ಪಾಲಕ್ಕಾಡ್: ಮಾಜಿ ವಿದ್ಯುತ್ ಸಚಿವ ಎಂ.ಎಂ. ಮಣಿಯನ್ನು ಫೇಸ್ ಬುಕ್ ಪೋಸ್ಟ್ ಮೂಲಕ ಟೀಕಿಸಿದ್ದಕ್ಕೆ ಸರ್ಕಾರಿ ಸೇವೆ ಮತ್ತು ನಿವೃತ್ತರ ಪಿಂಚಣಿಯಿಂದ 500 ರೂ.ವಸೂಲು ಮಾಡಲಾಗಿದೆ.
ಪಾಲಕ್ಕಾಡ್ ಶಿಕ್ಷಣ ಉಪಜಿಲ್ಲಾ ಕಚೇರಿಯಲ್ಲಿ ಮಾಜಿ ಆಪ್ತ ಸಹಾಯಕ ಮೊಹಮ್ಮದಾಲಿ ಅವರ ಪಿಂಚಣಿ ಮೊತ್ತದಿಂದ 500 ರೂ.ಗಳನ್ನು ಕಡಿತಗೊಳಿಸಲು ಸರ್ಕಾರ ನಿರ್ಧರಿಸಿದೆ. ಮುಹಮ್ಮದಲಿ ಎನ್‍ಜಿಒ ಯೂನಿಯನ್‍ನ ಸದಸ್ಯರೂ ಆಗಿದ್ದರು.
ನಿವೃತ್ತರಾದ ನಂತರ ಮುಹಮ್ಮದಾಲಿ ಅವರು ಪಾಲಕ್ಕಾಡ್ ಉಪಜಿಲ್ಲಾ ಶಿಕ್ಷಣ ಇಲಾಖೆ ಕಚೇರಿಯಲ್ಲಿ ಹಿರಿಯ ಅಧೀಕ್ಷಕರಾಗಿದ್ದಾಗ ಹಂಚಿಕೊಂಡ ಪೋಸ್ಟ್‍ಗಳು ಮಹಮ್ಮದಾಲಿ ಅವರನ್ನು ಇಕ್ಕಟ್ಟಿಗೆ ಸಿಲುಕಿಸಿದವು. ಎಂ.ಎಂ ಮಣಿ ಮತ್ತು ಅಂದಿನ ಸ್ಪೀಕರ್ ಶ್ರೀರಾಮಕೃಷ್ಣನ್ ವಿರುದ್ಧ ಅವರ ವಿಮರ್ಶೆ ಇತ್ತು. ಮಣಿ ಅವರ ನಗು ಮತ್ತು ಶ್ರೀರಾಮಕೃಷ್ಣನ್ ಕನ್ನಡಕ ಖರೀದಿಯ ವಿರುದ್ಧ ಪೋಸ್ಟ್ ಅನ್ನು ಹಂಚಿಕೊಳ್ಳಲಾಗಿತ್ತು. ಎನ್ ಜಿಒ ಯೂನಿಯನ್ ಸದಸ್ಯರೂ ಆಗಿರುವ ಮೊಹಮ್ಮದಾಲಿ ಬರಹದ ವಿರುದ್ಧ ಪೋಲೀಸ್ ಹಾಗೂ ಇಲಾಖೆಯಲ್ಲಿ ದೂರು ದಾಖಲಾಗಿತ್ತು. ಆಗ ಮುಹಮ್ಮದಲಿ ತಪೆÇ್ಪಪ್ಪಿಕೊಂಡು 3000 ರೂ.ದಂಡ ಪಾವತಿಸಿದ್ದರು.
ಇದರೊಂದಿಗೆ ಎಲ್ಲ ಸಮಸ್ಯೆಗಳು ಮುಗಿದು ಹೋಯ್ತು ಎಂದುಕೊಳ್ಳಲಾಗಿತ್ತು. ಅದು ವ್ಯರ್ಥವಾಯಿತು. ಮುಹಮ್ಮದಲಿ 2021 ರಲ್ಲಿ ಸೇವೆಯಿಂದ ನಿವೃತ್ತರಾದರು. ನಂತರ ಇಲಾಖಾ ತನಿಖೆ ಮುಂದುವರೆಯಿತು. ಸಾರ್ವಜನಿಕ ಶಿಕ್ಷಣ ಇಲಾಖೆ ಉಪ ಕಾರ್ಯದರ್ಶಿ ನಡೆಸಿದ ವಿಚಾರಣೆಯಲ್ಲಿ ಮುಹಮ್ಮದಲಿ ಕ್ಷಮೆಯಾಚಿಸಿ ವಿವರಣೆ ನೀಡಿದರು. ಈ ತಪ್ಪು ಗಂಭೀರ ಸ್ವರೂಪದ್ದಾಗಿರಲಿಲ್ಲ ಎಂಬುದು ಇಲಾಖಾ ತನಿಖೆಯಿಂದ ತಿಳಿದುಬಂದಿತ್ತು.
ಆದರೆ ನಂತರ ನೀತಿ ಸಂಹಿತೆ ಬಾಧಿತವಾಗಿದೆ ಎಂದು ಸರ್ಕಾರ ಪಿಂಚಣಿ ಮೊತ್ತದಿಂದ ಮಾಸಿಕ 500 ರೂ.ಗಳನ್ನು ಕಡಿತಗೊಳಿಸಿ ಆದೇಶ ಹೊರಡಿಸಿತ್ತು. ಮುಹಮ್ಮದಲಿ 36 ವರ್ಷಗಳ ಸೇವೆಯನ್ನು ಹೊಂದಿದ್ದಾರೆ. ಘಟನೆ ಬಗ್ಗೆ ಪ್ರತಿಕ್ರಿಯಿಸಲು ಏನೂ ಇಲ್ಲ ಎಂಬುದು ಮೊಹಮ್ಮದಾಲಿ ಅವರ ನಿಲುವು.
DOCTYPE html>
.jpg)
