದೆ. ಈ ಪರೀಕ್ಷೆಯಿಂದ ಬಣ್ಣ ಕುರುಡುತನದಂತಹ ಸಮಸ್ಯೆಗಳನ್ನು ಪತ್ತೆಹಚ್ಚಲು ಸಾಧ್ಯವಿಲ್ಲ.

                  ಬಣ್ಣ ಕುರುಡುತನವು ದೃಷ್ಟಿಹೀನತೆಯನ್ನು ಸೂಚಿಸುತ್ತದೆ. ಮುಖ್ಯ ಸಮಸ್ಯೆಯೆಂದರೆ ಎಲ್ಲಾ ಬಣ್ಣಗಳನ್ನು ಸ್ಪಷ್ಟವಾಗಿ ಗುರುತಿಸಲಾಗುವುದಿಲ್ಲ. ಹಸಿರು, ಹಳದಿ ಅಥವಾ ಕೆಂಪು ಬಣ್ಣವನ್ನು ನೋಡಲು ಸಾಧ್ಯವಾಗದ ಜನರನ್ನು ಸಂಪೂರ್ಣವಾಗಿ ಬಣ್ಣ ಕುರುಡು ಎಂದು ಪರಿಗಣಿಸಲಾಗುತ್ತದೆ. ಇನ್ನೊಂದು ಸಮಸ್ಯೆ ಎಂದರೆ ಕಿತ್ತಳೆ ಮತ್ತು ಕಂದು ಬಣ್ಣಗಳನ್ನು ಕೆಂಪು ಬಣ್ಣದಲ್ಲಿ ಕಾಣಲಾಗುತ್ತದೆ. ಇತರರಿಗೆ, ಹಸಿರು, ಹಳದಿ ಮತ್ತು ಕೆಂಪು ಬಣ್ಣಗಳು ಪರಸ್ಪರ ಬೇರೆಬೇರೆಯಾಗಿ ಕಂಡರೆ ಇವರಿಗಿದು ಒಂದೇ ಆಗಿ ಕಾಣಿಸುತ್ತದೆ. ಇಂತಹ ಜನರನ್ನು ಭಾಗಶಃ ಬಣ್ಣ ಕುರುಡು ಎಂದು ಪರಿಗಣಿಸಲಾಗುತ್ತದೆ.

                 ಬಣ್ಣ ಕುರುಡುತನದಿಂದಾಗಿ, ಟ್ರಾಫಿಕ್ ಸಿಗ್ನಲ್‍ಗಳಲ್ಲಿನ ಬಣ್ಣಗಳನ್ನು ಗುರುತಿಸಲು ಸಾಧ್ಯವಾಗದೆ ದೊಡ್ಡ ಅಪಘಾತಗಳಿಗೆ ಕಾರಣವಾಗಬಹುದು. 10 ಪ್ರತಿಶತ ಅಪಘಾತಗಳು ಟ್ರಾಫಿಕ್ ಸಿಗ್ನಲ್‍ಗಳನ್ನು ತಪ್ಪಾಗಿ ಗುರುತಿಸುವುದರಿಂದ ಸಂಭವಿಸುತ್ತವೆ ಎಂದು ಅಧಿಕಾರಿಗಳು ಸೂಚಿಸುತ್ತಾರೆ.