ತಿರುವನಂತಪುರದಲ್ಲಿ 28ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ ಆರಂಭ

                   ತಿರುವನಂತಪುರಂ: ಕೇರಳದ 28ನೇ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ ಶುಕ್ರವಾರ ತಿರುವನಂತಪುರಂನ ನಿಶಾಗಂಧಿ ಆಡಿಟೋರಿಯಂನಲ್ಲಿ ವರ್ಣರಂಜಿತ ಉದ್ಘಾಟನಾ ಸಮಾರಂಭದೊಂದಿಗೆ ಪ್ರಾರಂಭವಾಯಿತು.

            ಕಾರ್ಯಕ್ರಮಕ್ಕೆ ಹಾಜರಾಗಲು ಸಾಧ್ಯವಾಗದ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರು ಪೂರ್ವ ರೆಕಾರ್ಡ್ ಮಾಡಿದ ವೀಡಿಯೊದಲ್ಲಿ ಸಮಾರಂಭವನ್ನು ಉದ್ದೇಶಿಸಿ ಮಾತನಾಡಿದರು. ಪ್ಯಾಲೆಸ್ತೀನ್‍ಗೆ ಬೆಂಬಲ ವ್ಯಕ್ತಪಡಿಸಲು ಐ.ಎಫ್.ಎಫ್.ಕೆ. ದೇಶದ ಮೊದಲ ಚಲನಚಿತ್ರೋತ್ಸವವಾಗಲಿದೆ ಎಂದು ಮುಖ್ಯಮಂತ್ರಿ ಹೇಳಿದರು. ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ನಟ ನಾನಾ ಪಾಟೇಕರ್ ಅವರು ದೀಪ ಬೆಳಗಿಸುವ ಮೂಲಕ ಉತ್ಸವಕ್ಕೆ ಚಾಲನೆ ನೀಡಿದರು.

              ಪೂರ್ವ ರೆಕಾರ್ಡ್ ಮಾಡಿದ ವೀಡಿಯೊದಲ್ಲಿ ಸಮಾರಂಭವನ್ನು ಉದ್ದೇಶಿಸಿ ಮಾತನಾಡಿದ ಸಂಸ್ಕೃತಿ ಸಚಿವ ಸಾಜಿ ಚೆರಿಯನ್ ಮಾತನಾಡಿ, ಶೀಘ್ರದಲ್ಲೇ ಕ್ಯೂಬಾದಲ್ಲಿ ಮಲಯಾಳಂ ಚಲನಚಿತ್ರೋತ್ಸವವನ್ನು ನಡೆಸಲು ಮಾತುಕತೆ ನಡೆಯುತ್ತಿದೆ ಎಂದು ಅವರು ಹೇಳಿದರು. ಮೇಯರ್ ಆರ್ಯ ರಾಜೇಂದ್ರನ್ ಅವರು ಕೀನ್ಯಾದ ನಿರ್ದೇಶಕ ವನೂರಿ ಕಹಿಯು ಅವರಿಗೆ ಸ್ಪಿರಿಟ್ ಆಫ್ ಸಿನಿಮಾ ಪ್ರಶಸ್ತಿಯನ್ನು ಪ್ರದಾನ ಮಾಡಿದರು. ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದ ವನೂರಿ ಕಹಿಯು ಸಿನಿಮಾ ಪ್ರೀತಿ ಮತ್ತು ಜೀವನದ ಭಾಷೆಯಾದ ಬಗ್ಗೆ ವಿವರಿಸಿದರು.

               ಶಾಸಕ ವಿ ಕೆ ಪ್ರಶಾಂತ್, ಜಿಲ್ಲಾ ಪಂಚಾಯಿತಿ ಅಧ್ಯಕ್ಷ ಡಿ ಸುರೇಶ್ ಕುಮಾರ್, ಪೆÇೀರ್ಚುಗೀಸ್ ನಿರ್ದೇಶಕಿ ರೀಟಾ ಅಸೆವೆಡೊ ಗೊಮೆಜ್, ಲ್ಯಾಟಿನ್ ಅಮೆರಿಕದ ಪ್ಯಾಕೇಜ್ ಕ್ಯೂರೇಟರ್ ಫೆರ್ನಾಂಡೊ ಬ್ರನ್ನರ್, ಸೌಂಡ್ ಡಿಸೈನರ್ ರಸೂಲ್ ಪೂಕುಟ್ಟಿ, ಕೇರಳ ರಾಜ್ಯ ಚಲನಚಿತ್ರ ಅಕಾಡೆಮಿ ಅಧ್ಯಕ್ಷ ರಂಜಿತ್, ಸಾಂಸ್ಕೃತಿಕ ಕಾರ್ಯಕರ್ತರ ಕಲ್ಯಾಣ ಮಂಡಳಿ ಅಧ್ಯಕ್ಷ ಮಧುಪಾಲ್, ಸಂಸ್ಕೃತಿ ಇಲಾಖೆ ಕಾರ್ಯದರ್ಶಿ ಮಿನಿ ಆಂಟನಿ ಉದ್ಘಾಟನಾ ಸಮಾರಂಭದಲ್ಲಿ ಭಾಗವಹಿಸಿದ್ದರು. 

            ಮೊದಲ ದಿನದಂದು, ಮೊಹಮ್ಮದ್ ಕೊರ್ಡೊಫಾನಿ ನಿರ್ದೇಶಿಸಿದ ಸುಡಾನ್ ಚಲನಚಿತ್ರವಾದ  ಗುಡ್ ಬೈ ಜೂಲಿಯಾ ಸೇರಿದಂತೆ 11 ಚಲನಚಿತ್ರಗಳನ್ನು ಪ್ರದರ್ಶಿಸಲಾಯಿತು. ಇದು ಕ್ಯಾನೆಸ್ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶನಗೊಂಡ ಮೊದಲ ಸುಡಾನ್ ಚಲನಚಿತ್ರವಾಗಿದೆ, ಅಲ್ಲಿ ಈ ಚಿತ್ರ ಪ್ರಿಕ್ಸ್ ಡಿ ಲಾ ಲಿಬರ್ಟೆ (ಫ್ರೀಡಮ್ ಅವಾರ್ಡ್) ಗೆದ್ದಿದೆ.

           ಸಿಪಿಐ ನಾಯಕ ಕಾನಂ ರಾಜೇಂದ್ರನ್ ಅವರ ನಿಧನದ ಹಿನ್ನೆಲೆಯಲ್ಲಿ ಐಎಫ್‍ಎಫ್‍ಕೆ ಉದ್ಘಾಟನಾ ಸಮಾರಂಭಕ್ಕೆ ಸಂಬಂಧಿಸಿದಂತೆ ಆಯೋಜಿಸಲಾಗಿದ್ದ ಸಂಗೀತ ಕಾರ್ಯಕ್ರಮವನ್ನು ಏಕಾಏಕಿ ಸ್ಥಗಿತಗೊಳಿಸಲಾಯಿತು. ನಿಧನಕ್ಕೆ ಚಲನಚಿತ್ರ ಅಕಾಡೆಮಿ ಕಾರ್ಯದರ್ಶಿ ಸಂತಾಪ ಹಂಚಿಕೊಂಡರು.