ಮಿಚಾಂಗ್‌ ಅಬ್ಬರ: ಚೆನ್ನೈ ಸಂಪರ್ಕಿಸುವ ನೂರಾರು ವಿಮಾನಗಳ ಹಾರಾಟ ರದ್ದು

               ಚೆನ್ನೈ: ಮಿಚಾಂಗ್‌ ಚಂಡಮಾರುತದ ಪರಿಣಾಮ ಚೆನ್ನೈನಲ್ಲಿ ಭಾರಿ ಮಳೆ ಸುರಿದಿದ್ದು, ಪ್ರತಿಕೂಲ ಹವಾಮಾನ ನಿರ್ಮಾಣವಾಗಿದೆ. ಈ ಕಾರಣ ನಿನ್ನೆಯಿಂದ ಚೆನ್ನೈ ಸಂಪರ್ಕಿಸುವ ನೂರಕ್ಕೂ ಹೆಚ್ಚು ವಿಮಾನಗಳ ಸಂಚಾರವನ್ನು ರದ್ದುಪಡಿಸಲಾಗಿದೆ.

              ಇಂಡಿಗೋದ 550, ವಿಸ್ತಾರಾದ 10 ವಿಮಾನಗಳ ಹಾರಾಟವನ್ನು ರದ್ದುಪಡಿಸಲಾಗಿದೆ.

ಇಂದು ಚೆನ್ನೈನಲ್ಲಿ ಮಳೆಯ ಪ್ರಮಾಣ ಕಡಿಮೆಯಾಗಿದೆ. ವಿಮಾನ ನಿಲ್ದಾಣವೂ ಸೇರಿದಂತೆ ಜಲಾವೃತಗೊಂಡಿರುವ ಹಲವೆಡೆ ನೀರಿನ ಮಟ್ಟ ನಿಧಾನವಾಗಿ ಇಳಿಕೆಯಾಗುತ್ತಿದೆ. ಹೀಗಾಗಿ ಚೆನ್ನೈ ವಿಮಾನ ನಿಲ್ದಾಣದಲ್ಲಿ ಇಂದು ಬೆಳಿಗ್ಗೆಯಿಂದ ಕಾರ್ಯ ಆರಂಭಿಸಲಾಗಿದೆ. ಆದರೆ ಚಂಡಮಾರುತ ಆಂಧ್ರ ಪ್ರದೇಶಕ್ಕೆ ಅಪ್ಪಳಿಸಿದ ಕಾರಣ ವಿಶಾಖಪಟ್ಟಣ ವಿಮಾನ ನಿಲ್ದಾಣವನ್ನು ಬಂದ್‌ ಮಾಡಲಾಗಿದೆ.

ಇಂದೂ ಇಂಡಿಗೊ 60 ವಿಮಾನ ಹಾರಾಟವನ್ನು ರದ್ದುಪಡಿಸಿದೆ. ಅಲ್ಲದೆ ಏರ್‌ ಇಂಡಿಯಾ ಚೆನ್ನೈ ವಿಮಾನ ನಿಲ್ದಾಣಕ್ಕೆ ಬರುವ 33 ವಿಮಾನಗಳನ್ನು ನಿನ್ನೆ ರದ್ದುಪಡಿಸಿದೆ. ಜತೆಗೆ ಇಂದು ಹೊರಡಬೇಕಿದ್ದ 20 ವಿಮಾನಗಳನ್ನು ರದ್ದು ಮಾಡಲಾಗಿದೆ.