ನಕ್ಸಲ್ ನಾಯಕಿ ಕವಿತಾ ಸಾವಿನ ಬಗ್ಗೆ ಹೊರ ಜಗತ್ತಿಗೆ ಮಾಹಿತಿ ನೀಡಿದ್ದು ಸಿ.ಪಿ.ಮೊಯಿತ್ತೀನ್ ಮತ್ತು ತಂಡ; ಪ್ರತಿದಾಳಿ ನಡೆಸುವ ಸಾಧ್ಯತೆ ಇದೆ ಎಂಬ ಶಂಕೆಯಲ್ಲಿ ಪೋಲೀಸರು

                  ಕಣ್ಣೂರು: ಅಯ್ಯನ್ ಕುನ್ನು ಶಿಕಾಕತೋಟ್‍ನಲ್ಲಿ ಥಂಡರ್‍ಬೋಲ್ಟ್‍ನ ಎನ್‍ಕೌಂಟರ್‍ನಲ್ಲಿ ನಕ್ಸಲ್ ತಂಡದ ನಾಯಕಿ ಕವಿತಾ ಸಾವನ್ನಪ್ಪಿದ ಬಗ್ಗೆ ನಕ್ಸಲ್ ಕಬನಿದಳದ ಕಮಾಂಡರ್ ಸಿಪಿ ಮೊಯಿತ್ತೀನ್ ಮತ್ತು ಅವರ ತಂಡ ಹೊರಜಗತ್ತಿಗೆ ಮಾಹಿತಿ ನೀಡಿದೆ.

                   ನಿನ್ನೆ ವಯನಾಡಿನ ತಿರುನೆಲ್ಲಿಯಲ್ಲಿ ಕವಿತಾ ಹತ್ಯೆಯಾಗಿದೆ ಎಂದು ಪೋಸ್ಟರ್ ಹಾಕಲಾಗಿತ್ತು. ಕವಿತಾ ಅವರ ಸಾವಿಗೆ ಪ್ರತೀಕಾರ ತೀರಿಸಲಾಗುವುದೆಂದು ಪೋಸ್ಟರ್ ನಲ್ಲಿ ಎಚ್ಚರಿಕೆ ನೀಡಲಾಗಿತ್ತು.

                 ಕಳೆದ ತಿಂಗಳು ನಡೆದ ಅಯ್ಯಂಕುನ್ನು ಎನ್‍ಕೌಂಟರ್ ನಂತರ ಕಬನಿ ದಳದ ಕಮಾಂಡರ್ ಸಿಪಿ ಮೊಯ್ತೀನ್ ಮೊದಲ ಬಾರಿಗೆ ಜನನಿಬಿಡ ಪ್ರದೇಶಕ್ಕೆ ಆಗಮಿಸಿದ್ದಾರೆ. ಗುಂಪಿನಲ್ಲಿ ಆರು ಜನರಿದ್ದರು. ಕಣ್ಣೂರು ಮತ್ತು ವಯನಾಡಿನಲ್ಲಿ ಮಾವೋವಾದಿಗಳು ಪ್ರತಿದಾಳಿ ನಡೆಸುವ ಸಾಧ್ಯತೆ ಇದೆ ಎಂಬುದು ಪೆÇಲೀಸರ ಸದ್ಯದ ತೀರ್ಮಾನ. ಇದರ ಬೆನ್ನಲ್ಲೇ ರಾಜ್ಯದ ಗುಡ್ಡಗಾಡು ಪ್ರದೇಶಗಳಲ್ಲಿ ಮಾವೋವಾದಿಗಳಿರುವ ಸ್ಥಳಗಳಲ್ಲಿ ನಿಗಾವನ್ನು ಹೆಚ್ಚಿಸಲಾಗಿದೆ.

                 ನವೆಂಬರ್ 13 ರಂದು ಕಣ್ಣೂರು ಅಯ್ಯನ್‍ಕುನ್ ಅರಣ್ಯ ಪ್ರದೇಶದಲ್ಲಿ ಥಂಡರ್ ಬೋಲ್ಟ್‍ನೊಂದಿಗೆ ಎನ್‍ಕೌಂಟರ್ ಸಂಭವಿಸಿದೆ. ಮರುದಿನ ಅರಣ್ಯ ಪ್ರದೇಶದಲ್ಲಿ ಬಂದೂಕು ವಶಪಡಿಸಿಕೊಳ್ಳಲಾಗಿದ್ದು, ಕೆಲವರಿಗೆ ಗಾಯಗಳಾಗಿವೆ ಎಂದು ಪೋಲೀಸರು ಮಾಹಿತಿ ನೀಡಿದ್ದಾರೆ. ತೀವ್ರ ಅಸ್ವಸ್ಥರಾಗಿದ್ದ ಕವಿತಾ ಈ ಎನ್‍ಕೌಂಟರ್‍ನಲ್ಲಿ ಸಾವನ್ನಪ್ಪಿದ್ದಾರೆ.