ಇದು ಅತ್ಯಂತ ಅಪಾಯಕಾರಿ, ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ರಾಜ್ಯಪಾಲರ ಮೇಲಿನ ದಾಳಿಗೆ ಕ್ರಮ ಕೈಗೊಳ್ಳಬೇಕು: ಪ್ರಕಾಶ್ ಜಾವಡೇಕರ್

              ನವದೆಹಲಿ: ರಾಜ್ಯಪಾಲರ ಕಾರಿನ ಮೇಲೆ ಎಸ್‍ಎಫ್‍ಐ ಕಾರ್ಯಕರ್ತರು ದಾಳಿ ನಡೆಸಿದ ಘಟನೆಗೆ ಸಂಬಂಧಿಸಿದಂತೆ ಕೇರಳ ಉಸ್ತವಾರಿಯ ಸಂಸದ ಪ್ರಕಾಶ್ ಜಾವಡೇಕರ್ ಪ್ರತಿಕ್ರಿಯಿಸಿದ್ದಾರೆ.

                 ಈ ವಿಚಾರದಲ್ಲಿ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಮಧ್ಯಸ್ಥಿಕೆ ವಹಿಸಬೇಕು ಎಂದ ಅವರು, ಅತ್ಯಂತ ಅಪಾಯಕಾರಿ ಘಟನೆ ನಡೆದಿದೆ. ಎಸ್‍ಎಫ್‍ಐ ಕಾರ್ಯಕರ್ತರ ಇಂತಹ ಹಲ್ಲೆಗಳ ವಿರುದ್ಧ ಜನರು ಧ್ವನಿ ಎತ್ತಬೇಕು ಎಂದರು. ಅವರು ದೆಹಲಿಯಲ್ಲಿ ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡುತ್ತಿದ್ದರು.

                'ಇದು ತುಂಬಾ ಅಪಾಯಕಾರಿ...ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರು ಈ ಬಗ್ಗೆ ತಕ್ಷಣ ಕ್ರಮ ಕೈಗೊಳ್ಳಬೇಕು ಮತ್ತು ಜನರು ಧ್ವನಿ ಎತ್ತಬೇಕು' ಎಂದು ಪ್ರಕಾಶ್ ಜಾವಡೇಕರ್ ಹೇಳಿದರು.

              ರಾಜಭವನದಿಂದ ವಿಮಾನ ನಿಲ್ದಾಣಕ್ಕೆ ತೆರಳುತ್ತಿದ್ದ ರಾಜ್ಯಪಾಲ ಆರಿಫ್ ಮುಹಮ್ಮದ್ ಖಾನ್ ಅವರನ್ನು ಎಸ್‍ಎಫ್‍ಐ ತಂಡ  ಅಪಾಯಕ್ಕೆ ಸಿಲುಕಿಸಲು ಮೂರು ಬಾರಿ ಯತ್ನಿಸಿತ್ತು. ತಿರುವನಂತಪುರಂ ಯೂನಿವರ್ಸಿಟಿ ಕಾಲೇಜು ಬಳಿ, ಜನರಲ್ ಆಸ್ಪತ್ರೆ ಬಳಿ ಮತ್ತು ಪೆಟ್ಟಾ ಪಲ್ಲಿಮುಕ್‍ನಲ್ಲಿ ಎಸ್‍ಎಫ್‍ಐಗಳು ರಾಜ್ಯಪಾಲರ ಮೇಲೆ ಹಲ್ಲೆಗೆ ಯತ್ನಿಸಿದ್ದರು.