ಶಬರಿಮಲೆಯಲ್ಲಿ ಜಾರಿಗೆ ತಂದ ತಿರುಪತಿ ಮಾದರಿ ಸರತಿ ವ್ಯವಸ್ಥೆ ಯಶಸ್ವಿ: ದೈವಸ್ವಂ

               ಶಬರಿಮಲೆ: ಭಕ್ತರ ಸಂಖ್ಯೆ ಕ್ಷಿಪ್ರಗತಿಯಲ್ಲಿ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ಶಬರಿಮಲೆಯಲ್ಲಿ ನಾಲ್ಕು ಗಂಟೆಗಳ ಕಾಲ ತಿರುಪತಿ ಮಾದರಿ ಸರತಿ ಸಾಲು ವ್ಯವಸ್ಥೆ ಜಾರಿಗೊಳಿಸಲಾಗಿದ್ದು, ಮರಕ್ಕೂಟ್ಟಂ ಮತ್ತು ಸರಂಕುತ್ತಿ ನಡುವಿನ ಆರು ಸರತಿ ಸಾಲಿನಲ್ಲಿ ನೂತನ ಸರತಿ ಸಾಲು ವ್ಯವಸ್ಥೆ ಕಲ್ಪಿಸಲಾಗಿದೆ.

            ಈ ಸಂಕೀರ್ಣಗಳಿಗೆ ಆಗಮಿಸುವ ಯಾತ್ರಾರ್ಥಿಗಳನ್ನು ಸನ್ನಿಧಾನ ಸೂಚನೆಯಂತೆ ಮಾತ್ರ ಅನುಮತಿಸಲಾಗುವುದು. ಈ ಪ್ರಯೋಗ ಯಶಸ್ವಿಯಾಗಿದ್ದು, ಜನಸಂದಣಿಯನ್ನು ಹೆಚ್ಚಿನ ಪ್ರಮಾಣದಲ್ಲಿ ನಿಯಂತ್ರಿಸಲು ನೆರವಾಗಿದೆ ಎಂದು ದೇವಸ್ವಂ ಅಧಿಕಾರಿಗಳು ತಿಳಿಸಿದ್ದಾರೆ.

             ಪ್ರತಿದಿನ 85,000 ಕ್ಕೂ ಹೆಚ್ಚು ಜನರು ದರ್ಶನಕ್ಕಾಗಿ ಆನ್‍ಲೈನ್‍ನಲ್ಲಿ  ಬುಕ್ ಮಾಡುತ್ತಿದ್ದಾರೆ. ಕಳೆದ ಮೂರು ದಿನಗಳಿಂದ ಪ್ರತಿದಿನ ಸುಮಾರು 80 ಸಾವಿರ ಜನರು ಸನ್ನಿಧಾನಕ್ಕೆ ಆಗಮಿಸಿ ಅಯ್ಯಪ್ಪನ ದರ್ಶನ ಪಡೆದರು.

            ವೈಕುಂಟಂ ಕ್ಯೂ ಕಾಂಪ್ಲೆಕ್ಸ್ 1970 ರ ದಶಕದಲ್ಲಿ ಅಸ್ತಿತ್ವಕ್ಕೆ ಬಂದಿತು, ತಿರುಪತಿ ದೇವಸ್ಥಾನದ ಹೊರಗೆ ಭಕ್ತರ ಉದ್ದನೆಯ ಸರತಿ ಸಾಲುಗಳನ್ನು ಅನುಸರಿಸಿ ಇಲ್ಲೂ ಈ ಕ್ಯೂ ಕಾಂಪ್ಲೆಕ್ಸ್‍ಗಳು ಒಂದೇ ಬಾರಿಗೆ 14,000 ಜನರಿಗೆ ಅವಕಾಶ ಕಲ್ಪಿಸುತ್ತದೆ. ಸರತಿ ಸಾಲಿನಲ್ಲಿ ಬರುವ ಭಕ್ತರಿಗೆ ಮೂಲಭೂತ ಸೌಕರ್ಯಗಳಿದ್ದು, ಒಳಗೆ ವಿಶ್ರಾಂತಿ ಪಡೆಯಲೂ ವ್ಯವಸ್ಥೆ ಇದೆ.