ತಿರುವನಂತಪುರದಲ್ಲಿ ಭೂಕುಸಿತ: ಸಿಲುಕಿದ್ದ ಕಾರ್ಮಿಕರಲ್ಲಿ ಒಬ್ಬರ ರಕ್ಷಣೆ: ಇನ್ನೊಬ್ಬರ ರಕ್ಷಣೆಗೆ ಮುಂದುವರಿದ ಕಾರ್ಯಾಚರಣೆ

               ತಿರುವನಂತಪುರಂ: ಶ್ರೀಕಾರ್ಯತ್‍ನಲ್ಲಿ ಒಳಚರಂಡಿ ಪೈಪ್‍ಲೈನ್ ಅಗೆಯುವ ವೇಳೆ ಭೂಕುಸಿತ ಸಂಭವಿಸಿ ಗುಂಡಿಯಲ್ಲಿ ಸಿಲುಕಿದ್ದ ಇಬ್ಬರು ಕಾರ್ಮಿಕರಲ್ಲಿ ಒಬ್ಬರನ್ನು ಹೊರತೆಗೆಯಲಾಗಿದೆ.

             ಅಗ್ನಿಶಾಮಕ ದಳ ಮತ್ತು ಪೋಲೀಸರು ಭೂಮಿಯಡಿ ಸಿಲುಕಿರುವ ಎರಡನೇ ಕಾರ್ಮಿಕನನ್ನು ರಕ್ಷಿಸಲು ಪ್ರಯತ್ನಿಸುತ್ತಿದ್ದಾರೆ. ರಕ್ಷಿಸಲ್ಪಟ್ಟ ಪೆÇೀಠನ್ ಕೋಟ್ ನಿವಾಸಿಯ ಸ್ಥಿತಿ ಚಿಂತಾಜನಕವಾಗಿದೆ.

              ಇಂದು ಬೆಳಗ್ಗೆ ಈ ಘಟನೆ ನಡೆದಿದೆ. ಕೊಳಚೆ ನೀರು ಪೈಪ್ ಹಾಕಲು ಅಗೆದಿದ್ದ 10 ಅಡಿ ಆಳದ ಗುಂಡಿಯಲ್ಲಿ ಭೂಕುಸಿತ ಉಂಟಾಗಿದೆ. ಹೊಂಡದೊಳಗೆ ಪೋತನ್ ಕೋಟ್‍ನ ಕಾರ್ಮಿಕ ಮತ್ತು ಅನ್ಯರಾಜ್ಯ ಕಾರ್ಮಿಕರು ಇದ್ದರು. ಮಣ್ಣು ಬಿದ್ದಾಗ ಸಂಪೂರ್ಣ ಗುಂಡಿಯಲ್ಲಿ ಸಿಕ್ಕಿಹಾಕಿಕೊಂಡಿದ್ದರು. ಘಟನೆಯ ವೇಳೆ ಇತರ ಕಾರ್ಮಿಕರು ಸುತ್ತಮುತ್ತ ಇಲ್ಲದ ಕಾರಣ ಪೋಲೀಸರು ಹಾಗೂ ಅಗ್ನಿಶಾಮಕ ಸಿಬ್ಬಂದಿಗೆ ತಡವಾಗಿ ಮಾಹಿತಿ ಸಿಕ್ಕಿದೆ. ಗಂಟೆಗಳ ಪ್ರಯತ್ನದ ನಂತರ ಪೋತನ್ ಕೋಟ್ ಮೂಲದ ಕಾರ್ಮಿಕನನ್ನು ಹೊರಗೆ ತರಲಾಯಿತು. ಕೂಡಲೇ ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಯಿತು. ಬಿಹಾರ ಮೂಲದ ಎರಡನೇ ಕಾರ್ಮಿಕನನ್ನು ಪತ್ತೆ ಹಚ್ಚುವ ಪ್ರಯತ್ನ ನಡೆಯುತ್ತಿದೆ.