ಉತ್ತರ ಪ್ರದೇಶ | 3 ವರ್ಷದ ಮಗನೊಂದಿಗೆ ಚಲಿಸುವ ರೈಲಿಗೆ ಹಾರಿ ಮಹಿಳೆ ಆತ್ಮಹತ್ಯೆ

                ಬಲ್ಲಿಯಾ: ಮಹಿಳೆಯೊಬ್ಬರು ತನ್ನ 3 ವರ್ಷದ ಮಗನೊಂದಿಗೆ ಸೋಮವಾರ ಚಲಿಸುತ್ತಿದ್ದ ರೈಲಿಗೆ ಹಾರಿ ಮೃತಪಟ್ಟಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

             ವಾರಣಾಸಿ-ಗೋರಖ್‌ಪುರ ರೈಲು ವಿಭಾಗ ಉಭಾನ್ ಗ್ರಾಮದ ಬಳಿ, ರಿಂಕು ದೇವಿ (28) ತನ್ನ ಮಗ ಆದಿತ್ಯನನ್ನು ಹಿಡಿದುಕೊಂಡು ಎದುರಿನಿಂದ ಬರುತ್ತಿದ್ದ ರೈಲಿಗೆ ಹಾರಿದ್ದಾರೆ.

                ಇದು ಆತ್ಮಹತ್ಯೆ ಪ್ರಕರಣ ಎಂದು ದಾಖಲಿಸಿಕೊಳ್ಳಲಾಗಿದೆ ಎಂದು ಉಪ ಪೊಲೀಸ್ ವರಿಷ್ಠಾಧಿಕಾರಿ ಮೊಹಮ್ಮದ್ ಫಹೀಮ್ ಖುರೇಷಿ ತಿಳಿಸಿದ್ದಾರೆ.

                  ಕೌಟುಂಬಿಕ ಕಲಹದಿಂದ ಬೇಸತ್ತು ಆತ್ಮಹತ್ಯೆ ಮಾಡಿಕೊಂಡಿರುವ ಸಾಧ್ಯತೆ ಇದೆ ಎಂದು ಮೇಲ್ನೋಟಕ್ಕೆ ಕಂಡುಬಂದಿದೆ. ಪ್ರಕರಣ ಕುರಿತು ತನಿಖೆ ಪ್ರಗತಿಯಲ್ಲಿದೆ ಎಂದು ಡಿಎಸ್‌ಪಿ ತಿಳಿಸಿದ್ಧಾರೆ.