ಉದ್ಯೋಗ ಕೊಡಿಸುವುದಾಗಿ ಹಣ ವಸೂಲಿ ಪ್ರಕರಣ; ಹೆಚ್ಚಿನ ಜನರಿಂದ ಪೋಲೀಸರಿಗೆ ದೂರು: ಮತ್ತೋರ್ವ ಯುವ ಕಾಂಗ್ರೆಸ್ ಮುಖಂಡ ಕೂಡ ಭಾಗಿಯಾಗಿರುವ ಶಂಕೆ

               ಕೊಟ್ಟಾಯಂ: ಉದ್ಯೋಗ ಕೊಡಿಸುವುದಾಗಿ ಯುವ ಕಾಂಗ್ರೆಸ್ ಮುಖಂಡ ಹಣ ವಸೂಲಿ ಮಾಡಿದ ಪ್ರಕರಣದಲ್ಲಿ ಹೆಚ್ಚು ಮಂದಿ ಹಣ ಕಳೆದುಕೊಂಡಿದ್ದಾರೆ ಎಂದು ದೂರುಗಳು ಬಂದಿವೆ. 

             ಯುವ ಕಾಂಗ್ರೆಸ್ ಮುಖಂಡ ಅರವಿಂದ ವೆಟ್ಟಿಕಲ್ ವಿರುದ್ಧ ಐವರು ಪೋಲೀಸರಿಗೆ ದೂರು ನೀಡಿದ್ದಾರೆ. ಒಬ್ಬೊಬ್ಬರಿಂದ 50 ರಿಂದ 1,60,000 ರೂ.ವರೆಗೆ ಸುಲಿಗೆ ಮಾಡಿದ್ದಾರೆ ಎಂದು ಪೋಲೀಸರು ತಿಳಿಸಿದ್ದಾರೆ. ಘಟನೆಯಲ್ಲಿ ಮತ್ತೋರ್ವ ಯುವ ಕಾಂಗ್ರೆಸ್ ಮುಖಂಡ ಕೂಡ ಭಾಗಿಯಾಗಿರುವ ಶಂಕೆ ವ್ಯಕ್ತವಾಗಿದೆ.

             ಆಲಪ್ಪುಳ ಮೂಲದವರಿಗೆ ಕೆಲಸ ಕೊಡಿಸುವುದಾಗಿ ಹಣ ವಸೂಲಿ ಮಾಡಿದ ಪ್ರಕರಣದಲ್ಲಿ ಪತ್ತನಂತಿಟ್ಟ ಯುವ ಕಾಂಗ್ರೆಸ್ ಮುಖಂಡ ಅರವಿಂದ್ ವೆಟ್ಟಿಕಲ್ ಅವರನ್ನು ಪೆÇಲೀಸರು ನಿನ್ನೆ ಬಂಧಿಸಿದ್ದಾರೆ. ಇದಾದ ಕೂಡಲೇ ಇನ್ನೂ ಐವರು ಇದೇ ರೀತಿ ವಂಚಿಸಿದ್ದಾರೆ ಎಂದು ಪೋಲೀಸರಿಗೆ ದೂರು ನೀಡಿದ್ದಾರೆ. ಹಣ ಕಳೆದುಕೊಂಡವರಿಂದ ಮೊದಲು 3 ಲಕ್ಷ ರೂ.ಗೆ ಬೇಡಿಕೆ ಇಟ್ಟಿದ್ದ ಆತ, ಮುಂಗಡವಾಗಿ 50 ಸಾವಿರ ರೂ.ಪಡೆಯಲಾಗಿದೆ.

            ಅವರಿಗೆ ಕೊಟ್ಟಾಯಂ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಸ್ವಾಗತಕಾರರ ಹುದ್ದೆಯನ್ನೂ ನೀಡುವುದಾಗಿ ಭರವಸೆ ನೀಡಲಾಗಿತ್ತು. ಆದರೆ ಕೊಟ್ಟಾಯಂ ವೈದ್ಯಕೀಯ ಕಾಲೇಜಿನಲ್ಲಿ ಸ್ವಾಗತಕಾರರ ಹುದ್ದೆಯೇ ಇಲ್ಲ. ಕೊಟ್ಟಾಯಂ ಮೆಡಿಕಲ್ ಕಾಲೇಜಿನ ಸೆಷನ್ ಆಫೀಸರ್ ಎಂದು ಬಿಂಬಿಸಿಕೊಂಡು ಯುವ ಕಾಂಗ್ರೆಸ್ ಮುಖಂಡರೇ ಪತ್ರಕ್ಕೆ ಸಹಿ ಹಾಕಿದ್ದಾರೆ. ಘಟನೆಯಲ್ಲಿ ಮತ್ತೋರ್ವ ಯುವ ಕಾಂಗ್ರೆಸ್ ಮುಖಂಡ ಕೂಡ ಭಾಗಿಯಾಗಿರುವ ಶಂಕೆ ಇದ್ದು, ಆತನನ್ನು ಹೆಚ್ಚಿನ ವಿಚಾರಣೆ ನಡೆಸಲಾಗುತ್ತಿದೆ ಎಂದು ಪೋಲೀಸರು ಮಾಹಿತಿ ನೀಡಿದ್ದಾರೆ.